umma1703650920

Ички сиёсатда, диний соҳадаги сиёсатда икки қараш курашмоқда.

1.Инерция. Олдинги қараш. Узоқ муддат ҳукмрон бўлган қараш: диндорлик – энг катта душманимиз, диндорлик даражаси ошиб борса – модерн давлат қура олмаймиз, иккинчи Афғонистон бўламиз, йиқиламиз, йиқитиламиз, қолоқ бўлиб қоламиз, олабўжи бўлиб қоламиз... Шунинг учун диндорлик даражаси билан курашиш керак: соқол, ҳижоб, диний кўриниш... Исломий ошхоналар, диний номлар... – буларнинг барисига “Запрееееет!!!”

2.Ислоҳотлар ортга қайтмаслиги керак. Репрессияга йўл қўймаслик керак. Агар репрессияларга қайтсак, ўзимизга ҳам ноқулай бўлади... Халқаро майдонда обрўй кетади, сармоя келмайди, ҳеч ким қўл бериб саломлашмай қўяди... Яна якка мохов бўлиб қоламиз, яна қорадан қора рўйхатларда бўламиз...

Лекин, кичик қадамлар билан инерция устун келмоқда. Яна диндорлик даражаси билан кураш авж олмоқда. Дин ва виждон эркинлиги билан кураш бошланмоқда... Оқибатлари барибир салбий бўлади... Давлат учун ҳам, жамият учун ҳам. Ҳеч ким ютмайди, миллат ютқазади, давлат ютқазади, халқ ютқазади.

Аслида, жамиятнинг ҳокимиятга ишончини ошириш керак эди, давлатнинг легитимлигини мустаҳкамлаш керак эди. Дунёвий давлатчиликни тушунтириш зарур эди, виждон ва дин эркинлигини реал жорий қилиш керак эди... Тескариси бўлаяпти,

@Rabbimov_rasmiy

#танқид

Биз нимани севишимизга қараб тақдиримиз ҳал бўлади!

Испания ҳудудидаги Кастилия қироли кунларнинг бирида ўзининг энг ишончли жосусини Андалусияга, урушдан олдин мусулмонларнинг ҳоли ҳақида маълумот йиғиш учун жўнатди.

Хуллас, жосус савдогар либосини кийиб, сафарга отланди. Дарёни кечиб, мусулмонлар ҳудудига кирганида ёш болаларнинг камондан ўқ отиб, машқ қилаётганликларини кўрди. Улар орасида бир болакай йиғлаб ўтирарди. Жосус унинг олдига бориб, йиғининг сабабини сўради.

Бола унга жавобан деди:

— Мен нишонга қарата 10 та ўқ отдим, аммо биргина ўқим нишонга тегмай қолди.

— 10тадан 9таси тегибди, бу ажойиб-ку!

— Аммо жанг майдонида биргина ўқим душманга тегмай қолса, ўша душман мени ёки биродарларимдан бирини ўлдиришидан қўрқаман...

Жосус унинг гапларидан ҳайрон қолди. Кўп ўтмай у қироли ҳузурига қайтди ва камончи болалар ҳақида айтиб, маҳаллий аҳолининг ёшлари дини учун, ватани учун қолаверса шаъни учун курашадиган руҳда. Биз уруш очганимизда ҳам бари бир мағлуб бўламиз, шунинг учун урушни бир қанча муддатга қолдиришни таклиф қилибди. Қирол: "Агар Андалусия болакайи шу қадар бўлса, у ҳолда баҳодирлари қандай бўлиши мумкин?" деб, ўйга толибди.

Орадан йиллар ўтди. Мусулмонларнинг Андалусиядаги таъсири сезиларли даражада сусайди. Қирол яна жосусини маълумот йиғиш учун жўнатди.

Жосус белгиланган ҳудудга кирар экан, дарё бўйида кўз-ёш тўкиб ўтирган навқирон йигитга кўзи тушди. Олдига бориб ўтирди ва уни гапга солишга уринди. Маълум бўлишича, йигит ўзи севиб қолган қиз унинг совчиларини рад қилганидан йиғлаётган экан.

Жосус унинг устидан кулиб, мусулмонлар орасига киришни ҳаёлига ҳам келтирмай ортига қайтибди ва ўз қиролига: - Мусулмонларнинг ёшлари олдингига қараганда ўзгарибди. Тўғрироғи тарбияси бузилибди. Олдингидай эл-юрт шаъни, динини  ўйлайдиган даражадан мутлақо  йироқлашибди. Бундан биз унумли фойдаланиб қолишимиз керак. Энди уриш очсак албатта ўша ерни қўлга оламиз, мен бунга кафолат бераман! - дебди. Кўп ўтмай қирол ўз қўшини билан Андалусияга ҳужум қилди ва мусулмонлар қўшинини тор-мор қилди.

Бу мағлубият ҳали-ҳанузгача давом этаяпти...

P.S.: Бугун умматнинг дарди майдалашди: данғиллама уй қуриш, дабдабали тўй қилиш, янги машина олиш... Бу йўлда керак бўлса бир-бирини талашдан ҳам қайтмаяпмиз. Ёшларимизни эса дин, ватан, миллат, шараф қайғусида ёнадиган эмас, нима қилиб бўлмасин пул топиш ғамида юрадиган қилиб тарбиялаяпмиз афсус.

Биз нимани севишимизга қараб тақдиримиз ҳал бўлади!

Тафаккур қилинг!

@Tafakkur3

Har qaysi ayol ham farzand dunyoga keltirishi mumkin, bu oddiy holat. Faqat ona bo‘lish katta mahoratni taqozo etadi.

📖 Fesleen

🖋 Hikmat Anil O‘ztekin

©️ Misbah nashriyoti