Sayyidahror Rustamov

Shayx Abu Isʼhoq Huvayniy aytadi:

“Biz aytamizki, odob bobi juda muhimdir. Shu bobni oʻzlashtirmagan kishining ilmidan odamlarga foyda yoʻq. Yetuk odob esa oʻzingning ham, oʻzganing ham qadrini bilmogʻingdir”.

Abdulloh ibn Muborak rahimahulloh aytadilar:

- Men odobni oʻttiz yil talab qildim, ilm talabida esa yigirma yil yurdim. Bizning davrda ilmdan oldin odob oʻrganilardi!

- Biz ilmning koʻp boʻlishidan  koʻra oz boʻlsada odobning boʻlishiga oʻta muhtojmiz.

Zikr

Ibn Hajar Asqaloniy rahimahulloh aytadilar: \"Zikr yettitadir:

1. Koʻzlarning zikri – yigʻlash.

2. Quloqlarning zikri – quloq solish.

3. Tilning zikri – sano, tasbeh aytish.

4. Qoʻlning zikri – berish (sadaqa qilish).

5. Tananing zikri – vafo qilish (ibodat qilish).

6. Qalbning zikri – xavf va rajo.

7. Ruhning zikri – taslim boʻlish va rozi boʻlish\".

“Fathul Boriy” kitobidan.

Ibn Javziy rahimahulloh aytadilar: \"Agar Alloh taolo bir bandaning tiliga Muhammad sollallohu alayhi vasallamga salovat aytishni oson qilib qoʻysa, uning gunohlarini garchi togʻlarning vaznicha ogʻir boʻlsa-da kechiradi. Uning gunoxlari kechirilar ekan,qalbidan qoralik ketib, unda nur paydo boʻla boshlaydi\"

منهومان لا يشبعان: صاحب العلم وصاحب الدنيا

Ikki ochkòz hech tòymaydi: ilm egasi va dunyo egasi.

Bugun bir gap o\'qidim, fikrlashga majbur qildi:

\"Qachondir O\'lim seni yo\'qlab kelganda, seni tirik holda topsin.!\"

(Ba\'zi insonlar 20 yoshda o\'ladi 80 yoshda ko\'miladi...)