sherzod_xurram

Yigitlarga maslahat:

Uylantirilma, uylan...

Izoh:

O'z kuching bilan uylan, ota-onangni qiynama! Ota-onang faqat to'yingda oq fotiha bersin...

Qizlarga maslahat:

Boyga turmushga chiqma,

Turmushga chiqib birga boy bo'l...

Izoh:

Boyga turmushga chiqsang boyning mulkiga aylanib qolasan. Qadrsizlashib ketishing hech gap emas. Mobodo shunda ham boyga turmushga chiqsang, qadr-qimmatingni unutma...

Agar sen o'rta xol yoki kambag'alga turmushga chiqib Alloh irodasi bilan oilaviy birga boy bo'lsang, bilki endi sen mulk emas, balki mulk egasiga aylanasan...

Telegram: https://t.me/vatan_umidi

Facebook: https://www.facebook.com/sherzod.xurram

Bizning jamiyatni 3 ta narsa qutqaradi:

1. Ta'lim

2. Ta'lim

3. Ta'lim

Telegram: https://t.me/vatan_umidi

Facebook: https://www.facebook.com/sherzod.xurram

MILLIY BOYLIK...

Bizni haligacha bir o'simlikka katta muhabbat bilan tarbiyalab kelishmoqda. Milliy boyligimiz, oq oltinimiz deb bir oddiy o'simlikni e'zozlab keldik. Nega biz paxtani bunchalik e'zozlaymiz. Sababi bizning diyorimiz SSSR davrida paxta dalasi edi. Xalqimiz esa paxtakor dehqonlar... Mustaqillika erishib yillar davomida o'rganib qolgan ishimiz, tibbiyot tilida aytsak refleks bo'lib qolgan ishimiz paxta va paxtakorlikni me'ros qilib oldik. Bu bilan paxtaga antisimpatiya uyg'otmoqchi emasman. Paxta bu yengil sanoatning asosiy xomashyosidir. Lekin butun boshli taraqqiyotni shu yengil mahsulotga bog'lab qo'yish mantiqsizlikdir...

Boylik nima o'zi? Milliy boylikchi?...

21-asr o'zbek o'quvchisidan milliy boylik nima deb so'ralsa, "-Paxta, oq oltnimiz", deb javob beradi. Maktabda o'zbek o'quvchilarining miyasiga huddi benzindek quyishgan. Tavba, ba'zi maqollar ham chiqarilgan paxtaga atab...

21-asr yapon o'quvchisidan milliy boylik nima deb so'ralsa, "Ta'lim va texnologiya, undan ham azizi bor, bu men ya'ni yapon fuqarosi", deb javob qaytaradi.

Qanaqa qilib bir o'simlikka shunchalik tobe bo'lib qoldik-a?

O'zbek ko'zi changga to'lib, barmog'iga paxtaning chanog'i kirib tergan paxtasini yaponlar arzon garovga sotib oladi. Zamonaviy texnologiyalari orqali qayta ishlab o'zbek paxtasidan 10-20 baravar sifatli qilib chiqaradi va dunyo bozoriga katta narxlarda eksport qiladi. Mening nazarimda, biror yapon xalqi umrida paxta o'simligini ko'rmagan. Nari borsa biologiya darsligida o'qigan.

Savollar ko'p, boshimiz esa qotgan...

O'simlikning hosili yoki qazilma boyliklarga tobe bo'lib dunyoga real mahsulot sotib boyish eskirdi allaqachon. Neft- qora oltin, paxta - oq oltin, tabiiy gaz - uchuvchan oltin, oltin - sariq oltin... Yig'ishtirish kerak endi bu bolalar bog'chasini...

Yonimizdagi Xitoy dunyoga ichki yonuv divigitelisiz harakatlanadigan, na benzinga na gazga qaram bo'lmagan elektromobillar orqali dunyo bozorini egallashni maqsad qilgan. Sababi bu davlat neftga ham gazga ham qaram bo'lib qolishni xohlamayapdi.

Dunyo transport sanoati kelajakda qazilma energetika batamom tugashini his etgan holda yangi muboqil energiya manbalarini kashf qilish bilan ovora.

Bizning xalq esa metanga navbatda, benzin qimmatlashishidan stressda...

Olimman deb ko'ksini kerib yurgan akademik, professor, fan doktorlari qani??

Olimman deb leksiyama leksiya galstuk taqib, keraksiz safsatalar bilan talabalar boshini og'ritishdan nariga o'tishmaydi. Fizik, kimyogar, texnolog, energetik olimlar qani? Senlarga berilayotgan xalqni puli bo'lgan davlat byudjetidan falon-falon summa oyliklar qayoqqa ketayapdi? Glastuk taqib olimman deb maqtanishlaringga to'lanmayapdi. Naryoqda bir yapon talaba nimadir kashf etayapdi, senlar olim bo'lib nima qilayapsanlar? Hech bo'lmasa talabaga erkinlik ber... Talaba bilan ustoz-shogird munosabatini o'rnat... Talabalarga akademik erkinlik ber... "NB" qo'yasanlar, semesterda bir-birlaringga dushman bo'lasanlar, o'rtaga amerikani kalini tiqishtirasanlar, oxiri yurtni xarob qilasanlar... Qani milliy boylik? Shumidi milliy boylik??

Milliy boylikni matox bilan o'chaydigan davlatlarda korrupsiya avjiga chiqqan bo'ladi. Rossiya uchun neft va gaz, biz uchun paxta, g'alla, agrar soha boylik... Inson aql-zakovati, taraqqiyot manbayi sifatida dunyoga nima bera olamiz? Hech nima!!!

Ta'lim va texnologiyani o'ziga boylik qilgan davlatda xalq ham ilmli, aql-zakovatli bo'ladi... Bunaqa davlatlarni o'zlaringiz sanab olaverasizlar...

XULOSA: Ey inson, sen 21-asrdasan, balki 22-asrda...

Ota-ona bo'lsang boringni berib bo'lsa ham farzandingga ta'lim ber...

Farzand bo'lsang, ham ota-onangni ham shu yurtni farzandi bo'lsang, uxlama, uyg'on! Ta'lim ol, zamonani madaniyatini emas, tilini va taraqqiyotini ol...

TA'LIM BIZNI QUTQARAJAK...!!!

Telegram: https://t.me/vatan_umidi

Facebook: https://www.facebook.com/sherzod.xurram

"Sevimli" telekanalida "Ilk uchrashuv" nomli ko'rsatuv mavjud. Turmush qurish maqsadida kelgan yigit-qizlar o'zaro baxtini topishga harakat qilishadi. Ushbu ko'rsatuvning 65-soni boshqalaridan o'zgacharoq bo'libdi. Bu safar yapon yigit va o'zbek qiz kelishibdi.

Yapon yigitdan:

"- Nega aynan o'zbek qiziga uylanmoqchisan?", deb so'rashdi.

Yapon yigit:

"O'zbek qizlari yapon qizlardan ko'ra mehribon. Yapon qizlar huquqini talab qiladi.", deya javob qaytardi.

O'zbek qizidan so'rashdi:

"-Bo'lajak turmush o'rtog'ing qanaqa bo'lishini xohlaysan?"

Qiz javob berdi:

"- Mani bitta orzuyim bor. Moshina minish. Moshina oberishini xohlardim. Chet davlatlarga sayohat qilish", dedi.

(uzr qizning gapini shevada yozdim)

....

ENDI POSTNING ASOSIY MAZMUNI

....

Yaponiya - demokratik, iqtisodiy barqaror, o'ta kuchli fuqarolik jamiyatiga ega, to'liq raqobatga asoslangan bozor iqtisodiyoti mavjud, ta'lim tizimi va texnologiyada yetakchi davlat.

Bu yapon yigiti Tokio universitetida o'qigan ekan. Hozirda mahalliy universitetlarimizdan birida yapon tilidan dars berib, O'zbekistonda yashashni maqsad qilib kelgan ekan. Mening fikrimcha, bu yigit Yaponiyadagi shiddatli raqobatda uzoq yashay olmagan va "musaffo yurt" O'zbekistonga qadam ranjida etgan.

Xo'sh... Nega ta'lim tizimi bo'yicha yetakchi davlatida ulg'aygan yapon yigit o'zbek qizini xohlayapdi o'zi?

Nega yapon qizi emas? Masalaning boshqa tomoni bor...

O'zbek qizi MODDIYAT istaydi,

yapon qizi esa QADRIYAT...

(Ilmsiz dur istaydi, ilmli esa nur )

Moddiyatni orzu qilganni manipulatsiya qilish ya'ni boshqarish oson.

Qadriyatni muhim ko'ruvchi shaxs esa murosa va erkinlik xohlaydi.

Mana haqiqat qayerda...

Bo'rining qarisi ham bitta qo'yga yaraydi deganlaridek Yaponiyadan yurtimizga kelib qolgan yapon ham bir o'zbekni eplaydi.

Yapon yigiti o'zbek qizining mehribonchiligiga qanchalik qiziqqan, bilmadim. Ammo ta'lim va dunyoqarashda orqada umr yo'ldoshni boshqarish juda oson.

Kun chiqar yurt ta'limining havosidan bexabar xalqimiz esa ko'rsatuvda o'zbek qizining mehribonligini maqtagan yaponni qarsaklar bilan olqishlab o'tiribdi.

Ex, soddalar, soddalar...

O'zbekka do'st bo'lay desang ikki marta maqta... (degan gap bormi yoki yo'q bilmayman, ammo bu haqiqatga yaqin afsuski)

Hammaga baxt tilaymiz...!!!

Xulosa:

Bizning xalqni faqat bitta narsa qutqaradi...

U ham bo'lsa TA'LIM...)))

Telegram: https://t.me/vatan_umidi

Facebook: https://www.facebook.com/sherzod.xurram