Qabsoo_keetiin
Dachee Rabbiin kabaje
Haadha gootota danuu
Qulqulluu hundaaf biyyaa
Addunyaan si ganuu
Lafa Anbiyaan burqe
Adda hin cinne takkaa
Ummata kanaaf yoomuu
Kabajamtuu bakkaa
Kallattii koo jalqabaa
Makkaanuu dursitee
Har'a garuu addunyaan
Rasaasa gurshitee
Kana hin turre deebiin kee
Silaa osoo ta'ee haqa
Deebi'ee sin ariyuu
Kuusaan gabrummaatiif baqaa
Qaaraa harka keetiin dhaabdetu
Deebitee si gubde
Tola kan kee dagattee
Shira shirtee si hubde
Deebiin kee kanaa miti
Galata maleessaa
Gaafa Addunyaan ariituun
Siitu qubsiise kaleessa
Biqilli garbummaa
Jararraan daraare
Biyya hunda dursitee
Situ jara baraare
Gaarummaa kee dahattee
Gola kan kee lixxee
Lafa kee fudhattee
Ilmaan kan kee fixxee
Sirratti sarbamee
Mirgi dhala ati deesse
Diinni teessoo gootee
Dhiiga gubbaa teesse
Qaqqaammachaa jiru
Lafee haqaa bobeessanii
Weerars gaggeessanii
Gammadanii odeessanii
Maaf ta'e gara-galtoo
Kan sumaan jaaramte
Dubbiin fallaa taanaan
Har'a immoo nyaaramte
Eeyyeen akkas ta'uun kee
Gaarii immoo qabaataa..?
Dukkanni yeroo barii
Baay'isee jabaataa
Kan ati dararamtee
Diinni si ari'uuf..?
Tarii biiftuu haqaatu
Dhufee immoo bari'iif..?
Abdii ilmaan keetiin
Gargaarsa Rabbii booda
Qabsoon ati gootu
Fakkaatu illee hooda
Qabsoo kee hadha'aan
Diinni daaraa taati
Biyyi kee Filisxiin
Bilisa ni baati!
✍️... Aliyaad_Abdoo
4
2
