Muhammadjon Tohirov

https://www.youtube.com/watch?v=jB9Vso18S0Y

Musulmonlar zamona yomon bo’ldi

Halol yetmas harom qiymatli bo’ldi

O’qilgan quronga quloq tutilmas

Shaytonlar semirdi quvvatli bo’lid

Harom bilan hamr tutti dunyoni

Eeeeh, Fasod ishlar qilgan hurmatli bo’ldi

Kimgaki Allohdan habar berursan

Tutib boshinga urar hujjatli bo’ldi

Shogird ustoziga harxasha qilar

O’g’il otasi bilan izzatli bo’ldi

Faqirlar miskinlikdan tortdilar qo’lin

Ko’ngilni yiqqanlar haybatli bo’ldi

Payg’ambar o’rniga o’tgan xo’jalar

Bu halqning boshiga zahmatli bo’ldi

#sher #yunushemro #zamonayomonboldi

Xol aka qaytgandi uyga to‘satdan,

O‘g‘li, dadajon, deb chopib kelibdi.

Ota quchay desa qo‘li yo‘q ekan,

Tik turgan joyida yig‘layveribdi.

Erkin Vohidov

#sher

JIM YOTAR

Zalvorli sukunat! Dunyo yukidan

Ezilib ne davru davron jim yotar.

Saydu sayyodlarning vaxshiyligidan

Yayrab yurolmaydi – jayron jim yotar!

Haddan oshib ketsang to‘kin chog‘larda,

Olovdek o‘rtangay qalbing dog‘larda,

Hattoki purviqor sokin tog‘larda

Paymonasin kutib vulqon jim yotar!

Eslab ko‘r – ne sabab ikki Insonni

Haydab chiqardilar, qo‘shib shaytonni...

Nafs yomon, bir qara, sho‘rlik sichqonni

Yetaklab bormoqda... qopqon jim yotar!

Ey do‘stim, sheriksiz chiqmagil ovga,

Ne ham qilolarding bir o‘zing yovga.

Har inson muxtojdir boshqa birovga,

Yoysiz qolsa kor yo‘q – kamon jim yotar!

Zakiy ko‘zlar uchun yorug‘dir kech ham,

Haddini bilgaydir, oshmaydi hech ham.

Aqlli sayyodlar shoshmaydi hech ham,

O‘ljasi o‘tlaydi... Asrlon jim yotar!

Xayrullo, bas, yetar, o‘ynading-kulding,

Dunyoning eng sirli o‘yinin bilding.

Shovqin-suron solma, uch kunga kelding,

Birovning uyida mehmon jim yotar!

Hayrulla Hamidov

Dedim: Ayt, umrning ma'nosi nima?

Dedi: Yo chaqmoq, yo sham, yoki parvona.

Dedim: Bu dunyoga bino qo'ygan kim?

Dedi: Yo go'l, yo mast, yoki devona.

Pahlavon Mahmud

Reference: https://uforum.uz/showthread.p....hp?s=717d0d965ebb192