〽️ እንኖራለን በሀሴት
ኢንዲ ስትል ፃፈች - ያረገዘችው ብዕሬ
ለእጄ እንዳይከብደኝ - ክዳኗን ወርውሬ
እናም መፃፍ ጀመርኩ - እንዲህ ስል ጀምሬ
ግን ገንፍላለችና - ቀለሟ እንዳያልቅ
እውነቱን ላውጣው - ልቤ እንዳይጨነቅ
በሀቅ ትደሰት - ብዕሬ ትቦርቅ።
እስቲ ልሞነጫጭር - ሀሳቤን ልግለጥ
ግን አልችልም - ውብ ቃሎችን መምረጥ
አጣዳፊ ነውና - ያረገዘቺው የብዕሬ ምጥ።
የዕድሜችን ጉዞ ሽሽት
የተስፋችን ቅዠት
የመኖራችን ሚስጥር
የህይወት ቁም ነገር
የኑሮ ስንክሳር
እንጨነቃለን ይሀው - ምንም ላንፈጥር
በሆነ ጊዜና - ስትጠልቅ ጀምበር
ድቅድቁ አይሎ - ጨለማው ሲደራ
እኛም ረስተን - ሰባዓዊ ፉጥርነታችንን
ፍንትው ብሎ ወጣ - ይሀው ጭካኔያችን
ልብሳችን ሸፍኖት - ያን ትምኪት አንደበት
ስንኖር አምሮብን - ኑሮን ግን የውሸት
ሰው መች ይህን አወቀ - የእኛነታችንን እውነት
ፀሃይ ማብራት ስትጀምር - ለሰው ልጅ በተራ
ፍርድም ሲጓደል - እውነት ሲሆን ተራ
ከፋፍለን ስንጨርስ - ሰዎችን በጎራ
እናም አስተዛዘበን - የአስተሳሰባችን ስፍራ።
ጊዜም ሚስጥር ሆነ - እንደ ስልክ ኮድ
ሚከፍተውም የለም - አወይ የኛስ ጉድ
ወይስ በኮፒ እንክፈተው - በዘረፍነው ፓስዎርድ⁉️
ቀኑ ቶሎ መሸ - ለሊቱ ረዘመ
ልባችን ታመመ - እኛን እያከመ
ሀሴት መበፈለግ - ውስጣችን ከሰመ
እንቅፋት በዝቶበት - ደስታን ሚቀማ
ግራ ገብቶን አለን - በጭንቀት አላማ።
አርብን እየጠበቅን - ቅዳሜ ደረሰ
ቀናት ተፈራረቁ - ወርም ተጋመሰ
ጨለማው ረዝሞ - ብርሃን ታመሰ
ደስታም እንደ ቤት - ተሰርቶ ፈረሰ
ቀኑ 24 ሰዓት - እኛ ግን ዜሮ
ማሳለፍ ለምደን - ጭንቀትን በጓሮ
ለውጥ ላናመጣ - አሰማን እሮሮ
ይሀውና አለን- እንደአምናው ዘንድሮ
ይሀውና አለን- እንደአምናው ዘንድሮ።
ደግነት ይፃፍበት - በጥላቻ ሰነድ
እውነት ይስፈርበት - በጨለማው መንገድ
እስቲ ደግ እንሁን - በቃ ሰው እንውደድ
በቃ ሰው እናክብር- ውስጣችን እንዳይናድ
ለውዴታችን ግን - ምላሽ አንጠብቅ
በሚመስጥ ትህትና - ከእውነት እንታረቅ
ተስማምተው ከሄዱ - እምነትና ተስፋ
ሃቅ ገኃድ ከወጣ - የሰው ልጅ ካልከፋ
እውነት ሚስጥር ካልሆነ - ካወጣነው ይፋ
ይሄኔማ ሰው እንሆናለን - ደግነት ያቀፈ
ሁሉም ለበጎ ይሆናል - ይጠፋል ብስጭት
መመኘት እንጀምራለን - እውነተኛ ምኞት
በደስታ ያበበ - ውብ ማራኪ ጊዜያት
እርሰበርስ ተገዳግፈን - እንኖራለን በሀሴት
እርሰበርስ ተገዳግፈን - እንኖራለን በሀሴት።
✍️ በረሻድ ኢብኑ ሙዘሚል
ይ🀄ላ🀄ሉን👇👇 share👇
Telegram: t.me/SharpSwords1
Tiktok: tiktok.com/@sharpswords1
YouTube: youtube.com/@SharpSwords1
Instagram: Instagram.com/sharp_swords1
Ummalife: ummalife.com/ReshadMuzemil
3
2