Tasniym

Bilamizki eng ayanchli nadomat qiyomat kunidagi nadomat, chunki endi vaqtni ortga qaytarib bo\'lmaydi tavba qilishning savobli amallar qilib qolishning iloji yo\'q. To\'g\'ri dunyo hayotida ham vaqtni ortga qaytarib boʻlmaydi ammo qolgan vaqtimizdan unumli foydalanishimiz tavba qilib oxiratimiz uchun foydali amallarni qilishga ulgurib qolishimiz mumkin ammo qiyomat kunida buning imkoni yo\'q shuning uchun ham nadomatlarning eng yomoni qiyomat kunidagisidir chunki endi bizda vaqt ham imkoniyat ham yoʻq. Imomi Javziy farzandiga quyidagicha nasihat qiladi “Ey o‘g‘lim, bilginki, kunlar soatlarni tarqatadi, soatlar nafaslarni tarqatadi, har bir nafas xazinadir, sen biror nafasni behuda o‘tkazib yuborishdan saqlangin! Agar u hech narsasiz ketsa, qiyomat kunida bo‘sh xazinani ko‘rib nadomat chekasaan! O‘tkazayotgan har bir soatingda uni nimaga sarflayotganingga e’tibor ber. Vaqtingni imkon qadar eng yaxshi ishlarga sarfla. Nafsinga e’tiborsiz bo‘lma. Uni imkon qadar eng yaxshi va eng go‘zal amallarga undagin. Qabr sandiqlariga unga yo‘liqadigan kuningda xursand bo‘ladigan narsalaringni jo‘natib turgin.” imomning bu nasihatiga amal qilgan har bir mo\'min musulmon ikki dunyoda ham saodatga erishadi bir otaning farzandiga beradigan eng yaxshi nasihati shu bo\'lsa kerak. Allohdan ushbu nasihatga amal qilishimizda yordam berishini va buning amalini bizga oson qilishini so\'rab qolamiz. Assalomu alaykum va rahmatullohi va barokatuh

Dadamning yoshlari 50dan oshdi onamning sochiga oq yuziga ajinlar oraladi vaqt bizdan har kuni nimamiznidir olib ketayapti biz esa hamon gʻaflatda. Vaqtni qadrlash deganda asosan ilmga ibodatlarga vaqtni ajratishni tushunadigan boʻlib qolganmiz koʻpchiligimlz shu jumladan men ham lekin bugun Anglanishdagi postni oʻqib oʻylab qarasam yaqinlarimiz ham gʻanimat ekan avvallari ota-onamni yonida boʻlganim uchun sezilmagan endi talabalik yillari oʻtgani sayin ularning qadri bilinyapti nega oldilarida paytim xizmatlarini koʻproq qilmadim? nega shirin gaplar bilan koʻngillarini olmadim? Nima uchun yonlarida paytim vaqtimni ular bilan oʻtkazib olmadim? Bu savollarni oʻzimga koʻp beraman. Avvallari yonlarida edim imkonim bor edi lekin men bu imkonni qoʻldan boy berdim endi esa qishki va yozgi taʼtil paytlarida qisqa vaqt ichida yonlarida boʻlaman shu vaqtlarda ularning xizmatlarini qilishni, rozi qilishni Alloh nasib etsin.aslida bu ham bir neʼmat Allohga shukur lekin vaqtim imkonim borida foydalanib qolmaganimdan hamon afsuslanaman. Imkoniyat bor har bir inson har daqiqada ota-onasiga xizmat qilishini ularning roziligini olishini istardim. Yaqinlarimiz bilan oʻtkazayotgan har daqiqamizni gʻanimat bilaylik.

Shayx Sha’roviy rahimahulloh dedilar: «Mushafimiz ustida chang yig‘ilgani miqdoricha qalblarimizda g‘amlar to‘planadi». Uyingdagi Qur’oni Karimning usti chang bo‘lib, telefoning ekrani chang bo‘lmayotgan bo‘lsa, katta ziyonга uchrabsan. Telefon ekraniga qadalgan ko‘zlaringni Qur’on sahifalariga yo‘naltir! Esingni yig‘! Qur’oni Karimni qo‘lga ol! Qur’on oxiratda yo foydanggа yoki zararingga hujjat bo‘lishini unutma!

#taqriz Kitob: Ulamolar nazdida vaqtning qadri. "Mana shu ulkan olam boshlanishidan to nihoyasigacha vaqt koʻrinishida oʻtib boraveradi" Mutolaa davomida shuni tushundimki "Vaqt har doim ketadi, hech qachon kelmaydi" koʻpincha biz vaqt kelishini kutamiz, manfaatli narsalarni ortga suramiz keyingi hafta keyingi oydan keyingi yil qilaman .... hamma narsani keyin qilamiz. Nima uchun hozirdan foydalanib qolmaymiz keyin kelishini kutamiz? Biz kutgan keyin hech qachon kelmaydi. Har bir vaqtning oʻz amali vazifasi bor biz bu haqiqatni tushunib yetmagunimizcha keyinni kutib, yoki oʻtib ketgan vaqtga afsuslanib yuraveramiz. Kitobda Ibn Qoyyum rahmatullohi alayh aytadi " Oʻtgan vaqtga afsuslanish halok qiluvchi nadomatdir. Chunki har bir onimiz tez oʻtib ketadigan qadri baland va qaytib kelmaydigan fursatdir" Mendagi oʻzim sezmagan va eng xatarli illatlardan biri bu oʻtib ketgan vaqtga afsuslanib hozirgi vaqtni zoe qilish ekan. Deyarli har kuni nimalargador vaqtimni behuda sarflab keyin siqilib yurardim juda boʻlmasa telefonimni ekranida kunlik ishlatilgan vaqtini koʻrib shuncha vaqtim telefonda oʻtib ketibdi deb qolgan vaqtimni ham boy berib yurgan ekanman. Va yana kitobda Qatoda rahmatullohi alayhning quyidagi gaplari keltiriladi: "Bilinglarki uzun umr hujjatdir. Alloh taolodan uzun umr sababli taʼnaga qolishdan panoh soʻraymiz" Bazida yaqinlarimizning haqlariga duo qilayotganda Alloh umringizni uzoq qilsin, 100lrga kiring deymiz lekin aslida uzoq umr har doim ham hayrli emas ekan buning oʻrniga Alloh umringizga baraka bersin desak toʻgʻriroq boʻlar ekan. Inson bu dunyoda qancha yashagani emas qanday yashagani va dunyoki qay ahvolda tark etgani muhim ekan. "Zero, inson o‘z vaqtini g‘aflat, shahvat va botil orzular bilan o‘tkazganidan ko‘ra, uyqu va bekorchilikda o‘tkazgani yaxshiroq bo‘lib qoladi. Bunday insonga hayotdan ko‘ra o‘lim xayrliroqdir." "Vaqt nuqsonsiz va holis neʼmat boʻlganligi uchun makondan sharafli hisoblanadi" Hozirgi kunda juda koʻp eshitadigan gaplarimdan biri "Vaqt juda tez oʻtib ketayapti" , "Vaqt avvalgi zamonlardagiday emas, qisqargan" , balki biz toʻgʻri foydalana olmayotgandirmiz. Vaqt hali ham oʻsha-oʻsha avval ham hozir ham 1kun 24soatdan iborat, vaqt tezlashmagan aksincha bizning tasarrufimizda nuqson bor. Avvalgi ulamolar hattoki taomlanishdan vaqtlarini qizgʻonishgan biz esa umrimizni shunga sarflab yuboryapmiz avval pishiramiz soʻng yeymiz keyin tozalaymiz va yana shu narsa doimiy takrorlanadi, baʼzida bitta taomni yeyish uchun yuzlab kilometr masofaga, qoʻshni viloyatlargacha boramiz keyin esa vaqtimizda baraka yoʻq, tez oʻtib ketayapti deb noliymiz. Kun oxirida bugunimizni sarhisob qilib ertangi kunimizni rejalashtirmasdan pala-partish hayot hayot kechiryotganimiz uchun ham vaqtimizda baraka yoʻqolgan ekan. "Sogʻlik va boʻsh vaqt ham sarmoyadir" Biz bu sarmoyamizni kerakli joyga sarflayapmizmi yoʻqmi? Bu savolni har doim oʻzimizga berib turishimiz lozim chunki oladigan foydamiz sarmoyamizni qayerga sarflayotganimizga bogʻliq.

Nima ham derdik yoki yaxshi boʻladi yoki yaxshilikka.