Нигинабону Ахмедова

РАМАЗОННИНГ МАҒФИРАТ ДАҲАСИ

Рамазони шарифнинг дастлабки ўн куни – “раҳмат” даҳасида рўйи заминга Аллоҳнинг раҳмати ёғилади.

🔵 Иккинчи ўн кунлиги – “мағфират” даҳасида пок ният билан рўза тутган бандаларнинг олдинги қилган гуноҳлари кечирилади, дейилган.

Охирги ўн кунлиги эса “Итқун минан-нийрон”, яна “Қадр даҳаси” ҳам дейилади. Ким Рамазон ойининг рўзасини пок ният билан тутган бўлса, у бандага Аллоҳ ваъда қилган ажр­ларини ато этгай. Рамазон ҳайити куни эса Аллоҳ таоло Рамазон рўзасини тутган, таровеҳ намозларини ўқиган, Қадр кечасини бедор ўтказган бандаларига Ўзи тайёрлаб қўйган мукофотларни кўпайтириб берадиган кундир.

Бу ойда имон-эътиқод билан қилинадиган дуолар мустажоб бўлади. Чунки муборак ойда Аллоҳ таоло бандаларига осмон эшикларини очиб, ҳар бир дуо қилгувчининг дуосини қабул қилади.

Мана Алҳамдулиллаҳ Рамазон ойининг ўртаси мағфират даҳасида турибмиз. Мусулмонларга бу кунларда гуноҳларига тавба қилишлик буюрилади. Шуни ёдда сақлаш керакки, мағфират фақат Аллоҳ томонидан. Аллоҳ Ғофурдир! Аллоҳ роҳиймдир! Шунинг учун мусулмонлар, фақат Унгагина ёлворишади. Зеро Аллоҳнинг мағфиратисиз жаннатга кириб бўлмайди.

Манбалар асосида Mehrob.uz ижодий жамоаси тайёрлади.

Мушук сабаб ҳидоят топган киши...

Истанбулда Ҳожи Мазлум деган авлиё киши ўтган. У "Ҳидоятни мушукдан ўргандим", дейди.

“Бир кун Истанбулдаги Айюб Султон мавзесида кетаётгандим. Бир мушук балиқ сотувчиларни растасидан бир балиқни оғзида тишлаб олиб қочди. Кейин бир уйга кириб кетди ва ўша заҳоти оғзи бўш қайтиб чиқди.

Орқасидан уйга кирдим, уй ичида кўзи кўр бир кампир дуо қилар эди: “Эй Роббим, менинг етим неварамнинг бугунги ризқини мушук орқали жўнатганинг учун сенга ҳамд бўлсин!”. Уйдан чиқдим, устозим Усмон Камолияни олдига бориб, бу воқеани айтиб бердим. Устозим: “Нима қилиб ўтирибсан, бор, у кампир ўлгунича унинг эҳтиёжларини ўз бўйнингга ол”, деди.

“Мушук ўргатган менга одамийликни”, дейди.

Пайғамбаримиз саллаллоҳу алайҳи ва саллам саҳобалардан бирини мушукка берган эътиборлари сабабли Абу Ҳурайра – "мушукнинг отаси" деб номлаганлар.

Ризқ келиш сабаблари тўғрисида.

Бисмиллахир рохманир рохийм.!

Аллох хохлаган кимсасини бехисоб ризқлантирур/Оли Имрон 37-оят/

Ризқ келишининг Махфий сабабларидан навбатдагиси. Ахли оилани. намозга буюрмоқ экан. Аллох таъало айтади:

~Ахлингизни намозга буюринг ва ўзингиз унга (намозларни адо этишга) сабр қилинг. Биз сиздан ризқ сўрамасмиз. (Аксинча) Биз сизга ризқ берурмиз.

Тоха 132 оят

Ахли ойлани хам намозга буюришимиз, Аллох, азза ва жаллани хушнуд этиб, ризқ билан бизларни сийламоғига сабаб бўлар экан.

___________________

Ризқ келишининг махфий сабабларининг мухтасар кўриниши;

1. Аллохга тақво қилиш

2. Аллохга таваккул қилиш

3. Аллохга "истиғфор" ни кўп айтиш

4. Хаж ва умрани бир йилда жамлашлик

5. Қариндош уруғчиликни боғлашлик

6. Инфоқ, садақа қилишлик

7. Толиби илимларга инфоқ қилишлик

8. Аллохга ибодатида, қалбни фориғ қилиш

9. Уйланишлик

10. Эрта сахар уйғонишлик

11. Аллохга шукр қилишлик

12. Дуо қилишлик

13. Ахли оилани намозга буюришлик.

Ушбулар, инсонга ризқ келишининг махфий, инсон хис килмайдиган сабабларидир. Зохирий сабаблар хар қанча ушалмасин, муваффаққиятсизликка

учраши мумкин. Аммо махфий сабаблар эса хамиша ўзгармас, собитдир. Албатта "зохирий" ва "махфий" сабаблар жамланиши даркор. Агар хар иккала сабаблар жамланса, Аллох таъало айтганидай, ризқлар келажак.

Шу ўринда, ўз-ўзидан савол туғилади, инсонлар борки, юқорида зикр қилинган махфий сабабларни бирортасини хам ушламайдилар. Хатто ўйлаб хам кўрмайдилар. Бироқ, бойликка эга, пулдор инсонлар. Хаёти рохатда ўтади. Керак бўлса энг бой инсонлар. Буни қандай тушуниш мумкин? Биз зикр қилиб ўтган ризқ келиш шартлари билан у (тақвосиз) бой кишиларни орасини қандай жамлаймиз? Жавоб қуйидагича;

Аллох, таъало инсонларни балолашлигининг турларидан бири, инсонга сўраганини мухайё қилавериши, унга турли неъматларни гарчи маъсиятда бўлса хам бераверишлигидир. Бу балолашга "Истидрож" дейилади. Яъни кишига сўрагани мухайё қилинаверади, барча-барча хохшига етишаверади. Охир оқибат ўша етишган неъматларсиз яшай олмайдиган даражага етганда, Аллох, таъало ўша неъматларни ундан кўтариб қўяди. Буни кўплаб инқирозга учраган "пулдорлар" да кўришимиз мумкин. Инқирозга учрагач, ўз жонларига қасд қиладилар. Бунга ўхшаган мисоллар талайгина. Албатта ушбу кавлга (истидрож билан балоланишга инсонни) далилимиз бор. Пайгамбаримиз салоллоҳу алайҳи васаллам айтадилар:

~Агар Аллох, таъало бирор бандага, гарчи маъсиятда бўлса хам, дунёдан у ёқтирганини бераётганини кўрсанг, (билгингки) у фақатгина Истидрождир. (яъни даражама-даража неъматлар бериб, охир оқибат ўша неъматларни олиб қўйиш билан жазолаш) ~~

Имоми Ахмад ривояти.

Солих ўтган уламолардан ривоят қилинади. "Агар уларда бирор неъмат давомий бўлиб қолса, дарров истиғфор айтиб, тавбаларини кўпайтирганлар, истидрож эмасмикин деган хавфда".

Аллох учун сизга хам омонат бўлди, сиз хам ўзгаларга етказинг!

Имкон қадар далилларга асосланган холда келтиришга харакат қилдим. Агар хато бўлса мени нафсимдан ва шайтондан, бордию туғри бўлса, Аллохнинг (ёрдами) билан.

Аллох, азза жалла барчаларимизни халол ризқ ила ризқлантирсин!

Берган халол ризқини, ўзи кўрсатиб бергандай, ўзини йўлига сарф этадиганлардан қилсин! Амийн!

ﻭ ﺻﻞ ﺍﻟﻠﻬﻢ ﻭ ﺳﻠﻢ ﻭ ﺑﺎﺭﻙ ﻋﻠﻰ ﻣﺤﻤﺪ !!

ﺍﻟﺴﻼﻡ ﻋﻠﻴﻜﻢ ﻭ ﺭﺣﻤﺔ ﺍﻟﻠﻪ ﻭ ﺑﺮﻛﺎﺗﻪ !

Баъзан атрофингиздагиларга керак бўлмай қоласиз, Шундай дамларда маҳзун бўлманг, унутманг! Роббим кераксиз нарсани яратмайди! Қўлингизни дуога очингда: «Бизга Аллоҳнинг Ўзи кифоя, У энг яхши кифоя қилувчидир», деб айтинг.

Адолатли ҳалифа

Мадинада муҳтожларга бериладиган таомларни тарқатишда Умар розияллоҳу анҳунинг ўзлари ҳам иштирок этардилар. Бир куни бир кишининг чап қўли билан таом еяётганини кўрдилар, орқасидан келиб: «Эй Аллоҳнинг қули! Ўнг қўлинг билан егин!» дедилар. У: «Эй Аллоҳнинг қули! У – банд», деди. Умар икки марта хитоб қилдилар, у ҳам бир хил жавобни қайтараверди. Шунда Умар: «Нима билан банд?» дедилар. У киши: «Мўъта ғазоти куни жароҳатланиб, ишламай қолган», деди. Умар унинг ёнига ўтириб йиғладилар ва: «Таҳорат олишингга ким ёрдам беради? Кийимингни ким ювади, бошингни ким ювиб қўяди… ким, ким?» деб сўрадилар. Ҳар бир саволни бераркан, кўзёшлари ортар эди.

Шу вақтнинг ўзида Умар розияллоҳу анҳу имконияти чекланганларга тегишли қарор қабул қилдилар: бу кишига хизматкор ёлладилар, маркаб берилди ва билмай берган саволларидан кўнгли оғригани учун ундан узр сўрадилар.

Мусулмонлар мукаррам қилиб яратилган инсоният учун қулай ҳаёт тарзини хоҳловчилар ва бунга имконият яратувчилардир.