Uktamov Nusrat

Gʻalati elat bu, g‘alati el bu,

Niyati bo‘lakcha, amali mavhum.

Bu eldan Buxoriy chiqishi mumkin,

Lekin g‘ariblikda yashashga mahkum.

Gʻalati elat bu, g‘alati el bu,

Tushunib bo‘lmaydi asrorlarini.

Mashrabni osadi va orqasidan

Yig‘lab o‘qib yurar ash’orlarini.

Gʻalati elat bu, g‘alati el bu,

Botini chirkinlik, zohiri sodda –

O‘tkan kunlarini yozgan o‘g‘lini

Bilmay otib qo‘yar Yunusobodda.

Gʻalati elat bu, g‘alati el bu,

Timsoh ko‘z yoshidan bitmish lug‘ati.

Ibn Sinoni-yu Ulug‘begini

O‘zi tug‘adi va o‘zi bo‘g‘adi.

Gʻalati elat bu, g‘alati el bu,

Tushunib bo‘lmaydi sira ham, aytsam.

Bir jarlik ko‘raman yo‘l oxirida,

Oldinga yur, deydi orqaga qaytsam.

Gʻalati elat bu, g‘alati el bu,

Buyuklik sharafdir, biroq o‘y surmang.

Tag‘in, dardlarini eshitayin deb

Boburni sira ham uyg‘ota ko‘rmang!!!

Xayrulla Hamidov

ЎЗБЕКЛAРГA

Борган сари гуноҳ тўляпти,

Ҳолимизга ҳамма куляпти,

Бутун дунё турибди ҳайрон,

Ўзбекларга нима бўляпти?

Бир пайтлари муаллим бўлган,

Етмиш минглаб ҳадислар билган,

Бухорийни тарбия қилган,

Ўзбекларга нима бўляпти?

Тўғри йўлни кулиб кўрсатган,

Ҳақиқатнинг ўрнин ўрнатган

Навоийга ҳарф ўргатган,

Ўзбекларга нима бўляпти?

Тинмас кўча-куйда яллалар,

Қайда қолди гўзал паллалар?

Термизийга айтган аллалар,

Ўзбекларга нима бўляпти?

Элим сочган даври ҳурликда,

Бугун эса тамом хўрликда,

Пешқадамдир порахўрликда,

Ўзбекларга нима бўляпти?

Султон бўлган, юрак қўлида,

Ҳукм қилган сарой тўрида,

Хизмат қилар Қозоқ ерида,

Ўзбекларга нима бўляпти?

Заҳар иси келар болидан,

Ҳароми кўп топган молидан,

Туркман, ҳатто, кулар ҳолидан,

Ўзбекларга нима бўляпти?

Йигитлари топиб "дугона"

Хоҳлаганда қилар жонона,

Қизларига ҳаё бегона,

Ўзбекларга нима бўляпти?

Шоирлари мансаб талашар,

Пешволарни мақтаб талашар,

Мўминлари мазҳаб талашар,

Ўзбекларга нима бўляпти?

Отилгандек мисли палахмон,

Ватангадо ҳолида ҳамон,

Рус ерида хор-у саргардон,

Ўзбекларга нима бўляпти?

Фарзларига амал қилмайди,

Суннатларни писанд илмайди,

Ҳаққин талаб қилиш билмайди,

Ўзбекларга нима бўляпти?

Бугун ҳайрон Ибн Синолар,

Мавлони ўтказиб дунёлар,

Тополмас қалбига даволар,

Ўзбекларга нима бўляпти?

Мўминлиги даводан ташкил,

Ҳаёти кайф-сафодан ташкил,

Эҳсонлари риёдан ташкил,

Ўзбекларга нима бўляпти?

Қодирийни сотгани етмай,

Беҳбудийни отгани етмай,

Бугун қўймас яхшини тутмай,

Ўзбекларга нима бўляпти?

Ёқмас биров ҳақ сўз гапирса,

Тағин ҳақни излаб лоф урса,

Дин, - деган "дин" сўзин тупурса,

Ўзбекларга нима бўляпти?

Четдан келган ҳар қандай одам,

Ҳайрон бўлар ташласа қадам,

Ҳамма учун тунда ёққан шам,

Ўзбекларга нима бўляпти?

Қаён борсам, халқим қилар тўй,

Мижозича айтилгандек – қўй,

Хайруллони ўйлатар бир ўй,

Ўзбекларга нима бўляпти?

Хайрулла Ҳамидов

​Dekarativ din, maniken musulmon!

Aroq ichuvchilardan (mast qiladigan har narsa) "ateistlardan farqing nima?"-deb so'rab ko'rganmisiz? "Qalbimda iymon bor"-deb o'zini aldab oqlashadi. Gap so'z yo'q, sizlar ateist emassizlar, islom dinidagi musulmonsizlar ya'ni maniken musulmonlar. Bundaylarning qalbidagi iymon emas, dekarativ islom dini. Kishining qalbida iymon va aroq ichish birga bo‘lmaydi, biri boshqasini, albatta, chiqarib yuboradi.

Imom Buxoriy rivoyati:

Abu Hurayradan (r.a.) rivoyat qilinadi: Rasululloh (sollallohu alayhi vasallam) aytdilar: "Zino qilguvchi mo‘min holida zino qilmaydi, o‘g‘ri mo‘min holida o‘g‘irlik qilmaydi. Aroq ichguvchi ham mo‘min holida aroq ichmaydi"

Ya'ni shu yerda keltirilgan gunohlarga qo'l urayotganingizda iymondan chiqasiz. Shu ishlarni qilayotgan paytda vafot etmayman deb kafolat bera olmaysiz, aroq ichuvchi iymonsiz o'lib ketish havfi bor, shunday ekan iymonsiz ketmang!

Охират соати - тўлдирилар кун,

Йиғлаган кўзларни кулдирилар кун.

Ёпилар қочишнинг сўнгги бекати -

Ўлимнинг ўзи ҳам ўлдирилар кун…

• Хайрулла Ҳамидов