Ezedin Abdellah

ይቺህ የማዲባ ሀገር ለካ እንዲህ ጉደኛ የመርህ ሀገር ኖራለች። መቼስ ይህ የእስራኤል-ፍልስጤም ጦርነት የብዙ ሀገራትን ገመና እና የአቋም ዥዋዥዌ አሳይቶናል። በተቃራኒው ደቡብ አፍሪካ የማይነቃነቅ፣ የማይወዥቅ ፅኑ የመርህ ሀገር መሆኗን ደግማ ደጋግማ አስመስክራለች። እንደ ዉድ ልጇ ማዲባ ጥቁር እና ነጩን የያሲር አረፋትን እስካርፍ ለብሳ ለፍትህ ታምና ገዳይ አምባገነኖችን አውግዛለች። የደቡብ አፍሪካን ያህል ለፍልስጤማውያን እስራኤልን በግልፅ የወቀሰ የአረብ ሀገር እንኳ የለም።

ከሰሞኑ ደግሞ ህፃናትን ከሚጨፈጭፍ ስርዓት ጋር ቴል አቪቭ መቀመጥ የለባቸውም ብሎ ድፕሎማቶቿን በሙሉ ጠርታለች። ትላንት ደግሞ የሀገሪቱ ፓርላማ በእስራኤል-ሐማስ ጉዳይ አስቸኳይ ስብሰባ ጠርተዋል። በስብሰባው ላይ የደቡብ አፍሪካ ዉጭ ጉዳይ እና ዓለማቀፍ ትብብር ሚንስትር ዶር ናሌዲ ፓንዶር እጅግ የሚያስደምም ንግግር ተናግሯል። ቆራጥነቷ እና ልበሙሉነቷ ይገባል። በመሐል አንድ ነጭ ተነስቶ እርሰዎ ሴትዮ ባለፈው ቴህራን ሄዱ፣ ቀጥሎ ለሐማሱ መሪ ደውሎ አነጋገሩ...አዝማሚያዎት አላማረኝም..አሸባሪዎችን እየደገፉ ይሁን እንዴ አላቸው። ይህን ግዜ እሳት ጎርሶ እሳት ለበሱ። ከእንባቸው ጋር እየታገሉ ጠረጴዛ እየደበደቡ መናገር ጀመሩ...

እኛ የአፓርታይድ ጠባሳ ያረፈብን ሰዎች ነን። ጠባሳው ጉልህ ነው። ያን የኛን መከራ ፍልስጤማዊያን አሁን እየኖሩት። አንድ የቤተሰቤን ታሪክ ልናገር..አያቴ ብርቱ ሰው ነው። ታታሪ ሰራተኛ ነው። ትልቁ ሕልሙ በደርባን ከተማ መኖሪያ ቤት መስራት ነበር። በልፋቱም ይህን ሕልሙን አሳክቶ ከባለቤቱ ጋር ደርባን ውስጥ ወደ ገዛው ቤቱ ገባ። ምን ዋጋ አለው..ይህ አከባቢ ለነጭ እንጂ ለጥቁር አይፈቀድም ተባለ። ያለ ካሳ ላቡን አፍስሶ የገዛውን ቤት ተነጠቀ። ወዲያውኑ በልብ ድካም አረፈ.....

ይህን ታሪክ ብቻ ተናግሮ አልቋጩም። የእስራኤልን ጅምላ ፍጅት በፅኑ አወገዙ። የፍልስጤም ልጆች የኔን ሀይማኖት አይከተሉም ይሆናል..የኔን ቋንቋ አይናገሩም ይሆናል..የቆዳ ቀለማችንም አይመሳሰልም ይሆናል..ግን የሰው ልጆች ናቸው። እኛ በአፓርታይድ ያየነውን መከራ የትኛውም የሰው ልጅ እንዲያይ መፍቀድ የለብንም። ቃል ኪዳን የገባንለት ሕገ መንግስታችንም ለአለማቀፍ ወንድማማችነት፣ ነፃነት እና ለሰብዓዊ ክብር እንድንቆም ያስገድደናል ...አሉ አሁንም ቀጠሉ...እኔን የበለጠ የገረመኝን ነገር ተናገሩ..

እስራኤል አለማቀፍ ህጎችን ጥሳለች። በመሆኑም ጠ/ሚ/ር ቤንጃሚን ኔታናሁን ጨምሮ የእስራኤል ቁልፍ አመራሮች በአለማቀፍ የወንጀለኞች ፍርድ ቤት (ICC) መጠየቅ አለባቸው አሉ። እንዳውም አሁኑኑ የእስር ማዘዣ ልወጣባቸው ይገባል ብሎ በመናገር ይበልጥ አስደመሙኝ። እምዬ ፓንዶር ለእንደርሰዎ አይነት ብርቱ፣ቆራጥ፣ልባም፣ የመርህ ሰው ከፍ ያለ አድናቆት አለኝ🙏

#በድል_ምእራፍ_ላይ_የሚገኘው_ሀማስ !

ጦርነቱ ተፋፍሞ እንደቀጠለ ቢሆንም ከእስራኤል በኩል መተንፈስ ይታያል ። ያበጠው ትእቢቷ እየሞሸሸ ይመስላል ። በቀናት አሳካዋለሁ ያለቺው በወራት ቢረዝምባትም እያሳካቺው ያለው ግን ድልን ሳይሆን ውርደትን ሽንፈትን ነው ።

ከአንድ ወር በላይ በተሻገረው የሀማስና የእስራኤል ትንቅንቅ እስካሁን ሀማስ ከ 136 በላይ ታንክና ወታደራዊ ተሽከርካሪዎቿን እምሽክ አድርጎላታል ። ከ 500 በላይ ወታደሮቿንም ወደዚያ ወደሚጠብቃቸው አለም አሰናብቷቸዋል ። ሌሎች በመቶዎች የሚቆጠሩ የእስራኤል ወታደሮች ደግሞ ቁስለኛ ሆነው የእስራኤል ሆስፒታሎችን አጠናንቀዋል ። የእስራኤል ወታደሮች አስክሬን በሰአታት ልዩነት ውስጥ እየገማ ለገናዥ ለቀባሪም አስቸግሯል ። ሄሊኮፕተሮች አስክሬን እና ቁስለኛ በማመላለስ ተጠምደዋል ።

ይህ ሁሉ ከባድ ምት ይህ ሁሉ ድቆሳ የደረሰባት አንድም የአየር ሀይል አንድ ሜካናይዝድ ሀይል አንድም የተራቀቀ የሚሳኤልና የሮኬት ሀይል በሌለው ጀግንነት ኢማንን ፅናትን ስንቅና ትጥቁ ባደሰረገው ሀማስ ነው ። እስራኤል ከተመሰረተች ጀምሮ እንደዚህ አይነት ውርደትም ሽንፈትም ውድመትም ደርሶባት አይታወቅም !

ልብ በሉ !

እስራኤል ከመካከለኛው ምስራቅ ተወዳዳሪ የሌላት የጦር ሀይል እንድትሆን ከ 600 በላይ የጦር ጄቶችን ከአሜሪካና አጋሮቿ የታጠቀች ፤ ሮኬት ተወንጭፎ እንዳይመታት Iron dome ን የመሳሰለ ቴክኖሎጂ ከአሜሪካ የተሰጣት ፤ የኑክሌር ቦንብን እንድትታጠቅ በምእራባውያን የተደገፈች ፤ ይህ ሁሉ አልበቃ ብሎ በየአመቱ ረብጣ ቢሊዮን ዶላሮች ለጦሯ ማጠናከሪያ ወደ ካዝናዋ የሚንቆረቆርላት ሀገር ነች ። ይሄም ሁሉ አልበቃ ብሎ አሜሪካ የጦር ሀይሏን ጭምር ወደ መካከለኛው ምስራቅ ልካ " ምናልባትም ኢራን ብትመታትስ " በሚል የምትጠብቃት ሀገር ናት ። ታዲያ እስራኤል በዚህ ሁሉ መሀል ከ 400,000 በላይ ጠንካራ ሰራዊትን ገንብታለች ።

ግና ይሄ ሁሉ ነገር ሀማስን እንድታሸንፍ አለማስቻሉ ነው እንቆቅልሹ ። እናንተየ እንደት ከአለም ሁሉ ተነጥሎ አንድት ትንሽየ ግዛት ውስጥ የራሱን ርኬቶች በራሱ እጅ እየሰራ የሚታገል ድርጅት ይህን ሁሉ የሆነች ሀገርን ማርበድበድ ተቻለው ? ግሩም ድንቅ ነው ! የነርሱስ ይለያል !!

አሁን እስራኤል ወደ ጋዛ ከተማ ለመግባት የምታደርገው መንገድ የጀሀነም መንገድ ሆኖባታል ። የእስራኤሉ መከላከያ ሚኒስትር ቃል አቀባይ ቃል በቃል የተናገረውን ልንገራችሁ " ከጋኔሎች (ጅኖች ) ጋር ነው እየተዋጋን ያለነው " አለ ። ለምን ተብሎ ሲጠየቅ " ከጋኔል ጋር ስትዋጋ ከየት መጥቶ ፊትህን እንደሚደረግመው አታውቀውም በጎዳናው እየሄድክ ድንገት ሊያነድብህ ይችላል እንድህ አይነት ጦርነት ነው እያደረግን ያለነው " አለ ። ወዳጅ ቢመስክር ምን ይደንቃል ? እንደዚህ ጠላት ሲመሰክር ግን አቤት ልእልና !! አቤት ጀብደኝነት !!

ቤኒያሚን ኔታኒያሁ ደግሞ እንደዚህ ሲል ሀማስን ወቀሰ " ሀማሶች በደፈጣ አጥቅተው እየሸሹ እየተዋጉ ነው ያሉት " አለ ። እና ለአየር ሀይሉ እዚህ ነን እያሉ መጣራት ነበረባቸው 🤔

አንድ ነገር ግን ልንገራችሁ !

አሁን ሀማስ ሀይሉን ቆጥቦ ነው እየተዋጋ ያለው ። ወታደራዊ እንቅቃሴዎቿን ወታደርና ተሽከርካሪዎቿን እያጠመደ መደምሰስ ላይ ብቻ ነው የተወሰነው ። ምክንያቱም ጦርነቱ እስከሚን ሊቀጥል እንደሚችል ሶለማይታወቅ እስራኤልንም በረጅም ጊዜ ፍልሚያ የማዳከም አላማ ስላለው አሪፍ አድርጎ እየገባላት ነው ።

እና አሁን እስራኤል ነገሮች እንዳሰበቺው እየሄዱላት አይደለም ። ለዚያም ዛሬ በየቀኑ የተወሰነ ሰአታት ተኩስ አቁም አሳውቃለች ።

ችግርን ከአቅሙ በላይ ቦታ የምትሰጠው ከሆነ ከጤንነትህ ጨልፈህ ውሃ እያጠጣኸውና እያሳደግከው እንደሆነ እወቅ። ችግሮችን ሀዘን አይፈታቸውም። ለችግሮች በአቅማቸው መጋፈጥ መፍትሄ ነው። ለሚያሳምምህ ነገር ሁሉ ማዘንና መጨነቅ ግን የለብህም። አንዳንድ ነገሮችን እንዳላየም፣ እንዳልሰማም ሆነህ ችላ በላቸው።

ሼር ሼር አድርጉ