Gayrat Usmonov

Бугуннинг ижтимоий ва ахлоқий офатлари:

• Ўзингни сев!

• Ҳаққингни бил!

• Ҳеч ким учун ҳеч қандай мажбуриятинг йўқ!

Шу тушунчалар ҳафталаб, ойлаб очиқ ва ёпиқ ўқув курсларида баъзи психолог ва нимадир шунослар тарафидан аёл-қизларимизга сингдириб келиняпти.

© Ikrom Sharif

Agar ota-onang sen bilan murosa qilishni boshlasa, senga gapirganda bezovtalanishingdan, g'azabing chiqishidan qo'rqib, ehtiyotkorlik bilan, so'zlarni saralab gapira boshlasa, bilib qo'yki, ota-onanga oq bo'libsan!

© Abdulloh ibn Muborak

Ota-Onamizni bizda to'la haqlari bor, u haqlarni o'z o'rnida ado etish, ularga to'liq itoat etish, doimo yaxshi munosabatda bo'lish Allohning buyrug'i, sunnatga ergashish va go'zal insoniy fazilatdir.

وَقَضَىٰ رَبُّكَ أَلَّا تَعْبُدُوٓا۟ إِلَّآ إِيَّاهُ وَبِٱلْوَٰلِدَيْنِ إِحْسَٰنًا إِمَّا يَبْلُغَنَّ عِندَكَ ٱلْكِبَرَ أَحَدُهُمَآ أَوْ كِلَاهُمَا فَلَا تَقُل لَّهُمَآ أُفٍّ وَلَا تَنْهَرْهُمَا وَقُل لَّهُمَا قَوْلًا كَرِيمًا

Robbing faqat Uning O'zigagina ibodat qilishingni va ota-onaga yaxshilik qilishni amr etdi. Agar huzuringda ularning birlari yoki ikkovlari ham keksalikka yetsalar, bas, ularga "uff" dema, ularga ozor berma va ularga yaxshi so'z ayt! ( Isro surasi 23-oyat)

Metrodaman. Vagon ichida bir lo'li qiz uch ukasini qo'llariga Ramazon taqvimlarini berib, 5 ming so'mdan sotishni tayinlab, bolajonlarni har tarafga tarqatib yubordi. Eng kichigi biz tarafga keldi. Uchta taqvim sotdi va opasi uni o'pa-o'pa erkaladi. So'ng yana biz tomonga jo'natdi. Bu safar bironta taqvim sotilmadi. Ortga qaytganida opasi uni o'pich bilan emas, balki yuzga kuchli tarsaki va dakkilar bilan qarshiladi. Yuragim shuv etdi.(Lekin biron nima demadim, qilmadim. Qilolmadim.) Bolakay 2 yo 3 yoshlar chamasi. Shiringina, beg'ubor. Opasi shapaloq qo'yganda ko'zlarida qo'rquv bilan, qaltirab turardi. Hayotni U shunday tanidi. Shunday ishlar qilishga majburlandi. Bechoragina hatto taqvimning narxini ham aytolmaydi. Jajjigina qo'llari bilan besh barmog'ini ko'rsatib, narxni tushuntiryabdi. (Chunki unga ham shunday o'rgatishgan)

Yana qancha bolakaylar yoshligidan bunday horliklarni ko'rishini o'ylab, siqildim.

Falastindagi bolakaylarni ahvoli bundan ancha yomon ekanligini va men bu borada ojiz ekanimni o'ylab, siqildim. Eng achinarlisi, bolakaydan 5 ming so'mga bir dona taqvim sotib olib, boshini silab, hech yo'q yana bir bor opasidan o'pich olib, erkalashiga sababchi bo'lmadim. Bolakayning xursandchiligini zarra qadar davom etishiga qodir bo'lmadim. Hech kim unday qilmadi. ( Ikkinchi safar)

Biz ko'pik ummat bo'ldik. Men ko'pik ummatman...

Ya Alloh, ojizligimiz va kuchsizligimizdan o'zingga shikoyat qilamiz, suyanamiz. Barcha mazlumlarga o'zing najot ber, lozim ko'rsang, bizni ham bunga sababchilardan qil. Zolimlarni esa dunyo-yu oxiratda xor-u zorlikda qil.

Bizni jasur, mard rijollardan qil. Qalbimizdan dushmanga bo'lgan qo'rquvni chiqarib yubor. Albatta, O'zing Quvvat sohibi, Qodir Zotsan.

Allohumma amiyn!

ФАРЗ ИЛМ

Кўпчилик "Мусулмон кишига фарз илм қайси?" деб сўрайди.

Илм олиш фарз, лекин ҳеч ким ҳамма илмни ўргана олмайди, демак, фарзи айн илм чеклаганган бўлади.

Бир сўз билан айтганда, мусулмон киши динига тўғри амал қилиши, тўғри эътиқодда бўлиши учун керакли илмларни ўрганиши фарзи айндир. Жумладан, динига, тарихига нисабатан бўладиган шубҳаларни аритадиган, иймонини барқарор қиладиган илмларни ўрганиши фарз ҳисобаланди. Шубҳалар ҳужуми ортгани сари илмини зиёда қилиши, шубҳага ўрин қолдирмайдиган билимга эга бўлиши лозим.

Бошланғич фарз илм учун қуйидаги мавзуларда китоб ўқиш тавсия қилинади:

1. Беш рукн илми: иймон, намоз, рўза, закот ва ҳаж. Ушбу мавзуларда лоақал иккитадан китоб ўқиш ва асосий маълумотларни ёдлаш.

2. Сийратга оид иккита китоб.

3. Ахлоқ одобга оид китоблар.

4. Руҳий тарбияга оид китоб.

5. Оила илми.

Ушбу мавзуларнинг ҳар бирида камида иккитадан китоб ўқиб, маълумотларни ўзлаштириш керак. Кейин бошқа китоблар билан бу мавзулардаги илмини ўстириб бораверилади. Бундан ташқари, ҳар ким ўз мутахассислиги, ҳаёт тарзига тегишли илмни ўрганиши керак бўлади. Агар Исломга тааллуқли бирор мавзуда қалбига шубҳа тушгудек бўлса, уни аритгунча илм излаши лозим.

Бу мавзуларнинг барчасида устозимиз Шайх Муҳаммад Содиқ раҳматуллоҳи алайҳнинг китоблари. Айниқса, "Ижтимоий одоблар" ва "Руҳий тарбия" китобларини ўқиш жуда ҳам муҳим.

Ҳар бир ўзбек мусулмон ушбу китобларни ўқиши, фарзандларига ўқитиши даркор, ана шунда улар ўзлигини йўқотмайди, турли беҳуда шубҳалар, адашган тоифалар таъсиридан онгини ҳимоя қила олади.

© Hasan Al-Muqriy

P/s: Bu mavzular yoritilgan ba'zi kitoblarni keltiraman.

1. Besh rukn ilmi uchun hazratning " Iymon" , " Mo'minning me'roji", " Mo'minning qalqoni", Mo'minning najoti", " Mo'minning umr safari" kitoblari, shuningdek, " Kifoya" to'plami" ham mavjud.

2. Siyratga oid kitobga Hazratning Hadis va Hayot silsilasidagi " Olamlarga rahmat Payg'ambar" ju'zini keltirish mumkin. Shuningdek, bu mavzuda Ziyovuddin Rahim ustozning " Shamoilu Muhammadiya", Abdul A'zim Ziyovuddin Ustozning " Siz Payg'ambarni ko'rganmisiz" kitoblari ham ayni muddao.

3. Axloq odobga oid kitoblar. Bu mavzuda Hazratning " Ijtimoiy odoblar" va " odoblar xazinasi" ( Imom Buxoriyning " Adabul Mufrad" asari tarjimasi) tarjima kitoblari bor.

4. Ruhiy tarbiyaga oid kitoblar.

Bu mavzuga Hazratning " Tasavvuf haqida tasavvur", " Naqshbandiya", kitoblari va " Ruhiy tarbiya" to'plami mavjud.

5. Oila ilmi. Bu mavzuda Hazratning " Bahtiyor oila" va Imom G'azzoliyning " Uylanish odoblari", shuningdek, G'iyosiddin Yusuf Ustozning " Asal oyi emas, asal hayot" kitoblari ayni muddao.

Shu kitoblarni o'qib, kerakli joylarini yodlab olinsa, ancha bilim bo'lib qoladi.

Alloh taolo hayrli va ziyoda ilm bersin, amin!

Фарзандларининг тарбияси билан шуғулланиши керак бўлган она пул топиш учун кўча-кўйга ишлагани чиқиши Уҳуд тоғидаги камончилар ўз ўрнини тарк қилгани кабидир.

#eshitganlarim #tarbiya

GiyosiddinYusuf