Ixtiyor Qoʻldashev

Inson nima sababdan tibbiy xizmatdan norozi boʻladi??

1 - qism: Vaqt muammosi!! Kutish azobi!!

Ilk oʻrinda aytish zarurki: sababli va sababsiz shoshilishlar. Zamon maromi tezlashgani sari insonlar har daqiqa shoshmoqdalar, baʼzida instagramda Reels varoqlashga soatlab ketsa bilinmaydiku, ammo shifokorga yoki tibbiy xizmat uchun navbat kutayotganda soniyaning qadri soatdek boʻladi.. Goho esa darhaqiqat shunday zaruriy ish boʻladiki uning qimmati sogʻlik bahosidan yuqori turgandek tuyiladi..

Ikkinchi tomoni: kadrlar kamligi. Turli soxalar boʻyicha mutaxassislar yetishmovchiligi baʼzan bemorlarni koʻp kutishiga olib keladi..

Uchinchi jixat: tanlov holati.. Bemorlar kimgadir qaysidir maʼlumotlar asosida shashqator xosil qiladilarda xuddi shu darajadagi boshqa mutaxassislar ham mavjudligi xisobga olinmay qoladi..

Toʻrtinchidan: texnologik taʼminotdagi yetishmovchilik. Ayrim muolaja va tashxisot uskunalari yetarli miqdorda emasligi yoki ularni ishlata biluvchi shaxslarning kamligi qator navbatlarga olib kelishi muqarrar..

Beshinchidan: narx masalasidagi xaos. Xususiy sektordagi narxdan qoniqilmagan holatda davlat shifoxonalaridagi navbatning ortishi yoki xususiylar orasidagi narx va boshqa tur raqobatlar xisobiga vujudga keladigon navbat.

Albatta bular hali hammasi emas, ammo barchasiga yechim ham yoʻq emas. Tibbiy madaniyatni oshirish va toʻgʻri yondoshuv bu vaziyatlarga munosib choralarni taqdim eta oladi..

..davomi bor..

@ixtiyorbaxtiyorovich

Masofaviy tibbiyot va uning narxi

Ijtimoiy tarmoqlar va texnologiyalar rivojlanishi bilan hamnafas ravishda masofaviy tibbiyot ham taraqqiyot boʻsagʻasida u oʻz kelajagida quyidagilarni koʻrmoqda:

1. Masofaviy maslahat, nazorat, davolash va masofaviy taʼlim;

2. Elektron tibbiy yozuvlar xotirasi juda katta baza;

3. Sunʼiy intellektni maqsadli joriy etilishi va yaxshilanib borishi;

4. Robotlashgan jarroxlik amaliyotlari - xatosiz tashrixlar uchun;

5. Oson, qulay, koʻp faoliyatli mobil ilovalar qaysiki doimiy oʻz - oʻzini nazoratini taʼminlay olsin;

6. Onlayn dorixona tizimi!!

Ammo bu tizimlar juda katta mablagʻni talab etadi, misol uchun bu soxaning ilk rivojlanish davrlarida 1994-yillarda AQSh 100 mln $, Evropa ittifoqi esa 50 mln $ summa ajratishadi, hozirga kelib esa hali megapolislar toʻliq qamrab olinmagan sharoitda harajatlar bir davlat uchun kamida 1,5 mlrddan ortib ketmoqda, natijada masofaviy konsultatsiyalar yuzma - yuz konsultatsiyalar narxidan balandlashi kutilmoqda, yirik tashkilotlar harajatlar qoplanmay qolishidan xavfsirab pul tikishni istamayabdilar, davlatlarning oʻzi uchun esa bu sarf ogʻirlik qilishi muqarrar, bu xizmatlarni bepul yoki arzon tartibda beʼlgilash esa hech bir mantiqqa mos kelmaydi, lekin bu soxa taraqqiy etishi hozirda yirik shaharlarda, davlatlarda ham kadr muammosi, aholi sonining ortishi tibbiy xizmatni yangilanishini zaruriyatini koʻrsatadi..

Alalxusus, bepul va arzon birlamchi va shoshilinch tibbiy xizmat sharoitini taʼminlab berayotgani uchun davlatimizga, mutaxassislarga tashakkur aytishning ayni payti deb oʻylayman, zero yillar oʻtib tariflarda oʻzgarishlar boʻlishi ehtimoldan holi emas!!

@ixtiyorbaxtiyorovich

Tabiat vs Inson

Dunyoda oʻsma kasalliklarini aniqlanishi ortishi bilan unga qarshi kurash tadbirlari ham keskin taraqqiy etmoqda, quyida oʻtkazilayotgan koʻplab tekshirivlardan 2 tasi haqida aytmoqchiman:

1. Onkohujayralarning kimyoterapiya dorilarga chidamliligi ortishi yoki u dorilar taʼsirining pasayib ketishi haqida!!

Odatda kimyoterapiya preparatlari oʻsma hujayralari oʻsishini toʻxtatish, boʻlinishini kamaytirish va albatta ularni dasturlashtirilgan oʻz - oʻzini oʻldirish tizimini faollashtirishni maqsad qiladi, ammo ohirgi paytda natijaviylik pasayishi izlanishni talab etdi, olingan xulosa shu boʻldiki hujayralar preparatlar ularni koʻpayishini toʻsadigon yoʻldan boshqa yoʻlda ham koʻpayishni tashkil eta oladi, apoptozga esa moslashuvchanlik hosil eta oladi.. Tabiat : Odam baxsi 1:0!!

2. Nanorobot arsenali..

"Nature Medicine" tadqiqotchilari kashfiyoti qon tomirlar ichiga maxsus dasturlashtirilgan nanorobotlarni kiritish orqali oʻzgarayotgan va oʻzgargan hujayralarni barataraflash, kimyoterapiya sifatini oshirish tajribasi muvaffaqiyatli amalga oshmoqda, agar amaliyotga tasdiqlansa bu Onkologiya soxasida katta burilish boʻlishi nazarda tutilmoqda.. Tabiat : Odam 1:1

Inson esa doim sogʻlom turmush tarziga rioya qilish, tibbiy madaniyatni shakllantirish orqali bu kurashda ustunlikka ega boʻlish imkoniyatiga ega!!

@ixtiyorbaxtiyorovich

Bolaligida inson qancha katta boʻlishga intilsa, qarigan sari shuncha yosharishni hohlaydi. Hozirgi kunda tibbiyotda Bioxaking deb nomlangan soxa taraqqiy etmoqdaki uning negizida organizmni qayta dasturlash asnosida umr davomiyligini uzaytirish, qarishni sekinlashtirish, hayot sifatini yaxshilash vazifasi yotadi, buning vositalari sifatida esa: turli biologik faol qoʻshimchalar, kuchli taʼsirga ega dorivor moddalar, kriokameralar (-160° gacha tushadigon), barokameralar, plazmaforez, axlat nazorati, jinsiy aloqani yangicha tartiblash, oʻziga xos dieta turlari yotadi.

Amaliyotlardan misollar:

       Levandovskiy formasini saqlash uchun teskari tartibdagi dietadan foydalanadi yaʼni dastlab desert keyin asosiy ovqat isteʼmol qilinadi (uglevodlar avval soʻriladi va tezkor energiya beradi, oqsillar keyin soʻriladi va zaxira quvvat sifatida ishlaydi).

       Erling Xoland uslubi ham oʻzgacha u har kuni uyqudan 3 soat avvaldan olovrang koʻzoynaklar taqib oʻtiradi va u yordamida tv, smartfondagi koʻk rangni filtrlab uyqu gormoni melatoninning yetarlicha ajralishiga yordam beradi, uyquga yaqin qizil rangli koʻzoynakka aylantirilib, keyin barcha gadjetlar chetga suriladi.

        Mashhur Zlatan har kuni 3 daqiqa davomida -160° kriokamerada boʻladi va keyin issiq vanna qabul qiladi (qon tomirlarni avval torayib keyin kengayishi koʻplab moddalarni ajralishi uchun zamin yaratadi), mutaxassislar tongda sovuq dushni taklif etishadi.

       Gnabri timsolida neyroatletik mashqlar yaʼni miyaning turli joylarini faollashtirish orqali jaroxatlarga chidamlilikni oshirish va reaksiyani tezlashtirishga erishish mumkinligi (u kechalari fortepiano chaladi) taʼkidlanadi.

    Krishtianu Ronaldu esa kunda 6 mahal 90 daqiqadan embrion pozada salqin va qorongʻu xonada uxlaydi va bu yarim fazali uyqu organizmni qayta tiklanishiga yordam beradi, albatta bu uyqudan keyin 6 mahal ovqatlanadi, kriokameradan foydalanadi, ammo bu tartibga hamma ham bardosh bera olmaydi.

     Xulosa oʻrnida aytish mumkinki umrni uzaytirish imkonsiz boʻlsada, ammo maʼlum usullar yashash sifatini yaxshilashda foydaliligi amalda oʻz isbotini topmoqda..

@ixtiyorbaxtiyorovich

Hozirgi kunda yoshlar orasida ham onkologik hastaliklarni asosan yomon sifatli shakllarini uchrash soni yildan yilga ortib bormoqda, buning sababi nimada??

Insonda yashash va ish muhiti oʻzgarishlari organizmning bunga moslashuvi uchun hujayralarga boʻlinishning tegishli dasturini talab etadi, bu dastur shakllanishi va amaliyoti jarayonida ekologik oʻzgarishlar, nosogʻlom hayot tarzi, zararli odatlarning keng tarqalishi turli mutatsion holatlarga turtki beradi va adaptatsion holat notoʻgʻri yoʻnalishga yuradi va natijada yuqoridagi yoqimsiz kasallik vujudga keladi..

Xoʻsh yechim qanday!? Avvallo kasallik aniqlangach uni davolashning maxsus standartlari borki ularni tegishli mutaxassislar beʼlgilaydi, bu yerda muhimi esa shu holatlarni oldini olishdir yaʼni sogʻlom turmush tarziga rioya qilish, tozalikni saqlash va albatta tabiatni asrashdir, chunki tabiat ifloslangan sari ehtimollik soni ortib boradi va bundan biz, biz boʻlmasak yaqinlarimiz aziyat chekishi mumkin!!

@ixtiyorbaxtiyorovich