አረቢያ በጠቅላላ ተሰባስባ 6 ቀን በላይ መታገስ አልቻለችም ነበር። አንዲት ገዛ የተሰኘች የምርጦች ከተማ ግን ከመከራውና ግፉ ጋር ብዙ ድሎችን ተሸክማ 45 ቀናት ሞላት።
ምድር ካፈራችው ሁሉ ነጃሳና ወራዳ ለሆነው የ "ነቲን ያሁ" ስብስብ ያጎነበሰ አዛውንት፣ እጅ የሰጠች ሴት አልያም የተማረከ ህፃን የለም። በአላህ ፈቃድም አይኖርም!
ከዚህ ጀርባ ብዙ የፅናት ምንጮች አሉ።
1★ ቁርኣን የፅናት ምንጫቸው ነው። በዛች ምድር በቃልም በተግባርም ቀንና ለሊት ሳያቋርጥ የሚነበበው የአላህ ቃል ቁርኣን!
አላህም አለ።
« قُلْ نَزَّلَهُ رُوحُ الْقُدُسِ مِن رَّبِّكَ بِالْحَقِّ لِيُثَبِّتَ الَّذِينَ آمَنُوا وَهُدًى وَبُشْرَىٰ لِلْمُسْلِمِينَ »
« እነዚያን ያመኑትን ሊያፀናና ሙስሊሞቹንም ሊመራና ሊያበስር (ቁርኣንን) ቅዱሱ መንፈስ (ጂብሪል) እውነተኛ ሲኾን ከጌታህ አወረደው በላቸው፡፡ » ሱረት ነህል 102
2★ የማይነቃነቅ ኢማን የፅናት ምንጫቸው ነው። የሚያዩት፣ የሚሰሙት፣ እየኖሩት ያለው የመከራ ክምር ከተሸከሙት ከተራራ የፀና ኢማን አንፃር ምንም ነው። እኛም የምንመሰክረው ይህንኑ ነው።
አላህም እንዲህ አለ።
« إِذْ يُوحِي رَبُّكَ إِلَى الْمَلَائِكَةِ أَنِّي مَعَكُمْ فَثَبِّتُوا الَّذِينَ آمَنُوا...»
« ጌታህ ወደ መላእክቱ ባወረደ ጊዜ (ያለውን አስታውስ) «እኔ (በእርዳታዬ) ከእናንተ ጋር ነኝ። እነዚያን ያመኑትን አጽኗቸው፡፡… » ሱረት አንፋል 12
3★ የማያቋርጥና በመተናነስ የታጀበው ዱዓእ የፅናት ምንጫቸው ነው። የመከራ መነሳት፣ ትእግስትና መረጋጋት፣ ድልና አሸናፊነት ከአላህ ብቻ እንደሆኑ የሚያምኑት ገዛውያን ቀንና ሌሊት ጌታቸውን በፍፁም እምነት ውስጥ ሆነው ይጠሩታል። ዱዓእ!
አላህም እንዲህ አለ።
« وَلَمَّا بَرَزُوا لِجَالُوتَ وَجُنُودِهِ قَالُوا رَبَّنَا أَفْرِغْ عَلَيْنَا صَبْرًا وَثَبِّتْ أَقْدَامَنَا وَانصُرْنَا عَلَى الْقَوْمِ الْكَافِرِينَ »
« ጎልያድና ሠራዊቱን (ሊጋደሉ) በተሰለፉም ጊዜ፡-
«ጌታችን ሆይ! በእኛ ላይ ትዕግስትን አፍስስ፤ እግሮቻችንንም አፅና (በትግሉ ላይ) ፤ በከሓዲያን ሕዝቦችም ላይ ድልን ስጠን » አሉ፡፡ » ሱረት አል በቀራህ 250
4★ ግፍን የተሻገረው፣ መከራ ያልሸፈነው፣ ሞትና ሰቆቃ ያላዘነበለው በክስተቶቹ ውስጥ ሁሉ ያለ አላህን ማስታወስ የፅናት ምንጫቸው ነው። በአላህ ውሳኔ ላይ ያለ ያልተዛነፈ እምነታቸው በችግራቸው ውስጥ ከአላህ ጋር መኖርን ችሯቸዋል። ዚክር የፅናት ምንጫቸው ነው!
አላህም እንዲህ አለ።
« يَا أَيُّهَا الَّذِينَ آمَنُوا إِذَا لَقِيتُمْ فِئَةً فَاثْبُتُوا وَاذْكُرُوا اللَّهَ كَثِيرًا لَّعَلَّكُمْ تُفْلِحُونَ»
« እናንተ ያመናችሁ ሆይ! (የጠላት) ሰራዊትን በገጠማችሁ ጊዜ ፅኑ፤ (መክቱ)፡፡ አላህንም በብዛት አውሱ፤ በእርግጥም ትድናላችሁና፡፡ » ሱረት አንፋል 45
5★ ለዚያ የሻም ምድር እንቁዎች የፅናት ምንጭ የአላህ እርዳታ ነው። አላህ በመንገዱ ከታገሉት ጋር ነው። ቁርኣን ሰውን ሊሰራ የመጣ ነው። እነዚህን የተሰሩ ሰዎች ሁሉ ደግሞ የአላህ እርዳታ አብሯቸው አለ። የጌታቸው እርዳታ በመንገዱ ለመፅናታቸው ምክንያቱ ነው። መዒየቱላህ!
አላህም እንዲህ አለ።
« وَلَوْلَا أَن ثَبَّتْنَاكَ لَقَدْ كِدتَّ تَرْكَنُ إِلَيْهِمْ شَيْئًا قَلِيلًا »
« ባላፀናንህም ኖሮ ወደነሱ ጥቂትን (ዝንባሌ) ልትዘነበል በእርግጥ በተቃረብክ ነበር፡፡ » ሱረት ኢስራእ 74
6 ★ የፅናት ምንጫቸው የሚያስፈልገውን ዋጋ ሁሉ መክፈላቸው ነው። ሀብት፣ ንብረት፣ ገንዘብና ነፍሳቸውን ከፈሉ። እነርሱ ዘንድ ምንም ትልቅ የሚባል ነገር የለም። ሁሉም ለአላህ ከሚከፍሉት አንፃር ትንሽ ነው። እነርሱ ዘንድ ሞትና ህይወት እኩል ሆኗል። ስለዚህም አላህም አፀናቸው።
አላህም እንዲህ አለ።
« وَمَثَلُ الَّذِينَ يُنفِقُونَ أَمْوَالَهُمُ ابْتِغَاءَ مَرْضَاتِ اللَّهِ وَتَثْبِيتًا مِّنْ أَنفُسِهِمْ ... »
« የእነዚያ የአላህን ውዴታ ፈልገው እና ለነፍሶቻቸው (እምነትን) ለማፅናት ገንዘቦቻቸውን የሚለግሱ ሰዎች… » ሱረት አል በቀራህ 265
በእነዚህ መሰል የአላህ አንቀፆች ውስጥ እየኖሩ ያሉ ሰዎች መፅናታቸው የግድ ነው። ቁርኣን የሰራቸውን ሰዎች መመልከት ከፈለግክ ወደነርሱ ተመልከት።
“ጌታዬ ሆይ በፅናታቸው ላይ ፅናትን ለግሳቸው።”
3
