Rashidhon Saydahmedov

* * *

Синовинг ичраман, ё Раб,

Ғамларга тўлдирма мани.

Ёлворай фазлингдан тилаб,

Бетавба ўлдирма мани.

Гуноҳим беҳад, қатма қат,

Уйқуда қалб – беҳуш карахт.

Борига иқрорман, фақат

Бетавба ўлдирма мани.

Амалмас, сўзга ботирман,

Қадамни терс қўёдирман.

Ҳолимдан кўп ховотирман,

Бетавба ўлдирма мани.

Умр - оний сафар, йўлдир,

Бу йўлларда хатар мўлдир.

Ўлим келмай бурун ўлдир,

Бетавба ўлдирма мани.

Қулингман, дил ато этгил,

Умидимни расо этгил.

Ўтинчимни бажо этгил,

Бетавба ўлдирма мани.

Руҳимдан айрилса танам,

Сужудим Сенда бўлсин жам.

Тазарру айлай охир дам,

Бетавба ўлдирма мани.

Sarvar Mirzo