Saefuden Ibrahim

ደስተኛ መሆን ቀላል ነው አንድ ካንተ የሚጠበቅብህ ነገር ዞር ብለህ ወደራስህ መመልከት እና ፈጣሪ የሰጠህን እያንዳንዱን በረከትህን ማየት ነው ከዚያም በደንብ አድርገህ አመስግነው ያለህ ከሌለህ እጅጉን ይበልጣል የማይጠቅምህን ነው የተከለከልከው እናም ፈጣሪህን በሰጠህ ነገር ስታመሰግን ደስታህ እጥፍ ድርብ ይሆናል !

☑️ ሸይኹል ኢስላም ኢብኑ ተይምያ "አላህ ይዘንለት" እንዲህ ብሏል።

«ከታላላቅ መልካም ስራዎች ውስጥ አንዱ እስቲግፋር ነው። የእስቲግፋር በር ሰፊ ነው። በንግግሩ፣ በተግባሩና በሲሳዩ ላይ መቀነስን የተመለከተና የቀልቡ መገልበጥ ያስተዋለ ሰው እስቲግፋር ሊያደርግ ይገባል።»

📚المجموع الفتاوى 11/698

ነብዩላህ ዳውድ በዙፋናቸው ላይ ተቀምጠው ሳለ አንዲት ሴት መጣችና

ጌታህ ፍትሀዊ ነው ወይስ በዳይ ብላ ጠየቀቻቸው?

እኔ አባታቸው የሞተባቸውን ( 3 ) የቲም ልጆችን አሳድጋለሁ። ጉሮሮዋቸውን

የምደፍነውም ጥጥ በመፍተልና በመሸጥ ከማገኘው ገንዘብ ነው።

ዛሬ ግን ጥጤን ፈትዬ በጨርቅ ከረጢት ቋጥሬ ልመሸጥ ወደ ገበያ በመሄድ

ላይ ሳለሁ አንድ አሞራ ልሸጥ የቋጠርኩትን ጥጥ ይዞብኝ በረረ።

አሁን ለልጆቼ ዳቦ መግዣ አጣሁ ልጆቼ በረሀብ እየተንገላቱ ነው ብላ

ንግግሯን ሣትጨርስ..... በሩ ተንኳኳ ፍቃድ ተሠጣቸውና ወደ ውስጥ ገቡ።

በሩን ያንኳኩት 10 ነጋዴዎች ነበሩ። በእጃቸው አንድ ሺህ ዲናር ይዘዋል

ከመሀከላቸው አንዱ መናገር ጀመረ

አንቱ የአላህ ነብይ ሆይ! ባህር ላይ እየተጓዝን ሳለ መርከባችን መስመጥ

ጀመረች ሞታችንን በመጠባበቅ ላይ ሳለን አንድ አሞራ በጨርቅ የተቋጠረ

የጥጥ ፈትል ከላይ ጣለልን በጨርቁም ቀዳዳውን ደፈንን መርከባችንም

ከመስመጥ ይልቅ ወደ ላይ ተንሳፈፈ በአላህ ፍቃድ ከሞት ዳንን አላህ ለዋለልን

ውለታ ምስጋና ይሆን ዘንድ እያንዳዳችን መቶ ዲናር በድምሩ አንድ ሺህ ዲናር

ለመስጠት ቃል ገባን እና ይህው ገንዘባችን ለፈለጉት ሠው ሠደቃ ይሥጡት

በማለት ብሩን እንዲቀበሏቸው እጃቸውን ዘረጉ።

ነብዩላሂ ዳውድም ወደ ሴትየዋ በመዞር << ጌታሽ አንቺን ከድካም አሳርፎ

በየብስና በባህር ይነግድልሻል አንቺ ግን በዳይ ትይዋለሽ በይ ገንዘቡን

ተቀብለሽ ይዘሽ ሂጂ>> በማለት አዘዟት

ሴትየዋም በተናገረችው ቃል እየተፀፀተች ውስጧ በደስታ ተሞልቶ መንገዷን ቀጠለች።

ስንቶቻችን ነን የምንቀበለውን ሳናውቅ ባጣነው ነገር ፈጣሪያችንን

የምናማርረው? መልእክቱን ከወደዱት ለወዳጅ ዘመዶዎ ሼር ያድርጉ