Abu Rumayso Ibn Qoyyum

Avvalgilarning bir gapi bo’lar edi: “Bir tirraqi buzoq podani bulg’aydi”

Krokusda bo’lgan voqeaga shu so’zlar to’g’ri kelarkan. 3-4 tojikni deb, butun boshli tojik xalqi aziyat chekmoqda, yomonga chiqmoqda, dushmanga aylanmoqda. Holatning ikkinchi tarafiga hech kim e’tibor bermayabdi, aslida terakt sodir qilganlar tojikmidi? Balki bu shunchaki vaziyatdan chiqish uchun qilingan hiyladir? Ba’zi manbalarga ko’ra jinoyatchilar Rossiyani tark etib ulgurgan va ozodlikda ekan. Nima bo’lsa ham, bu voqea sabab bir millat boshqa bir millatga dushman bo’lib qolmoqda. Bu yaxshi ish emas. Bugun tojiklar boshiga tushgan bu musibat ertaga boshqa millatlar boshiga tushmasligiga kim kafolat beradi. Teraktga javobgarlikni ISHID bo’yniga olibdi degan xabar tarqaldi, bu nima uchun qilindi, dinni, islomni yomon ko’rsatish uchunmi? Bu kimning ishi? Alloh bilguvchi! Fitnaga aldanib qolmaylik, undan uzoqda bo’laylik!

Bugun Ka’baga tikilib o’ylab qoldim…

Bir paytlar shu joyni but-sanamlardan tozalash uchun, bu yerga islom dinini olib kirish uchun ne-ne sahobalar jonlarini berdilar, shaxid ketdilar. Keling ularni sanab o’tamiz:

1. Hamza ibn Abdulmuttalib (r.a.)

2. Mus’ab ibn Umayr (r.a)

3. Yosir ibn Amr (r.a)

4. Sumayya bintu Hayyat (r.a)

5. Hanzala ibn Abu Omir (r.a)

6. Amr ibn Jamuh (r.a)

7. Xallod ibn Amr (r.a)

8. Sa’ad ibn Rabi (r.a) …..

Ro’yxatni davom ettirsak bir butun kitob bo’ladi. Aytingchi, biz dinimiz yo’lida nima qildik?

Biz gunoh qildik va hayo qilmadik, ular hayo qildi va gunoh qilmadilar! Ular 1400 yil avval yashab o’tdilar, ibodatda mashg’ul bo’ldilar, o’lmay turib jannat mujdasini oldilar, ammo havotirda qo’rqib yurdilar. Bizchi? Endi yashamoqdamiz, ibodatda sustmiz, jannat mujdasini olmadik, ammo behavotir hotirjammiz. Ular Rasulullohning sahobalari edi, bizchi? Rasululloh sog’inganligini aytgan birodarlarimiz!

Bizlarni kechiring Ya Rasululloh!

Dunyo cho’kib bormoqda. Faqat Nuh Alayhissalomning kemalari yetishmayabdi. Mayda qayiqchalar ko’p, lekin manzilga yetmay cho’kib ketmoqda. Bizga kema kerak, katta kema, Nuhning kemasi, najot kemasi!!!!