Эшон Бобо

Олдинги Пайғамбарлардан бири: "Уялмасанг хоҳлаганингни қилавер" деган экан". Одам Яратгандан қўрқмаслиги, одамлардан уялмаслиги сабабли ҳоҳлаган ишини қилаверади, ёмон йўлларда юраверади ва бундан асло хижолат бўлмайди. "Ҳаёсизликнинг асл маъноси Яратгандан қўрқмаслик ва инсонлардан уялмасликдир". "Пайғамбаримиз алайҳиссалом одамзод ичида энг ҳаёлиси ва энг олий хулқлиси бўлганлар". Укасини ортиқча ҳаё қилишда айблаб уришаётган одамни ёнидан ўтаётиб Пайғамбаримиз алайҳиссалом "Уни ўз ҳолига қўй, ҳаё иймондандир" деганлар.

Ҳаё билан камгап бўлишлик иймоннинг икки бўлагидир.

Уятсизлик ва сергап бўлишлик мунофиқликнинг икки бўлагидир.

Ҳаё ислом хулқидир, иймоннинг дўстидир, барча яхшиликларнинг калитидир. Ҳаё бандани сафсата ва разил ишлардан тўсиб туради.

Аллоҳнинг бандага лутфи бир неъмат. Бу лутфни банда ҳис қилиши эса яна бир неъмат. Бандани қанчалиб лутфлар иҳота этганки, агар уни банда басират кўзи билан кўра олганда эди, Аллоҳга бўлган муҳаббатидан қалби эриб кетарди.

Аёл кишининг овози авратми? Масала бу..

Имомнинг хатосидан эркаклар тасбиҳ айтиб огоҳ этишса, аёллар чапак билан.. (овозларини бошқалар эшитмасин учун)

Ҳажда аёл "Лаббайкаллоҳумма"ни ичида айтади.

Қуръонни аёл кишидан таълим олсин..

---

Ислом фиқҳидаги бундай масалаларни эшитганда амалсиз мусулмоннинг ғаши келса, боамали ўзига оғир олади. Мусулмон бўлмаганнику қўяверинг, устимиздан кулишга, қолоқлигимизга ишора этишга айни муддао - бу.

Лекин юқорида мазкур ҳукмлар ҳақиқат.

Мен бу ўринда ҳукм шундай эканини айтмоқчимасман. Фақат мусулмон илдизларимиздан қай даражада узоқлашиб кетганимизга эътиборингизни қаратмоқчиман холос..

Mubashshir Ahmad