Киши Умар розияллоҳу анҳунинг "масъул қилинишингиздан олдин фақиҳлашинг" деган гапларини биринчи эшитганида соддалик билан тушунади. Шахсан менда шундай бўлган. Бу гапни "бир киши келажакда бир соҳанинг масъули бўлишни режалайди ва шунга кўра ҳаракат қилиб қолиши керак" деб тушунганман. Кейин тушуниб етдимки, бу гапга бунданда чуқурроқ маъно юкласа бўлар экан.
Юқоридаги содда маъно бу бизнинг одатимизда шундоқ ҳам бор нарса. Бир нарсани режа қилсак, албатта шунга қараб тайёргарлик қиламиз.
Лекин бу гапда аслида тушунилиши керак бўлган нарса, ҳар доим бор имкониятдан фойдаланиб, ҳар он Аллоҳ таоло талаб қилган салоҳиятга эга бўлишдир. Яъни, бугунимиз хароб бўлган ҳолда мукаммал келажак учун эмас, бор шарт-шароитларга рози бўлган ҳолда бугунимизнинг ислоҳи учун ҳаракат қилишимиз керак. Тайёргарлик эрта учун эмас, ҳозирнинг масъулиятини зиммадан соқит қилиш учун бўлиши керак.
Масалан, сиз бўйдоқлигингизда оила қуриб, фарзандли бўлишни қанча режа - ният қилсангиз ва шунга тайёргарлик қилсангиз ҳам ота бўлиш нималарни тақозо қилишини аниқ ва тўлиқ била олмайсиз. Шу сабабли мавҳум келажакка ишониб қилган кўп ҳаракатларингиз бесамара кетиши мумкин.
Лекин ўша пайт салоҳиятли бўйдоқ қандай бўлишини ва бундай бўлиш сиздан нималарни талаб қилишини жуда яхши биласиз. Шундай экан, сиз ана ўша ҳолатда динингиз талаб қилган салоҳиятга эга бўлишга интилишингиз керак. Ана шу пайтда бунга муваффақ бўла олсангиз, келажакда шароит сиздан нимани талаб қилса, худди шу шароитга мос салоҳиятга яна эга бўла оласиз.
Яъни, сиз эртанги кун сиз учун нимани беркитиб турганини била олмайсиз. Бугуннинг масъулиятини бажариш орқалигина эртанинг фақиҳи бўла оласиз. Бунинг учун эса, ҳар он айни пайтда сиздан талаб қилинаётган нарсадан ғофил қолмай, эртанги муваффақиятларга доимий тақво билангина эришишингиз мумкинлигини уқишингиз лозим.
Абдулвоҳид Забихуллоҳни Фейсбук саҳифасидан олинди
Киши Умар розияллоҳу анҳунинг "масъул қилинишингиздан олдин фақиҳлашинг" деган гапларини биринчи эшитганида соддалик билан тушунади. Шахсан менда шундай бўлган. Бу гапни "бир киши келажакда бир соҳанинг масъули бўлишни режалайди ва шунга кўра ҳаракат қилиб қолиши керак" деб тушунганман. Кейин тушуниб етдимки, бу гапга бунданда чуқурроқ маъно юкласа бўлар экан.
Юқоридаги содда маъно бу бизнинг одатимизда шундоқ ҳам бор нарса. Бир нарсани режа қилсак, албатта шунга қараб тайёргарлик қиламиз.
Лекин бу гапда аслида тушунилиши керак бўлган нарса, ҳар доим бор имкониятдан фойдаланиб, ҳар он Аллоҳ таоло талаб қилган салоҳиятга эга бўлишдир. Яъни, бугунимиз хароб бўлган ҳолда мукаммал келажак учун эмас, бор шарт-шароитларга рози бўлган ҳолда бугунимизнинг ислоҳи учун ҳаракат қилишимиз керак. Тайёргарлик эрта учун эмас, ҳозирнинг масъулиятини зиммадан соқит қилиш учун бўлиши керак.
Масалан, сиз бўйдоқлигингизда оила қуриб, фарзандли бўлишни қанча режа - ният қилсангиз ва шунга тайёргарлик қилсангиз ҳам ота бўлиш нималарни тақозо қилишини аниқ ва тўлиқ била олмайсиз. Шу сабабли мавҳум келажакка ишониб қилган кўп ҳаракатларингиз бесамара кетиши мумкин.
Лекин ўша пайт салоҳиятли бўйдоқ қандай бўлишини ва бундай бўлиш сиздан нималарни талаб қилишини жуда яхши биласиз. Шундай экан, сиз ана ўша ҳолатда динингиз талаб қилган салоҳиятга эга бўлишга интилишингиз керак. Ана шу пайтда бунга муваффақ бўла олсангиз, келажакда шароит сиздан нимани талаб қилса, худди шу шароитга мос салоҳиятга яна эга бўла оласиз.
Яъни, сиз эртанги кун сиз учун нимани беркитиб турганини била олмайсиз. Бугуннинг масъулиятини бажариш орқалигина эртанинг фақиҳи бўла оласиз. Бунинг учун эса, ҳар он айни пайтда сиздан талаб қилинаётган нарсадан ғофил қолмай, эртанги муваффақиятларга доимий тақво билангина эришишингиз мумкинлигини уқишингиз лозим.
Абдулвоҳид Забихуллоҳни Фейсбук саҳифасидан олинди
2
1
1
1