Jannatoy Karimova

Ибн Умар розияллоҳу анҳудан ривоят қилинади, Расулуллоҳ соллаллоҳу алайҳи васаллам айтдилар: “Ким пок ҳолида ухласа, унинг ёнида фаришта тонг оттиради. Туннинг бирон соатида уйғонмасдан ухласада, фаришта унинг ҳақига: “Аллоҳим, бу бандангни мағфират қил. Чунки у пок ҳолида ухлади”, дейди”, дедилар.

Имом Табароний ривояти.

Изоҳ: Ижлий раҳимаҳуллоҳ: “Ким таҳорат олган ҳолида Аллоҳ таолони зикр қилиб ўрнига ётса, то уйғонгунига қадар Аллоҳ таолонинг ибодатида қоим бўлганлар савобига мушарраф бўлади”, деди.  

“Фатҳул Борий”дан.

Шайтонни ҳалок қилувчи калималар

Абу Бакр розияллоҳу анҳудан ривоят қилинади: Набий алайҳиссалом айтадилар: (“Лаа илаҳа иллаллоҳ” калимасини) ва истиғфор (яъни, “астағфируллоҳ”)ни кўп айтинг. Чунки шайтон айтади: “Мен инсонларни гуноҳлари билан ҳалок қилмоқчи бўлдим, улар мени “Лаа илаҳа иллаллоҳ” ва истиғфор билан ҳалок қилдилар, шундан сўнг уларни ҳавойи нафслари билан ҳалок қилдим, улар ўзларини тўғри йўлдамиз деб ўйлайдилар” (Имом Термизий ривояти).

@mehrob_uz

\"Ақлингни ошир...\"

Луқмон ибн Омир Абу Дардо розияллоҳу анҳудан ривоят қилади. Расулуллоҳ соллаллоҳу алайҳи ва саллам бундай дедилар: «\"Эй Уваймир, ақлингни ошир, шунда Раббингга яқинлигинг ортади”. Мен: “Ота-онам сизга фидо бўлсин! Ақл борасида ким ҳам менга кафил бўла оларди?!” дедим.

У зот соллаллоҳу алайҳи ва саллам: “Аллоҳ таоло ҳаром қилган ишлардан сақлан ва Аллоҳнинг фарзларини адо эт, шунда ақлли бўласан. Сўнг қўшимча солиҳ амалларни ҳам бажар, шунда дунёда ақлинг кўпаяди, Раббингга яқинлигинг ортади ва бу билан азизликка эришасан”, дедилар.

\"Адабуд дунё вад дин\".

@mehrob_uz

Мўминнинг фаросати

Абдуллоҳ ибн Масъуд розияллоҳу анҳу айтади: Одамларнинг энг фаросатлиси учтадир:

1. Биринчиси, Юсуф алайҳиссаломни сотиб олиб, у ҳақда аёлига тайинлаган ҳоким: “Ва уни Мисрда сотиб олган ўз хотинига: «Унинг турар жойини яхши қил, ажаб эмаски, бизга манфаат берса ёки бола қилиб олсак», – деди”. Юсуф сураси, 21-оят.

2. Иккинчиси, Мусо алайҳиссаломни кўриб отасига у ҳақда айтган аёл: “Иккисидан бири: «Эй отажон, уни ишга ёллаб ол. Чунки ишга ёлланадиган энг яхши кимса кучли ва ишончли кимсадир», – деди”. Қосос сураси, 26-оят.

3. Учинчиси, Умар розияллоҳу анҳуни ўзидан кейин халифаликка тайинлаган вақтида Абу Бакр розияллоҳу анҳудир.

Ҳоким айтади: “Аллоҳ ибн Масъуддан рози бўлсин, ушбуларни ўртасини саҳиҳ санад билан жамлаб хайрли иш қилган”.

“Мустадрок”дан.

Имом Ғаззолий раҳимаҳуллоҳ: “Диннинг бузилиши, фасоди унда лафзлар ва кўринишларининг ўзгаришидан юзага келади. Дин зоҳирдан кўра аслга, жавҳарга кучли эътибор қаратади. У қалбга кириб боради, ўрнашади, сўнгра барча аъзолар уни тасдиқлайди, ишонади”, деди.