Muhammadali Solijonov

Garchi

Shu qora yer tushgan chekimga,

Uzolmadim ko'ngilni oydan.

Hasratidan toʻydim yupunning ,

Hafsalam koʻp pir bo'ldi boydan.

Yurtlar kezdim yov quvib borib,

Doʻst topmadim bironta joydan.

Arshdan tushgan boʻlsa-da odam

Yaralgani rost ekan loydan...

©A'zam O'ktam

Gul suvga oshiq boʻldi...

Suvga:

-“Seni sevaman”-deb aytdi. Suv:

-“Men ham seni sevaman”-dedi.

Oradan biroz vaqt oʻtgandan keyin, takror Gul Suvga:

-“Seni sevaman”-dedi.

Suv:

-“Men ham seni sevaman”-dedi...

Gul kasal boʻlib, soʻlib qoldi...

Suv bu holni koʻrib chidolmasdan, tabib chaqirdi. Tabib Gulni yaxshilab tekshirgandan keyin, Gulga umidsiz boqdi. Suv esa xavotirlanib:

-“Gulga nima boʻlgan ekan?”-deb soʻradi...

Tabib esa:

-“Hech narsa qilmagan, faqatgina Suvsiz qolibdi”-dedi...

Bundan shu narsa tushuniladi ki, “Ishq - faqatgina seni sevaman!” - deb aytishlikdan iborat emas ekan.

Ishq - senga har narsasini bera olishiga ishonganing bir insonni sevishlikdir...

Sevgi ayb koʻradigan koʻzni yumib, goʻzallik koʻradigan koʻzni ochadi. Sevadigan boʻlsang, mana shunday sev!

Na aybsiz inson qidir, na insonda ayb...

Qanchalik boy boʻlsang ham, faqatgina yeya oladiganing darajada yeysan.

Dengizga koʻzani botirsang, ola oladigan darajada suv oladi.

Qolgani esa qolib ketadi...

Ey inson!

Haddingni bil!

Tijorat ahli boʻlmasang doʻkon ochma!

Hol ahli boʻlmasang ogʻzingni ochma!

Ulugʻlar bor majlisda ahkom oʻqima!

Koʻrlar bozorida oyna sotma!

Ahil boʻla olmayotgan ekansan, hech boʻlmasa odobli boʻl!

Hazrati Mavlono Jaloliddin Rumiy quddisa sirruhu

Hayotda hech qachon bо‘lmagin ortiq,

Odamlarga ulash shundayin tortiq:

Sezilmasa hamki mayli borliging,

Yо‘qliging sezilsin, bilinsin qattiq!

©Xayrulla Hamidov

Bir koʻrishda muhabbat bordir balki. Lekin ming koʻrishdan keyin ham saqlanib qolgani haqiqiysidir ))

©Qahramon Aslanov

...Koʻpdan kutgan edim orziqib, mana,

Bulutlar tarqaldi toʻkishib koʻz yosh.

Xayolim osmonday yorishdi yana,

Yorugʻ kunlarimday porladi quyosh.

Shoshqin daryolarning zangordir labi,

Shamollar oʻynaydi yiroq-yiroqda.

Yurgil, sayr etaylik, yurgil, malagim,

Dunyo tashvishlari qolsin uzoqda.

Koʻryapsanmi, qanday yasharmish olam,

Beparvo goʻdakday jilmayadi jim.

Goʻdagim, bu chiroy qaytmaydi hecham,

Qaytmagani kabi mening yoshligim.

Bugun bosh ustingda yashnagan yaproq

Shovullab toʻkilar erta poyingga.

Bu uchqur yoʻlovchi solmaydi quloq

Sening iltimosing, sening raʼyingga.

Xazonli avgustning biror oqshomi

Uni koʻrarsanmi tushingda takror?!

Mayliga, oʻzgadir kuzning ilhomi,

Bugun-chi koʻz tashla: atrofda bahor!

Qani, qoʻlginangni bergil jimgina,

Shu maʼsum yoʻlchiga qoʻyaylik ixlos.

Shoirlar aldaydi bizni, jonginam,

Bahor doim emas, uch oydir, xolos...

©Abdulla Oripov