mutolaadan

Abu Hurayradan rivoyat qilinadi: «Nabiy sollallohu alayhi vasallam: «Bir odam qishloqdagi birodarini ziyorat qildi. Alloh uning yo‘liga bir farishtani yubordi.

U: «Qayerga ketyapsan?» dedi.

«Shu qishloqdagi birodarimnikiga», dedi.

«Unda senga bir ne’mat bor-u, o‘shani isloh qilmoqchimisan?», dedi.

«Yo‘q! Men uni Alloh uchun yaxshi ko‘raman», dedi.

«Men senga yuborilgan Allohning elchisiman. Albatta, unga muhabbat qo‘yganing kabi, Alloh ham senga muhabbat qo‘ydi», dedi».

📖 Odoblar xazinasi: 2-juz

Imom Buxoriyning “AL-ADAB AL-MUFRAD” kitobining sharhi

✍️ Shayx Muhammad Sodiq Muhammad Yusuf

Anas ibn Molikdan rivoyat qilinadi: «Rasululloh sollallohu alayhi vasallam ansoriy xonadonlardan birining ahlini ziyorat qildilar va ularnikida taomlandilar. Keyin chiqib ketmoqchi bo‘lganlarida uyning bir joyini ko‘rsatib, buyurgan edilar, u zot uchun bir to‘shamaga suv sepildi. U zot o‘shaning ustida namoz o‘qib, ularning haqqiga duo qildilar».

•••

Demak, bir birodaringizni ziyorat qilsangiz, ahli bayt sizni hurmat qilib, topganini qo‘ysa, taom yeyilsa, albatta ularning haqqiga duo qilish, ularga Alloh subhanahu va taolodan xayr-baraka tilash mehmonning burchiga aylanar ekan.

📖 Odoblar xazinasi: 2-juz

Imom Buxoriyning “AL-ADAB AL-MUFRAD” kitobining sharhi

✍️ Shayx Muhammad Sodiq Muhammad Yusuf

Bir kuni Abu Dardo roziyallohu anhu Rasululloh sollallohu alayhi vasallamning huzurlarida o‘tirgan ekanlar. Nabiy sollallohu alayhi vasallam sadaqa haqida gapirib turganlarida, Abu Dardo roziyallohu anhu: «Mening bog‘im sadaqa», deb yuborgan ekanlar.

So‘ng borib, bog‘da yurgan ayollariga: «Hoy Ummu Dardo, chiq, chiq! Endi bu seniki emas», deganlar.

Ayollari buning sababini so‘raganlarida, bo‘lgan gapni aytganlar.

Shunda Ummu Dardo roziyallohu anho: «Juda yaxshi qilibsiz-da», deb xursand bo‘lib, qozon-tovog‘ini ko‘tarib chiqib ketganlar. Ummu Dardo ba’zilarga o‘xshab, bog‘ini sadaqa qilib yuborgan erlarini qarg‘amaganlar, balki «Savob ish qilibsiz», deb erlari qilgan ishni qo‘llab-quvvatlaganlar. Bu oila ana shunday solih oila bo‘lgan.

📖 Odoblar xazinasi: 2-juz

Imom Buxoriyning “AL-ADAB AL-MUFRAD” kitobining sharhi

✍️ Shayx Muhammad Sodiq Muhammad Yusuf

Abdullohdan rivoyat qilinadi: «Nabiy sollallohu alayhi vasallam: «Mo‘min tahqirlovchi, la’natlovchi, fahsh so‘zlovchi va so‘kong‘ich bo‘lmaydi», dedilar».

📖 Odoblar xazinasi: 2-juz

Imom Buxoriyning “AL-ADAB AL-MUFRAD” kitobining sharhi

✍️ Shayx Muhammad Sodiq Muhammad Yusuf

Abu Hurayradan rivoyat qilinadi: «Nabiy sollallohu alayhi vasallam shunday dedilar: «Do‘zaxga eng ko‘p kiritadigan narsa nimaligini bilasizmi?» dedilar.

«Alloh va Rasuli bilguvchidir», deyishdi.

«Ikkita teshik narsa — farj va og‘iz. Jannatga eng ko‘p kiritadigan narsa nima? Allohga taqvo qilish va husni xulqdir».

•••

Farj bilan inson zino qilib, do‘zaxga tushadi.

Til balosi — yomon, kufr so‘zni aytish. Yolg‘on, bo‘hton, ig‘vo, tuhmat so‘zlar, birovlarni so‘kish — bularning bari do‘zaxga olib boradigan narsalar.

Shu ikki narsa ko‘pchilikning do‘zaxga kirishiga sabab bo‘lar ekan.

📖 Odoblar xazinasi: 1-juz

Imom Buxoriyning “AL-ADAB AL-MUFRAD” kitobining sharhi

✍ Shayx Muhammad Sodiq Muhammad Yusuf