هيام عبدالحميد

. أعرف واحد بيحب واحدة متجوزة !!!!

بيحبها بجنون وشايف ان دي حاجة مش بإيده ،،

بتحبها ومش بإيدك ؟ ماشى

ابعد وحاول تنساها بس متخالفش الشرع ✨ ..

افرض خالفته ،، ده اسمه التخبيب.

يعني كلمتها أو شاغلتها ده اسمه تخبيب ،، حتي لو مافيش زنا وملمستهاش ،، اسمه برضو تخبييب

وده من الكبائر ،، نقطه ،، انتهي ..

والتخبيب هو إفساد المرأة علي زوجها أو إفساد الراجل علي مراته ..

في الحديث " ليس منا من خبب امرأة علي زوجها "

وفي الحديث برضو " لا يدخل الجنه خب "

وخد بقا التقيلة

لو اتطلقت ملكوش جواز وجوازكم باطل "عند المالكية والحنابلة"

طب انا كلمتها ومتطلقتش ؟؟

ده اسمه تخبيب ومن الكبائر وجوازكم هيبقي باطل

لو انشغلت وأعرضت عن زوجتك أو هي أعرضت عن زوجها

وعاشت في تشويش خاطر وبلبلة فكر وقلق نفسي وتوتر أعصاب وتكدير لحياتها الزوجية ،، ده اسمه تخبيب ومن الكبائر تانى

وجوازكم هيبقي باطل

طب انا بحبها وكلمتها وهي اتطلقت لأسباب تانيه ؟

ده اسمه تخبيب ومن الكبائر ،، وجوازكم باطل برضو

_طب أنا كلمتها ومعملتش أي حاجة تانيه ومقصدتش افسد عليهم حياتهم ؟

ده اسمه تخبيب ومن الكبائر ، وجوازكم باطل

_طب انا كلمتها وتبت وهي كدا كدا كانت هتطلق ؟

ده اسمه تخبيب ومن الكبائر ،، وجوازكم باطل

_الجواز هنا "باطل" عند "المالكية" لعِظَم الذنب وكعقاب دنيوي للمخببين ومعاملتهم بنقيض قصدهم

والكلام ينطبق علي الرجال والنساء 👌🏻 ..

وده شامل معجنة الاختلاط في الشغل وميادين الحياة

زى مين خدت ده من مراته ومين خد دي من جوزها ،، ويمثل حوالي ٧٠٪؜ من حالات الطلاق اللي هتشوفها ..

والعك ده كله داخل فيه الفضفضة والدردشة والمرقعة ودحرجة التماسي في مزبلة السوشيال ميديا مع زميلى أو زميلتى فى العمل أو الدراسة أو اى مجال فى الحياة ، وده كتير وسهل و بقا "عادي" جداً دلوقتى ..

أي كلمة أو تلميحة ممكن أوي تدخلك في الخانه دي وانت ولا علي بالك ،، وحتي لو متقصدش

مينفعش تقول لزميلتك ، كتكوتة ، شطورة ، صغنونة ، أمورة ، يلا علشان احبك .. الخ ،، من كل الالقاب اللى ملهاش علاقة بالشغل .

_كل دى كبائر كتير تُرتكب دلوقتي وبيتقال عليها "عادي"

_فاللهـم اني اعوذُ بگ من الخبث والخبائث ، و من شر نفسى و شر الشيطان و شركه ، أو ان أقترف على نفسى سوء أو أجره إلى مسلم🤲🤲🤲

اللهُمّ أعطِ كل واحد منّا سؤلهُ وبلغهُ غايته ، اللهُمّ إنّا نسألك من فضلك ورحمتك فإنه لا يملكها إلاّ أنت

قال الله ﷻ ﴿وَقَالَ رَبُّكُمُ ادْعُونِي أَسْتَجِبْ لَكُمْ ۚ إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ ﴾(60) غافر

هذا من لطفه بعباده، ونعمته العظيمة، حيث دعاهم إلى ما فيه صلاح دينهم ودنياهم، وأمرهم بدعائه، دعاء العبادة، ودعاء المسألة، ووعدهم أن يستجيب لهم، وتوعد من استكبر عنها فقال: { إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ دَاخِرِينَ } أي: ذليلين حقيرين، يجتمع عليهم العذاب والإهانة، جزاء على استكبارهم.

🎙️السعدي

لا تستهينوا بالدعاء و تذكروا اخوانكم فإن الله اذا قال للشيء كن فيكون

اللهم نصرا وجبرا يتعجب له اهل السماء واهل الأرض 💔