Aman Muhabaw

🌹"ሰለፎች እና የጀመዓ ሰላት!"🌹

☞ወኪዕ እንዳለው፦ "አል-አዕመሽ የተባለው ታላቅ ዓሊም እድሜው ወደ ሰባ ተቃርቦ የመጀመሪያው ተክቢራ አምልጦት አያውቅም። ለሁለት አመት ያህል ተከታትዬዋለሁ አንድ ረከዐ አምልጦት ተነስቶ ሲሞላ አላየሁትም።"

[تاريخ بغداد (5/10)]

――――――――――

☞ረቢዓ ኢብኑ ዘይድ ፦ "ለአርባ አመታት ያህል የዙህር አዛን ጥሪ መንገደኛ ወይም ህመም ላይ ካልሆንኩ በስተቀር መስጂድ ውስጥ ሆኜ እንጂ አልተጠራም!"

[سير أعلام النبلاء (240/5)]

――――――――――――

☞ሰዒድ ኢብኑል ሙሰየብ ፦ "ለሀምሳ አመታት የመጀመሪያው ተክቢራ አምልጦኝ አያውቅም። ለሀምሳ አመታትም በሰላት ውስጥ የሰዎችን ማጅራት አልተመለከትኩም!" ሁልግዜ የመጀመሪያው ሰልፍ ላይ ነበርና የሚሰግዱት።

[وفيات الأعيان( 375/2)]

―――――――――――

☞ኢብኑ ሰዕድ ፦ "ለሰላሳ አመታት ያህል ቤተሰቤ ውስጥ ሆኜ አዛን አልሰማሁም!"

[الطبقات الكبرى (131/5)]

―――――――――――

☞ኢብኑ ሰማዓህ ፦ "እናቴ የሞተች እለት ሲቀር ለአርባ አመታት የመጀመሪያዋ ተክቢራ አምልጣኝ አታውቅም!"

[سير أعلام النبلاء (636/10)]

―――――――――――

☞ሱፍያን ኢብኑ ዑየይናህ፦ "ሰላትን ከማክበር ከሚካተቱ ነገሮች ውስጥ አንዱ ከኢቃም በፊት መስጂድ መገኘት ነው።"

[صفة الصفوة( 235/2)]

―――――――――――

☞ኢብኑ መዒይን፦ "ኢብራሂም ኢብኑ መይሙን አል-መርወዚይ መዶሻውን አንስቶ የሰላት ጥሪን ከሰማ ወደ ታች ሳይመልሳት እዛው ባለችበት ይይዛትና ለሰላት ይነሳ ነበር።"

[تهذيب التهذيب (151/1)]

――――――――――――

☞ሱፍያን ኢብኑ ዑየይናህ ፦ "ለሰላት እስኪጠራ ድረስ የማይመጣ መጥፎ ባሪያ አትሁን!  የሰላት ጥሪ ከመጠራቱ በፊት ቀደም ብለህ መስጂድ ተገኝ።"

[التبصرة (137/1)]

――――――――――

☞ኢብራሂም አን ነኸኢይ ፦ "ከመጀመሪያው ተክቢራ የሚዘናጋ ሰው ካጋጠመህ ከሱ እጅህን ታጠብ!"

[صفة الصفوة (88/3)]

―――――――――

☞ሙሐመድ ኢብኑ ሙባረክ አስ ሱሪይ ፦ "ሰዒድ ኢብኑ ዐብዲል ዐዚዝ የጀመዓ ሰላት ካመለጠው ያለቅስ ነበር።"

[تذكرة الحفاظ (219/1)]

―――――――――――

☞አንድ ቀን መይሙን ኢብኑ ሚህራን ወደ መስጂድ ሲመጣ ሰዎች ሰግደው ተመልሰዋል ተባለ። እሱም "ኢና ሊላሂ ወኢና ኢለይሂ ራጂዑን! ይህች ያመለጠችኝ የጀመዓ ሰላት ደረጃዋ የዒራቅ ንጉስ ከመሆን ለኔ የተሻለ ነው!" አለ። 

[مكاشفة القلوب (364/1)]

――――――――――

☞ሓቲም አል አሰም ፦ "አንድ ቀን ሰላተል ጀመዓ አምልጦኝ አቡ ኢስሓቅ አል ቡኻሪይ ብቻ አፅናናኝ። ልጄ ሞቶ ቢሆን ከአስር ሺህ ሰው በላይ ያፅናናኝ ነበር። ይህ የሆነው ሰዎች ዘንድ የዲን አደጋ ከዱንያ አደጋ አንፃር በጣም የቀለለ በመሆኑ ነው።"

[مكاشفة القلوب(364/1)]

⇡እኔም እላለሁ፦

»ዛሬ ሙስሊሞች የጁሙዓ ሰላትን እንደሚሰግዱት የፈጅር ሰላትን መስጂድና መንገዶችን አጨናንቀው  ቢሰግዱ የት በደረሱ! የፈጅር ሰላትና የዒሻ ሰላትን መስጂድ አለመስገድ ከመናፍቃን ምልክቶች ውስጥ ነውና ነቃ በሉ ወንድሞች!

☞ ከሞቀ ብርድ ልብስህ ወጥተህ ታጥበህ ወይም ውዱእ አድርገህ መስጂድ ከተፍ ያልክ ግዜ ነው "ወንድ" የምትባለው!

ሙዓዊያ እና ዐሊይ ረዲየላሁ ዐንሁማ በተጋጩ ግዜ ሁለት

ኢስላማዊ ስረወ መንግስት ተመሰረተ የሮሙ ንጉስ ይህን ሰምቶ

እንዲህ ሲል ደብዳቤ ፃፈ።

<<ከሮም ንጉሰ ነገስት ለ ሙስሊሞች መሪ ሙዐዊያ አቡ ሱፍያን!!

ባንተ እና በዐሊይ መካከል የተከሰተውን ግጭት

ሰምተናል።ስለዚህም ለሙስሊሞች መሪ አንተ መሆን

እንዳለብህም ስለምናምን አንተ ፍቃድህ ከሆነ የዐሊይን ጭንቅላት

ቀንጥሶ የሚያመጣልህን ወታደር ልላክልህ>>

ይህ ደብዳቤ ሙዐዊያ ጋር እንደደረሰም ሙዓዊያም

<<ከሙዓዊያ ለሮም መሪ!!! ሁለት ወንድማማቾች ስለተጣሉ

አንተ ምን አገባህ? አፍህን የማትዘጋ ከሆነ ጅማሬው እኔ ጋ የሆነ

እና ፍፃሜው አንተ ጋ የሆነ ሰራዊት ልኬ አንገትህን በማስቀንጠስ

ለዐሊይ በስጦታ መልኩ አበረክትለታለሁ>>

#ይህ_ትክክለኛ_ሙስሊሞች_ሳለን_ነው

_____

___

ካሊድ ኢብን ወሊድ ለፐርሺያው ንጉሰ ነገስት እንዲህ ሲል

ደብዳቤ ፃፈለት

<<ስለም ትድናለህ። እንቢ ያልክ እንደሆን ግን፤ እናንተ ህይወትን

የምትወዱትን ያህል ሞትን የሚወዱ ሰራዊቶችን ይዤልህ

እመጣለሁ።>>

ንጉሱ ይህን ደብዳቤ ካነበበ በኋላ የቻይናውን ንጉስ የጦር እርዳታ

ሊለምነው ደብዳቤ ፃፈለት።

የቻይናውም ንጉስ እንዲህ ሲል ደብዳቤ መልሶ ላከለት።

<<ንጉስ ሆይ! ተራራን እንኳን ለመናድ ካሰቡ ምንም

ከማያግዳቸው ወታደሮች ጋር ለመጋፈጥ አቅሙ ስለሌለኝ

ጥያቄህን መፈፀም አልችልም።>>

# ምን_ያህል_ሀያላን_እንደነበርን_ተመልከቱ

_____

____

በደውለቱል ዑስማኒያ የአገዛዝ ዘመን የሙስሊም ወታደሮች የጦር

መርከቦቻቸውን ይዘው በአውሮፓ ደሴቶች ሲያልፉ በአከባቢው ያሉ

አብያተ ክርስትያናት በሙሉ ሙስሊሞች መጥተው ፈትህ

እንዳያደርጉ በመፍራት ከበሮ ከመምታት እና ምንም አይነት ድምፅ

ከማሰማት ይቆጠቡ ነበር።

#ያኔ_ጀግና_ሳለን

_____

____

በደውለቱል ኡስማኒያ የአገዛዝ ዘመን በያንዳንዴ ቤት ደጅ ላይ

ሁለት የበር ማንኳኩያዎች ይኖራሉ። አንዱ ትልቅ ሲሆን አንዱ ትንሽ

ነው። በትልቀኛው ከተንኳኳ አንኳኪው ወንድ ነው'ና በሩን ሊከፍት

ሚመጣው ወንድ ይሆናል። ነገር ግን በትንሸኛዋ ከተንኳኳ

አንኳኪዋ ሴት መሆኗ ስለሚታወቅ ሴት ትከፍትላታለች።

በዚያ ምርጥ ዘመን አንድ ቤት ውስጥ ሰው ከታመመ ደጅ ላይ

ቀይ አበባ ይንጠለጠል ነበር። ያን አበባ የተመለከቱ ሰዎች ሁሉ

እዝያ ቤት በሽተኛ መኖሩን ስለሚያውቁ በበሩ ሲያልፉ ድምፃቸውን

ዝቅ ያደርጉ ነበር።

#ሹፍ_ምን_እንመስል_እንደነበር !!!

_____

_

ግዜው ሰላሁዱን አል አዩቢ በይተል መቅዲስን ባስመለሰበት ግዜ

ነበር። እና ጦርነቱ ነገውን ሊጀመር ማታ ላይ የጦር መሪው

ሰላሁዲን የወታደሮቹን ድንኳን እየዞረ ሲያዳምጥ፤ ግማሹ ለይል

ይሰግዳል፣ ሌላው ቁርአን ይቀራል፣ የተቀሩት ደግሞ ይዘክራሉ።

ግን ድንገት በሆነ ድንኳን አጠገብ ሲያልፍ በድንኳኑ ውስጥ ያሉት

ሁሉም ተኝተው ነበር። ይህን ግዜ፦"በዚህች ድንኳን አዳሪዎች

ምክንያት ልንሸነፍ እንችላለን" ብሎ አለፈ።

#ማንተኛበት_ዘመን

_____

___

ቀደምት ዑለማኦች በሶስት ነገራት አደራ ይባባሉ ነበር።

1፦ሰውዬው በሱ እና በአላህ መካከል ያለውን ግንኙነት ካሳመረ፤

በሱ እና በሌሎች መካከል ያለው ግንኙነት ያምርለታል።

2፦ሰውዬው ሚስጥራዊ ተግባሩን ካሳመረ አላህ ይፋዊ ተግባሩን

ያሳምርለታል።

3፦ሰውዬው የአኪራው ጉዳይ ካስጨነቀው አላህ የዱንያውንም

የአኪራውንም ጉዳይ ያግራራለታል።

_____

_

#ትልቁ_ኪሳራ_ማለት_ይህ_ነው

ጀነት ስፋቷ የምድርን እና የሰማያትን ያህል ሁና ላንተ በሷ ቦታ

ሳይኖርህ ሲቀር...ትልቅ ኪሳራ ነው።

በእለታዊ ፕሮግራምህ ውስጥ ቁርአንን መቅራት ካልተካተተ ትልቅ

ኪሳራ ነው።

ይህን ፅሁፍ በማሰራጨት ጓደኛህን እንድታነቃው ይከጀላል!