Doston Ravshan

\"Bilmayman\" ilmi

Ustozlar \"bilmayman\" deya bilish ilmning yarmidir deyishadi.

Imom Molik rohimahulloh shunchalik olim bo‘lishlariga, mujtahid bo‘lishlariga qaramasdan, ko‘pincha “Bilmayman” der edilar.

U kishining Haysam ibn Jamiyl degan shogirdlari quyidagi voqeani rivoyat qilgan: “Imom Molik rahimahullohdan bir kuni qirq sakkizta mas’ala so‘raldi. U kishi oltita mas’alaga javob berdilar va qolgan qirq ikkita mas’ala xususida esa, “Bilmayman” dedilar”.

O\'zi oz narsa bilgan odam ko\'p narsani bilyapman deya, \"sayrayveradi\". Aslida esa bilgan narsasi juda oz narsa bo\'ladi.

Ko\'p narsani biluvchilar esa, bilganlari sayin bilimsizliklarini his etib boradilar, shuning uchun ham huda behudaga gapiravermaydilar. Aytishadik-u, kichik irmoqlar jilvirab ovoz chiqarib oqadi, katta dengizlar sokin ovoz chiqarmay oqadi.

Shunday ekan, ilm ila bilmagan narsamizni \"bilmayman\" deya olishni o\'rganishimiz, bilmagan narsalarimizni o\'rganishga harakat qilishimiz kerak!

07.11.2024

@dostonblog

#mentugatgankitob_2024

1.Daftar xoshiyasidagi bitiklar

Muallif: O'tkir Xoshimov

Ushbu kitobni qisman maktab paytimda o'qigan edim. Mana oradan taqriban 10 yil o'tib to'liq o'qishga muvaffaq bo'ldim.

Kitob muallifning ko'rgan bilganlari, qisqa xulosalari, qisqa hikoyalardan iborat. Umuman olganda kitobdan ancha foyda olsa bo'ladi, yaxshi kitob. Ayniqsa urush, zino kabi mavzulardagi fikrlarini o'qib muallifga xurmatim oshdi.

Agar kitobni o'qimagan bo'lsangiz, o'qib chiqishni tavsiya etaman. Ishoning uncha-muncha "zamonaviy" adabiyotlardan yaxshiroq kitob ekan.

2.Go'zal o'rnak

Muallif: Odinaxon Muhammad Sodiq

Bu kitobni ikkinchi marotaba o'qishim. Avval ham aytganimdek, bir kitobni bir necha marotaba o'qish juda foydali hisoblanadi.

Rasululloh tavallud topgan Rabi'ul avval oyida u zot haqida biron kitob o'qishga harakat qilaman va sizlarga ham shuni tavsiya etaman.

Bu kitobda Rasululllohning tadbirlari, axloqlari, ba'zi holatlardagi munosabatlari bizning holat bilan solishtirib tushuntirib berilgan. Qisqaroq aytsam Rosululloh sollallohu alayhi vasallamdan o'rnak olishimiz kerak bo'lgan juda o'rinlarni ko'rsatib, hadislar ila tushuntirib berilgan. Qolaversa kitobning muqovasi ham menga juda yoqadi 😊

Xullas ushbu kitobni o'qishni juda qattiq tavsiya etaman.

P.S. 1-kitob rasmi yo'q)

01.10.2024

Uxlaganing yaxshi edi!

Ustoz Hasanxon domla suhbatlarining birida Hofiz Sheroziy hayotidan bir voqeani aytib bergan edilar...

Bir kuni Hofiz Sheroziy tahajjud namoziga o\'g\'illari bilan turibdilar, tahajjuddan so\'ng o\'g\'illari : \"Ota, qarang odamlar g\'aflatda uxlab yotishibdi\", debdi. Hofiz Sheroziy esa o\'g\'illariga qarata \"Undan ko\'ra uxlaganing yaxshi edi\", degan ekanlar.

Ya\'ni, boshqa musulmonlarni past sanab, o\'zingni bunday tepa hisoblaganingdan ko\'ra, amaling bilan kibr qilganingdan ko\'ra uxlaganing yaxshi edi!

Bu bola yaxshi amal qilayotgan edi, lekin birgina gapi bilan amalini shunday holatga olib keldi.

Xulosa: biz ham qandaydir yaxshi ish qilib qo\'ysak shu ishimiz bilan maqtanishimiz kerak emas. Hali u amalimiz qabulmi yo\'qmi ma\'lum emas. Shuningdek boshqalar amallarida qandaydir kamchilikka yo\'l qo\'yishsa, ularni gapirgandan ko\'ra o\'zimizga nazar solishimiz kerak.

Bu hayotda barchamiz imtihondamiz. Imtihonda esa birovlarning imtihoni bilan mashg\'ul bo\'lgan odam o\'z imtihonidan yiqiladi!

18.09.2024

\"Arava\" siz bo\'lmasangiz ham yuradi!

Katta korxonalarda, umuman xodim ko\'p ishxonalarda bir qoida bor:\"Almashtirib bo\'lmaydigan xodim yo\'q\". Ya\'ni ishxona xodimga bog\'lanib qolmagan, u bo\'lmasa ishni boshqasi davom ettiradi.

Xuddi shunga o\'xshab boshqa jabhalarda shunday bo\'ladi.Insonlarga foyda keltirish imkoningiz bormi, foyda keltiring, moddiy yordam berish imkoningiz bo\'lsa pulingiz bilan, ilmingiz bo\'lsa ilm tarqatish bilan yordam bering. Lekin hech o\'ylamang-ki, men bo\'lmaganimda bularga hech kim yordam bermas edi deb. Chunki siz bo\'lmasangiz boshqasi qiladi.Hayot faqat sizdangina iborat emas.

Ustoz Muhammad Odil ham shunga o\'xshash gap aytgandilar:

\"Yigitlar, bu din bizga muhtoj emas, biz dinga muhtojmiz. Bu din misoli ketayotgan aravaga o\'xshaydi, uni harakatlanishiga yordam bering, lekin o\'ylamang-ki buni men harakatlantiryapman deya.Unga ilashib olishlikning o\'zi- saodat.

Shuni unutmangki bu \"arava\" siz bo\'lmasangiz ham yuradi!\"

19.08.2024

Zerikish instinkti

Zerikish degan narsani Alloh bizga instinkt tarzida berib qo\'ygan,lekin ko\'pchiligimiz bunga unchalik e\'tibor bermaymiz.

Zerikish bu yoshidan qat\'iy nazar barchada bor narsa.

Faqat uni so\'ndirib qo\'yish kerak emas, aksincha undan foydalanish kerak.

So\'ndiruvchi narsalar deganda ijtimoiy tarmoqlarda videolar ketma-ketligini ko\'rish, televizorda kino yoki qandaydir ko\'ngilochar narsa ko\'rib o\'tirish kabi narsalarni tushunishingiz mumkin.

Bloger va biznes egasi Shaha Dolimov ham shu mavzuda zerikishni foydali deb bilib, farzandlari misolida yozganlar.

Tasavvur qiling, 1ta kitobdan boshqa hech narsa yo\'q xonada 2 soat o\'tirsangiz nima qilasiz?

Albatta o\'sha kitobni o\'qishni boshlaysiz, chunki o\'sha paytda zerikasiz va zerikishni yengish uchun hayolingizga birinchi bo\'lib o\'sha kitobni o\'qish keladi!

Hozirda yosh farzandini chalg\'ib turishi uchun telefonini berib qo\'yadigan ota-onalar ham farzandini zerikish instinktini so\'ndirishyapti. Undan ko\'ra boladagi qaynab turgan quvvatni to\'g\'ri yo\'lga yo\'llash kerak. Qani endi zerikishni foydali narsa ekanligini bilganlarida, balki qaytib telefonlarini berishmasdan, bolani zeriktirib keyin boshqa mashg\'ulotlar bilan band qilisharmidi...

Xullas kalom, o\'zingizni zeriktira olishni va zerikkanda foydali mashg\'ulotlar qilishni o\'rganing!

12.08.2024

@dostonblog