Hussen Mehdi

ያሳዝናል‼

========

✍ እስራኤል በጋዛ ሰርጥ ላይ ባካሄደችው የአየር ድብደባ በትንሹ 11,078 ፍልስጤማውያን፣ 4,506 ህፃናት እና 3,207 ሴቶች ተገድ'ለዋል፤ ከ27,490 በላይ ቆስለዋል።

- ባለፉት 24 ሰዓታት ውስጥ 94 ህጻናትን ጨምሮ 260 ፍልስጤማውያን ተገድለዋል።

- 1,500 ህጻናትን ጨምሮ 2,700 ያህል ሰዎች አሁንም በፍርስራሹ ውስጥ አሉ።

- 1,130 የፍልስጤም ቤተሰቦች ተጨፍጭፈዋል።

- በእስራኤል ጥቃት ሰለባ ከሆኑት መካከል 70% የሚሆኑት ህጻናት፣ ሴቶች እና አዛውንቶች ናቸው።

- 198 የጤና ባለሙያዎች ሲሞቱ ከ100 በላይ ቆስለዋል።

- በትንሹ 46 የፍልስጤም ጋዜጠኞች ተገድለዋል።

- 21 ሆስፒታሎች እና 47 ጤና ጣቢያዎች በነዳጅ መመናመን ምክንያት ከአገልግሎት ውጪ ሆነዋል።

- እስራኤል ነዳጅ ማቋረጧን በቀጠለችበት ወቅት ከ130 በላይ የፍልስጤም ጨቅላ ሕጻናት በአደጋ ላይ ናቸው።

★

በዓለም ላይ አሉ የሚባሉ ኃያላን ሁሉ ተሰባስበው 351 km² ስፋት ባላትና ላለፉት 17+ አመታት በማዕቀብ (ከበባ) ውስጥ ባሳለፈች አንድት አነስተኛ ከተማ ላይ የጀምላ ዘር ማፅዳት ወንጀል እየፈጸሙ ይገኛሉ።

አንድ እንኳ ሃግ የሚላቸው የለም። ይህች አነስተኛ ከተማም ከ2.4 ሚሊዮን ገደማ ህዝቦቿ ጋር እስካሁን ድረስ አንድ ወር ሙሉ ትንፋሿ ሳይቋረጥ በጽናት ትግሏን ቀጥላለች።

መጨረሻውን አላህ ይወቅ።

ኢላሃና! እኛ ከዱዓእ ውጭ አቅም የለንምና አንተ ጣልቃ ግባ‼🤲🤲🤲

ዑመር ረዐ ድንገት ረሱል ሰዐወ ወደተኙበት ደሳሳ ጎጆ ሲገባ ህመሙን

ሚያብስበት ትዕይንት ተመልከተ።

እዝያች ደሳሳ ጎጆ ውስጥ በተነጠፈች ብጣሽ የግመል ቆዳ ላይ ረሱል ሰዐወ

በሳር የተሰራ ትራስ ተንተርሰው ተኝተዋል።

የተኙባት ቆዳ አርጅታ ጫፍ ጫፏ ተበላልቷል። የቆዳው ድርቀት መላ ሰውነታቸው

ላይ ሰንበር አውጥቶ ገላቸው ተጎድቷል።

ከተኙበት ክፍል ቁና እማትሞላ ገብስ በስልቻ ተደርጎ ጥግ ላይ ተቀምጧል።

የድህነት መገለጫዎችን በሙሉ ዑመር ከረሱል ሰዐወ ቤት ሲመለከት ስሜቱ

አስገድዶት እንባውን ያፈስ ጀመር።

ነቢ እንባውን ተመለከቱት፦‹‹ዑመር ምን ሁነኃል? ለምን ታለቅሳለህ?››

አሉትም።

ዑመር ረዐ ሲቃ ከሚተናነቀው ድምፅ ጋር ግብግብ እየፈጠረ፦‹‹ነቢዋ! ገላዎት

ባለቀ የቆዳ ንጣፍ ሰንበር አውጥቶ እያየሁ እንዴት አላልቅስ?! ከርስዎ ክፍል

ይህችን ምታክል ገብስስ እየተመለከትኩ እንዴት አላልቅስ?!

የሮም እና የፐርሺያ ንጉሳን በወርቅ እና በአልማዝ ባሸበረቁ አልጋዎች ላይ የሀር

ጨርቅ አንጥፈው በፍራፍሬዎች እልፍኝ ተደላድለው ሲኖሩ እርሶ የአላህ ነቢይ

እና ውድ ሁነው እንዴት?! ›› ብሎ የቁጭት ለቅሶውን ቀጠለ።

ነቢ ፈገግታ ከፊታቸው እያስነበቡት እንዲህ አሉት፦‹‹ዑመር! እነሱ እኮ

ድሎታቸው የፈጠነላቸው ሰዎች ሲሆኑ በቅርቡ ከድሎት ይቋረጣሉ።

እኛ ደግሞ ፀጋዎቻችን ወደ ጀነት የተሸጋገረላቸው ህዝቦች ነን፤ ታድያ ዱንያ

ለነሱ ሁና አኪራ ለኛ እንድትሆን አትፈልግም እንዴ? ››

ዑመር ንግግራቸው ቢያሳምነውም ምቾት አልሰጠውም፦‹‹ነቢዋ! ታድያ ሌላው

እንኳ ቢቀር ለምን ከዚህ ለስለስ ባለ ምንጣፍ ላይ አይተኙም? ›› አላቸው

በስስት እየተመለከተ።

ነቢ ጉዳዩን ግልፅ ሊያደርጉለት ፈለጉና ጠንከር አሉ፦‹‹ዱንያ እና እኔን ምን

አገናኘን?! እኔ እና ዱንያ ማለት እኮ ልክ የበረኃ ተጓዥ በአንዲት ጥላ ተጠልሎ

ፀሀይዋ ስትበርድ ጉዞውን እንደሚቀጥለው ነው እኮ (ጥላዋ ስር እድሜ ልኩን

አይኖርም)›› አሉት።

ሰላሏሁ አላ ነቢዪና ሙሐመድ

ከumma media

Aselam Aleykum