qalamblog

Avf etasanmi?

Boshimni sajdaga qoʻyib yigʻlasam,

Dovuddek¹ qirq kecha tinmay yigʻlasam,

Gunohim boʻynimga olib yigʻlasam

Allohim Sen meni avf etasanmi?

Koʻzyoshlar toʻkilib, koʻzlar qurisa,

Oʻsha koʻzyoshimdan gullar bitilsa,

Qalbim bolalardek hoʻngrab yigʻlasa,

Allohim Sen meni avf etasanmi?

Adashgan yoʻlchiga yoʻlin koʻrsatsam,

Bir miskin daliga yemak uzatsam,

Tuzalmas bemorning ruhin koʻtarsam,

Allohim Sen meni avf etasanmi?

Ummondek gunohim koʻpayib ketgan,

Shayton-ku koʻzimga hirsni oʻragan,

Men-ku oʻzimdan-oʻzim uzoqlab ketgan,

Allohim Sen meni avf etasanmi?

Tizzam bukilsa sajdaga tushib,

Kibrimni sindirsam boshimni qoʻyib,

Yigʻlasam chin dildan iltijo qilib,

Allohim Sen meni avf etasanmi?

qalamblog ✨

BIR KITOBGA AYLANIB QOLSAM

Bir kitobga aylanib qolsam

Olib ket meni ismimni oʻqib

Sumkangda yotmayin, javonlarda ham

Quchogʻing bagʻrida olib yur, oʻqib

Sahifam och mening, avaylab sekin

Oʻqi! Berilib, vaqtni unutib

Hatto, tonglar otib quyosh botsa ham

Qoʻlingdan hech tushmay oʻqisang oʻpib

Men seni yigʻlatsam dardlarim bilan

Koʻzyoshlaring oqib yuzimni oʻpsa

Men seni kuldirsam hazillar bilan

Yuzingda \"kulgichlar\"ing izlari qolsa

Oʻqisang hech tolmay, zerikmay meni

Tunlari yostigʻing tagiga qoʻyib

Har tongda yuzimga termulib yana

Yangi bir bobni oʻqisang suyib

Men kitobga aylanib qolsam

Olib ket meni ismimni oʻqib...

qalamblog

Bugungi kuning eng yaxshi kuning #bismillah