Ozodbek Karimov

Ғоззалик оналар Сафо ва Марва орлиғида сув излаб, сай қилган Хожар онамизни ҳолатини ҳар сония такрорлашмоқда. Ўзинг онамизга зам-зам билан нажот берганинг каби нажот бер. Биз ожиз, қўрқоқ бандаларинга ҳам ҳайбат, шижоат бер.

Қишлоғим мактабида битирув тадбири. Шу қизлар рўмоли учун ўзларига яраша машаққатларга сабр қилдилар. Муслималик иффатини, отаси шаънини сабот билан ҳимоя қилдилар. Аллоҳ Ўзи мукофотласин. Буларни аксари "Қишлоқ китобхонлари" аъзолари. Лекин афсус ўзлигини йўқотган, ўзларининг манқуртизмда шаклланган ғояларини "дин" деб билгувчи исломофоб ўқитувчилар буларни билимига эмас, рўмолига осилдилар. Бу рўмоллилар уларни ҳаловатини бузди. Ва бу давом этади инша Аллоҳ.

Ҳазрат рахматли Андижонга рамазон суҳбатлари ўтказишга шу машинада келар эди. Энди бу машинани Ҳазратни хос меҳмонларини хизматида кўриб қоламиз.

Бешта божани каттаси ва кенжаси)

Қайнота ва қайнонамдан Аллоҳ рози бўлсин.

"Минор" масжиди, Тошкент ш. 2019 й.

ЮЗ ЭЛЛИК ЙИЛ ОТАНГНИ ОТГАННИ ОҒА САНАБ...😢

Кўк бўри кезган сарҳад итларга талош энди,

Кўтарилган бош эмас, биргина қуёш энди,

Учқун сочган кўзларнинг топингани ёш энди,

Туркий элнинг шиддати сўнганга ўхшаётир.

Сарбадорлар қонини селлар ювиб кетгандай,

Миллат учун жон берар алпни девлар ютгандай,

Ултонтозлар кун санаб, э воҳ, шуни кутгандай,

Элнинг куни номардга қолганга ўхшаётир.

Юз эллик йил отангни отганни оға санаб,

Дили бузуқ келганнинг қадамига гул қадаб,

Ё, ҳақ, дея ёнганнинг мозорига тош қалаб,

Саройингга қарғалар қўнганга ўхшаётир.

Элдан чиқиб элидан ирганганлар кўрингай,

Ўз тарихин ўзгадан ўрганганлар кўрингай,

Ғужури-ю забони ўзгарганлар кўрингай,

Ўз фарзандинг ўзингни сотганга ўхшаётир.

Кечанг заволга дўнди, ҳайкалдай қотиб бўлди,

Сенинг бор насибангни бекларинг тотиб бўлди,

Бугундан-ку айрилдинг, эртангни сотиб бўлди,

Йўл кўрсатар маёғинг ўчганга ўхшаётир.

Бургут учган зовларда қузғун базм этмоқда,

Илдизингни кавшабон тўнғиз ҳазм этмоқда,

Эртангни белгилашга ётлар жазм этмоқда,

Қошиқ бутун, қиличинг синганга ўхшаётир.

Кечаги ёвқир нигоҳ бугун ерга қадалган,

Ватан кутган жасорат нон топишга аталган,

Бўйин эгик, қўл қадоқ, тиззаларинг қаварган,

Умид кўзёш шўридан сўлганга ўхшаётир.

Уйғотай деб келган ул баҳорлар бекор кетар,

Ҳар тонгда қуёш туртиб, ҳар шомда безор кетар,

Бўғзин йиртиб шоирлар минг ҳайқириб, хор кетар,

Аллоҳ, бу халқ шу ҳолга кўнганга ўхшаётир.

Туркий элнинг шиддати сўнганга ўхшаётир.

© Нажмиддинбек Эрматов

апрель, 2021