عبدالغفور عبدالرحيم

Can anyone help me to send some money to Gambia 🇬🇲. Because there are people who are suffering from hunger. +2205266689 this is his number, you can contact via WhatsApp

#nazm

Tashqarida sovuq, qishning nafasi,

Shamol shabbodamas, endi izgʻirin.

Bu sarson yuragim — she\'rlar qafasi

Va sahro — intizor kutgan yomgʻirin.

\"Yaxshi dam oling\"ga hojat yoʻq endi,

\"Issiq kiyining\"dan muddao nima?

Diydormas, ajralmoq zamoni keldi,

Qoʻy endi bularni, ahmoq koʻnglima!

Yozgan she\'rlarimning ustidan kuling,

Bu bir ishq ertagi, ishq safsatasi.

Faqat oʻzingizni ehtiyot qiling,

Tashqarida sovuq, qishning nafasi...!

#nazm

— Hayot — shovqinli dengiz,

— Uzr, nima dedingiz?

— Ha yoʻq, oʻzim, shunchaki,

— Qorningiz ochdir balki?

— Rahmat, qornim toʻq, joʻra,

Oʻtiring undan koʻra.

Quramiz biroz suhbat,

Boʻling xotirjman, xushvaqt.

— Mayli, nima dardingiz?

— Dardingiz bu — qadringiz!

— Usta ekansiz soʻzga,

— Ishim yoʻq shundan oʻzga,

Soʻzlar bu — ne\'mat, hiba,

Suxandonlik — mavhiba*.

— Nima gaplar dunyoda,

Ne kam, nima ziyoda?

— Dunyoda zulm bisyor,

Odamzot nonkoʻr, ayyor.

Nafsga, pulga sigʻingan

Va hamma ishga tayyor.

— Bu qandayin fojea?

— Bu voqea, voqea...

G\'aribiy