Ziyo Shokir

#ислам

#ислам

БОЛАЖОНИМ

«Омин» десанг, олам назар солсин дедим,

Хақ бергани Хақ йўлидан борсин дедим.

Шайтончалар бармоқ тишлаб қолсин дедим.

Дуога кафт очганингда болажоним.

Тақлидинг ҳам ўзинг каби беғубор кўп,

Макр билмас кўзинг билан меҳрни ўп,

Қахри қаттиқ қалблар ҳам бир уялсин хўп

Дуога кафт очганингда болажоним.

Атак-чечак синалганда йўлчанг билан,

Чархи дунни эрит чучук тилчанг билан,

Бўжиларни боғлаб қўй шу қўлчанг билан,

Дуога кафт очганингда болажоним.

Руҳинг тоза , гард теккизмай ўтмоқ душвор,

Бу найрангбоз дунёнинг минг нағмаси бор.

Нахсу нафснинг нафасидан кетсин мадор,

Дуога кафт очганингда болажоним!

Шукр десанг «р» часини тишлаб қолгин,

Илк шукронанг ширасини ушлаб қолгин.

Ношукрлар кўзларини ёшлаб қолгин,

Дуога кафт очганингда болажоним.

Ҳаёт сенга бор болини этсин инъом,

Иқболингни кўрай кўзим қувнаб мудом.

Илм бирла иймонингга тикла эҳром,

Дуога кафт очганингда болажоним.

Ҳали ўх-хўў олдиндадир чин саждалар,

Қалбим шодлар қалбингдаги илк муждалар,

Эртакларда яшайверсин дев, аждарлар,

Дуога кафт очганингда болажоним.

Боламсану сен барибир Хақникисан,

Иймонинг бут бўлса, хақсан, халқникисан.

Ман-ман деган ёву ётни қилма писанд.

Дуога кафт очганингда болажоним.

Айланайин, Аллоҳимнинг ҳимматидан,

Юракчангга солган хайру-ҳикматидан,

Жумла жаҳон қувват олсин қудратидан,

Дуога кафт очиб турсанг болажоним!

Муаззам ИБРОҲИМОВА

#дуа #ислам

Бисмиллаҳир Роҳманир Роҳийм

Бир неча вақт илгари, хуфтон пайти кўнгилга бир тилак келди: Ё, Аллоҳим! Сенга бўлган муҳаббатимни шу қадар кучли қилгинки, то бу дунёдаги танамдаги оғриқли дардлариму, бировлардан кўрадиган озорларим, тирикчилик ташвишларию, ҳою ҳаваслар йўлда ётган тош каби қадрсиз бўлиб қолсин!” Қалбимда бир нарса ўзгаргандай бўлди. Бомдод суннатидан сўнг шу тилакни яна қайтардим. Масжидга боргунча шу ўй ҳаёлимни тарк этмади. Имом “Ар Роҳман”ни зам сура қилганда халқумимга йиғи келди. Кейин Саййиди истиғфор айтилаётганда, кўнглим янада бўшади. Ўзимни тамоман бошқача ҳис қилиб кетдим. Кейин ҳаёлимга одамларнинг “Фалончи ўзгариб қолувди, ўлимини билган эканда, раҳматли”, қабилидаги сўзлари тушиб, ўлиб қоламан шекилли, деб бир дафъа қўрқиб кетдим. Афсус, биз ҳали бу дунё одамлари эканмиз.

Ё Аллоҳим, Сенга ва сен севган зотларга бўлган муҳаббатимни шу қадар кучли қилгинки, то бу дунёдаги каттаю кичик оғриқларим, ташвишларим эсда қолмас туш каби маъносиз бўлиб қолсин ҳамда, энг асосийси, висолингдан бенасиб этмагин! Аллоҳу Акбар!

#ислам

Турсунбой ҳожи ривоятларидан

Амир ал- Мўъминин Ҳорун ар Рашид ҳарами билан деенмз соҳилида кетаётса Саҳий Балҳий номли бир дарвеш қумдан сарой қуриб ўтирганмиш.

- Нима қилаяпсан? – сўрабди Амир ал- Мўъминин

- Жаннатга қарс қуряпман,. – жавоб бериди дарвеш.

- Сотиладими?

- Албатта.

- Нарҳи қанча?

- Бир дирҳам. (Энг арзон пул бирлиги)

Ҳорун ар Рашид ҳазил ҳузул билан дарвешнинг кўнглини кўтарган бўлиб,қаарни олмай йўлида давом этибди. Ортидан кетаётган хотини эса дарвешнинг кўнглини чўктирмаслик учун бир дирҳам берибди дарвешга.

Ҳорун ар Рашид туш кўрса, тушида жаннатда гўзалликда тенги йўқ бир қаср бўлиб, унинг посбанлари ҳукмронни киритмаётганмиш. Сабабини сўраса, бу хотинингнинг қасри, сенинг киришинг мумкин эмас, дейишармиш.

Амир ал- Мўъминин эртаси куни яна ўша ерга борса бояги дарвеш яна қумдан қаср қуриб ўтирибди экан.

- Сотасанми? - сўрабди у.

- Сотаману, бироқ буни олишга сизнинг бойлигингиз етмайдида, дебди дарвеш.

- Нега? Кеча бошқача нарҳ айтгандингку?

- Кеча кўрмасдиан баҳо қилган эдик. Бугун эса кўриб баҳо қилаяпсиз.

#ислам