Abu Maryam

Расулуллоҳ ﷺ айтадилар: «Ҳузуримга Жаброил алайҳиссалом келиб бундай деди: «Эй Муҳаммад ﷺ, хоҳлаганингизча яшанг, барибир бир кун вафот этасиз. Истаган кишингизни яхши кўринг, барибир бир куни ундан ажраласиз. Хоҳлаган нарсангизга амал қилинг, барибир ўша бажарган ишингизга мукофот (ёки жазо) оласиз. Билингки, мўминнинг шарафи кечасини (баъсини ибодат ила) бедор қилишидадир. Азизлиги эса, одамлардан (ҳеч нарса сўрамасдан) беҳожат бўлишидадир»». (Имом Байҳақий ривояти)

Ғазаб ақлни кўр қилади.

Ғазаб вақтида суҳбатлашмаслик керак. Ғазаб вақтида гапирмоқчи бўлган киши худди қайнаб турган сувда аксини кўрмоқчи бўлган кишига ўхшайди. Сув қайнашдан тўхтасин, совисин. Ана шундан сўнг унга қаранг. Эр-хотинлик ҳаёти ҳам ана шундай!

* Ҳазрати Умар розияллоҳу анҳу айтар эдилар: «Қизларингизни бадбашара инсонга турмушга чиқишга мажбурламанглар. Улар ҳам сиз яхши кўрганингиз каби яхши кўришади».

Расулуллоҳга ﷺ муҳаббат даъвоси.

Муҳаббат дегани эргашмоқдир. Эргашиш эса амалдир. Кимда эргашиш ва амал бўлмаса, мухаббатни қанчалар даъво қилмасин, унинг муҳаббати нуқсонли муҳаббатдир.

Шоир айтади:

Чин бўлса эди гар муҳаббатинг,

Севганинг ортидан эргашар эдинг.

Чунки ошиқлардан кутилган ҳар иш

Суюклиги ортидан ажралмай юриш.

Шайтон сизга зийнатлаб кўрсатаётган ҳар қандай гуноҳни фақатгина Аллоҳ учун тарк қилган бўлсангиз, савдойингиз катта фойда берди деб ҳисоблайверинг. Бундаги тарк қилиш лаззати олиш лаззатидан ширинроқ бўлади!