Gʻiyosiddin Umarxon

#романтика

Яқинда унаштирилдим (эълон қилгандим тармоқларда), бир-икки кун ўтгач, учрашувга Тошканди азимга бордим. Етиб борганимча пешин кирди. Масжидда пешинни ўқиб, учрашув белгиланган жойга кетяпман. Масжид ва у ернинг ораси кўп узоқ эмас. Телефондан харитага қарасам, янаям яқин йўл бор.

Йўлга тушдим. Ширин хаёллар оғушидаман. Совғани нима деб беришиму яна нималар дейишим, борадиган жойимиз...

Ҳаво ҳам ёқимли. Хаёл суриб кетарканман, ўнг тарафимдаги манзара эътиборимни тортди. Девор билан ўралган, лекин дарахтлар кўриниб турибди. Улар жуда кўп. Деворнинг тешиклари бор (қуйма девор, фасони шунақа), ичкари ҳам кўринади қисман: ўт-ўланлар ўсиб, лолақизғалдоқлар очилиб ётибди. "Ўўў, роса романтик жойлар экан. Шу ерда учрашсанг, гаплашиб ўтирсанг!..." Тўхтаб қаралса, ичкаридаги манзара тўла кўринади. Тўхтадим. Қарадим ва хаёлларим тарқаб кетди. Қабристон экан.))

Авваллардан сураткашликка қизиқаман. Камера ўз-ўзидан зўр суратга олади деб ўйлардим. Профессионал камерани билмадим-у, телефоннинг камерасини яхшилаб созласа, ҳар қайси телефонда сифатли сурат олса бўларкан. Бу расмлар redmi note 12 pro 4G'да олинган.

Анча йиллар олдин. Ёш эдим. Тахминан ўсмир пайтим. Яъни ҳозирги умримнинг яримлари. Шайх Муҳаммад Содиқ Муҳаммад Юсуф ҳазратнинг "Руҳий тарбия" китобларини ўқиб бошладим. Бу ҳақда устозга хабар бердим. Китоб жуда зўрлиги, ундан кўп фойда олаётганимни айтдим. Шунда устоз текшириш учун бир саҳифани очиб, нимани тушунганимни сўрадилар. Унда бир ҳадис келтирилган ва "Ансорлардан бир киши соқолидан таҳоратининг сувлари томиб, чап қўлига ковушини кўтарган ҳолда кириб келди..." деган жойи бор. Шу ҳадисни тўлиқ ўқиб, шарҳлаб беришим керак эди. (Китобда шарҳи бор эди.)

Ўша пайтдаги луғат бойлигим ва тушунчаларим бўйича айни юқоридаги гапни шарҳлай бошладим:

— Битта христиан бобой... — деб бошлаганимни биламан, тўхтатдилар:

— Ансор дегани "насоро"нинг бошқача шакли эмас. Ансор — мадиналик дегани, ўша вақтда саҳобаларга ёрдам берган мадиналик одамлар улар. Ундан кейин соқол фақат бобойда бўлади деб ким айтди?! Ҳар бир луғатга жиддий эътибор бер. Истаган маълумотни ўқиётганда эътиборли бўл... — деб яна бир қанча шарҳ ва насиҳат бергандилар.

Шу билан луғатга қизиқиб қолдим. Китоб ўқисам, гапнинг тузилиши, ёзувчининг сўз қўллаш усулига яхшилаб қарайман.

У воқеадан қилган хулосам эса ҳамма нарса биз тушунган ёки истаган шаклда бўлавермас экан. Бизникидан бошқача ва тўғри фикр, тушунча доим бўларкан. Ана шуни онгимизга сингдирсак, яшаш бирмунча енгиллашаркан.

Таҳрир ва тасҳиҳ ишида ҳам диққат муҳим омиллардан бири саналади.

https://t.me/yozsak_yozaveramiz

https://t.me/+sQuFF4-YaHdjZjEy

Баҳор...

Xiaomi redmi note 12 pro 4G macro camera

Ўзбек тилида гап урғуси асосан кесимнинг олдидан тушади:

Урғу ҳақидаги битикни ақлли одамлар диққат билан ўқимоқда. Бу ерда урғу жараён қандай кетаётганига қаратилган, яъни диққат билан.

Урғу ҳақидаги битикни диққат билан ақлли одамлар ўқимоқда. Бу ерда эса эътибор жараённинг бажарувчисига, яъни ақлли одамларга қаратилган.

Ақлли одамлар диққат билан урғу ҳақидаги битикни ўқимоқда. Бу ерда жараён ниманинг устида кетаётгани, яъни урғу (https://t.me/yozsak_yozaveramiz/63) ҳақида гап кетяпти.

✅ Бир қараганда бу нарса аҳамиятсиздай кўринади, чунки сўзлашувда бунга эътибор қилинмайди кўп, ҳаттоки юқорида айтилганлар (бир бўғин бошқаларидан кучлироқ айтилиши) йўқдай туюлади. Аммо бу нарса бор. Бирор нимани таъкидлаб чўзиб айтаётганимизда билинади.

💡 Каналнинг бошида айтганимиздек (https://t.me/yozsak_yozaveramiz/8), тил қоидалари янги ўйлаб топилган нарса эмас, балки бор нарсани номлаб, шарҳлашдир. Худди бизга жинс ва бошқа қайсидир сифатларимизга қараб исм қўйилгани каби.

https://t.me/yozsak_yozaveramiz

https://t.me/+sQuFF4-YaHdjZjEy