Reshid Tibeso

Dhugaan dhokatuu hin dandeenye, gabroomfataan Israa’il baduuf guyyoota lakkaawwataa jira. Baroota Shanan dabarsine kana keessa wal diddaa siyaasaa hamaatu lammiilee Israa’il jiddutti mudate, yeroo Sadi filannoon gaggeeffame. Kana hogganoonni Israa’il hedduun “baduu keenya, biyti teenya osoo garruu faca’aa jirti” jechuun irraa dubbataa oolan. October 7 duraafi boodaas Israa’iloonni akka hin fayyinetti wal madeessaa jiran. Caba isaanii kana dhoysuuf ykn akka Israa’iloonni walirratti hin xiyyeeffanneef lola bananii ummata hiyyeessa Gazzaa galaafataa jiran. Haa tahu ammoo akka lolli kun dhaabbateen baasa arguuf jiraanna, ammaahuu osoo lolli jiruu hiriirri diddaa Biniyaamiin Telaviivitti gaggeeffamaa jira. Israa’il takkaa akka baranaatti hin xiqqaanne, takkaa akka baranaatti hin tuffatamnees, Ameerikaatti ba’aa taate. Lola kanaaf barnoota, geejjibaafi mirqaanni jireenyaa Israa’il keesatti dhaabbatee jira. Yeroo Israa’il caccabaa jirtu kanatti ammoo warroonni isiin lolan naannawa Israa’ilitti humna guddoo horachaa jiran. Via #nuural Hudaa

Pirezidaantii Turkii Erdogan:- "Walii-galteen dhukaasa dhaabuu akka geggeeffamuuf lubbuun daa'ima meeqaa ajjeefamuu qaba?" jechuun gaafatee jira.

Ankaaraan yeroo ammaa marii araaraaf dursa kennuun hojii diippilomaasii irra kan jirtu yoo ta'u Pirezidaantiin Turkii Erdogan ibsa kaleessa kennan keessatti Hamaasiin bakka bu'anii marii araaraa geggeeffamu irratti hirmaachuuf fedhii akka qaban himanii turan.

Mujaahidoonni Hamaas Gaazaa to'annaa isaanii jala oolchanii itti fufanii kan jiran yoo ta'u weerartuun Israa'iil Gaazaa humna lafoon to'achuu akka hin dandeenye hubachuun qilleensa irraan haleelaa jirti.

Toora Telegram keenya Share gochuun waliif qoodaa.

https://t.me/JechotaGaggaarii