Muhammad Yosin

Руҳнинг ҳам қулоқлари бор. У ақл эшитмаган ва идрок этмаган нарсаларни эшитиш имконини беради.

Жалолиддин Румий

“Парвардигорларндан қўрққан зотлар тўп-тўп ҳолда жаннатга “ҳайдалиб”, то улар дарвозалари очиқ жойга (жаннатга) етиб келганларида ва унинг қўриқчилари: «Сизларга тинчлик-омонлик бўлсин! Хуш келдингиз! Бас, унга мангу қолувчи бўлган ҳолларингизда кирингиз”, деганларида улар чексиз шодланадилар”

(Зумар, 73).

#Ибрат

Маъноли ҳикоя

Антропология фани олими Африканинг ибтидоий қабилаларидан бирида болалар билан қуйидагича ўйин ўйнади.

Лаззатли мевалар солинган саватчани бир дарахт тагига қўйиб, уларга: "Сизлардан ким биринчи бўлиб, саватчага етиб келса, унинг ичидаги меваларни қўлга киритади", деди.

"Бошладик" ишорасини берганда олим фавқулодда қизиқ бир ҳолатнинг гувоҳи бўлди.

Болакайлар ширин меваларга етишгунларича бир-бирларининг қўлларидан маҳкам ушлаб, баробар дарахт остига етиб келишганди.

Ҳар бирлари ғолиб бўлиш имкониятига эга бўла туриб, нега бундай қилганлари ҳақида олим сўраганда, болакайлар таажжуб билан: "Қандай қилиб бошқаларимизнинг бахтсизлиги эвазига биримиз саодатли бўлишимиз мумкин?!" дея жавоб қилишди!

Улар ўзларидаги қоида: "Биз бўлганимиз туфайли мен борман!" қоидасига мувофиқ иш тутишганди.

Бу ибтидоий қабила, ўзини улардан афзал ва мутараққий билувчи жамиятлар йўқотиб қўйган саодат сиррига эга эди.

Айман Ёғий

#Ибрат

Ўлим вақт танламас

Шайҳ Саъдий ҳикоя қилади:

- «Бошяланг, оёқяланг бир камбағал киши Куфа шаҳридан Ҳижозга борувчи карвонга қўшилиб, бизга йўлдош бўлди. У кишида дунё молидан ҳеч нарса йўқлигини кўрдим. Пиёда кетар, ҳеч нарсадан ташвиши йўқ эди. Туя устида кетаётган бир бой ҳалиги камбағалга:

- Эй қаландар, қаерга кетяпсан, орқага қайтсанг бўлармиди! Бу олис сафарда, бий саҳрода заҳмат-машаққат чекиб ўлиб кетасан, - деди. Камбағал бойнинг сўзига эътибор бермай, йўлида кетаверди.

- Нахлаи Маҳмуд деган жойига етганимизда бойнинг ажали етиб, ўлди. Пиёда келаётган бояги камбағал бойнинг ёстиғи ёнига келиб, секингина:

- Биз саҳрода қийинчилик чекиб, пиёда йўл босиб ўлмадик, аммо сен нортуя устида роҳатланиб йўл юрсанг ҳам ўлдинг! - деди.

“Кўҳна дунё ривоятлари”

#Ҳикмат

Ким ўлимни кўп эсласа, уч нарса билан мукаррам бўлади: тез тавба қилиш билан, ризқига қаноат қилиш билан, ибодатга ғайрат қилиш билан.

Ким ўлимни эсдан чиқарса, уч ишда орқада қолиб кетади: тавбани кейинга суради, кифояга рози бўлмайди, ибодатда ялқовлик қилади.

Ҳамид Лофоф