Аброрхон Акмалович

Фиръавнлар ва императорлар ўзларини илоҳлаштирган нарса шу бўлганки, халқлар уларга онгсизларча хизмат қилганлар.

Шайх Муҳаммад Ғаззолий, Ислом олими ва муфаккир.

Кишининг гапириш услубига қараб унинг гапираётганини савияли ва савиясизга чиқариш мантиқсизликдир. Сўзамоллик, сўзга чечанлик алоҳида қобилият ва маҳорат холос. Аммо фикрий уйғоқлик, ақлий теранлик бошқа масала. Шунинг учун ҳам гап тингланаётганда сўзловчининг гапириш тезлиги, сўз танлашда моҳирлиги, сўзларининг равонлиги иккинчи планда туриши керак, асосийси гапнинг мазмун-моҳияти пухта бўлса бас. Ўзи аслини олганда одамларга уларнинг сўраётган саволларига қараб баҳо берилади, бераётган жавобларига қараб эмас.

Жуда кўп ҳолларда инсоннинг ахмоқона хатти-ҳаракатлар содир этиши ёки жахолат ботқоғига ботишининг асосий сабаби унинг онгли мавжудод экани туфайлидир.Онгсиз мавжудодлар, яъни ҳайвонот олами вакилларининг ҳеч бири ахмоқона ҳаракатлар қилмайдилар, уларнинг деярли барча хатти-ҳаракатлари ушбу олам жараёнларига мутаносибдир.Инсон боласи агарда Аллоҳ таоло томонидан берилган онгни, ақл ва идрокни тўғри йўлга йўналтирмас экан, борган сари инсон боласи хаттоки ҳайвонлар ҳам онгсиз равишда бўла туриб бажармайдиган жирканч ишлар ва хатти-ҳаракатлар гирдобига тушиб бораверади.

Эл ардоғидаги ҳофизи қуръон Муҳаммадлоиқ қори акамиз билан эсдалик!

Аллоҳ қори акамизга дин ишлари йўлида олиб бораётган ишларига Ўзи куч-қувват берсин! Жаннатларда ҳам Аллоҳ таоло биз ожиз бандаларини ўз ҳофизи қуръонлари билан бирга қилсин!

Муғийра ибн Шўъба розияллоҳу анҳудан ривоят қилинади:

«Расулуллоҳ соллаллоҳу алайҳи васаллам:

«Мўминнинг сирот устидаги шиори «Роббим! Саломат қил! Саломат қил!»дир», дедилар».

Аллоҳ таоло қиёматда ушбу шиорни айтиб, сиротдан энг катта тезликда ўтиб кетишимизни муяссар қилсин.