Chiday olmadim
Chidadim, dushmanlar qilsa malomat,
Har turfa o'yindan hanuz tolmadim.
Ammo firqa-firqa bo'linsa ummat,
Bu ummat holiga chiday olmadim!
Kofir, deb atashib bir-birin so'ysa,
Dinidan nafsini ustunlab qo'ysa,
Yovlar nonini yeb qorinlar to'ysa,
Bu ummat holiga chiday olmadim!
Dushman der burchakda asta kuzatib:
"Endi bu yarani bo'lmas tuzatib!"
Alamdan yosh olgan ko'zlarim artib,
Bu ummat holiga chiday olmadim!
Qachondir bo'lgandi dunyoga xoqon,
Bugun qoqilganda har ishda har on,
Mazlum bir oh, demay yutganida qon,
Bu ummat holiga chiday olmadim!
Men ham ummatmi, deb tutgandim qalam,
She'rlarim satrini band etdi alam.
Sizga qayg'u bilan so'zladim shu dam,
Bu ummat holiga chiday olmadim!
Muhammad Qodir Abdulaziz
21.12.2023
Chiday olmadim
Chidadim, dushmanlar qilsa malomat,
Har turfa o'yindan hanuz tolmadim.
Ammo firqa-firqa bo'linsa ummat,
Bu ummat holiga chiday olmadim!
Kofir, deb atashib bir-birin so'ysa,
Dinidan nafsini ustunlab qo'ysa,
Yovlar nonini yeb qorinlar to'ysa,
Bu ummat holiga chiday olmadim!
Dushman der burchakda asta kuzatib:
"Endi bu yarani bo'lmas tuzatib!"
Alamdan yosh olgan ko'zlarim artib,
Bu ummat holiga chiday olmadim!
Qachondir bo'lgandi dunyoga xoqon,
Bugun qoqilganda har ishda har on,
Mazlum bir oh, demay yutganida qon,
Bu ummat holiga chiday olmadim!
Men ham ummatmi, deb tutgandim qalam,
She'rlarim satrini band etdi alam.
Sizga qayg'u bilan so'zladim shu dam,
Bu ummat holiga chiday olmadim!
Muhammad Qodir Abdulaziz
21.12.2023
3