Madina Alijonova

Yuborsang O‘zingning yoningga yubor,

Chaqirsang O‘zingning qoshingga chaqir.

Ko‘zimdan ketolmay sargashta g‘ubor,

Nomingni aytganga najot bor axir.

Yoding-la bandi et sarkash xayolim,

Boshqani o‘ylamay, boshqani demay.

Sohibi qudratim, Sohibkamolim,

O‘zgani O‘zingday sevdirma – sevmay.

Qo‘rqaman Yolg‘ondan, Qo‘rqaman Chindan,

Hayotbaxsh so\'zlarga tilimni boyla.

Tazarru – mendandir, mag‘firat – Sendan,

Rahm ayla, rahm ayla, yana rahm ayla.

Manglayga Oshiq deb dastxat bitib qo‘y.

Toabad dunyoga ishqim tushmasin.

Muhtojman, bundan-da muhtoj etib qo‘y -

O‘zingdan boshqaga ishim tushmasin.

Nuqtacha bo‘lolmay qotdim qarshingda,

Osiy hislarimni butkul daf etgin.

Vujudim baxshida, Ruhim baxshida,

Sevgimni Sevginga musharraf etgin.

#behzod_fazliddin

Erkakni ayoldan ilmli bo'lishi ayolni itoatli bo'lishini oson qiladi.

Hasanxon Yahyo Abdulmajid

Ming marta urildi devorga boshlar,

Na devor yiqildi, na bosh yorildi.

Nafs eng boshidan shu yo'lga boshlar,

Yana pushaymonlik yo‘li ko'rindi.

Ovunchoq tavbaga to'lar joynamoz,

Uyalmay oqqusi qaroqdan yoshlar,

Unutilib bo'lgach xatolar biroz,

Takror devorlarni qumsaydi boshlar.

O‘tkirbek Muhammadsobir

Bizning istig‘forimiz istig‘forga muhtojdir.

Robiya Adaviya