MuhammadAliy

Sovuq tushdi. Biz taraflarda deyarli gaz yo'q. Barcha honadonlar o'tin-ko'mir bilan jon saqlashadi. Unga imkon topa olmaganlar elektr isitgichlardan foydalanadi. Bu tejamkorlar "limit" qo'yganidan keyin bir zumda faloncha so'm bo'lib ketarkan qurg'ur.

Ha, barcha ko'mir yoqqanidan keyin bilasiz hamma joyni ko'mir hidi tutib ketadi. Atrof-muhitga zararli gazlar chiqadi. Shu havodan biz, farzandlarimiz nafas oladi. Shu tabiat himoyachilarimiz bu borada og'ziga talqon solib o'tiradi. Birorta daraxt kesgan (bundayroq) odamni bilib qolishsa berdi Hudo. Shu bechoralarni ham haqqi bor-ku axir gazdan foydalanib, qiynalib, ovvora bo'lib yurmay osongina uyini issitishga. Yoki o'zingni sev, o'zgaga ........mi?!

Jamoat transportiga chiqarkanman juda ham jahlim chiqadi. Uni kutib turgan bir necha o'nlagan odamlar, unga sig'may keyingisini kutishni boshlaganlar, 20 kishi sig'adigan ulovda 30 kishi ming azobda ketishi. Bular barchasi ijtimoiy holatimiz qay darajada ekanligini ko'rsatib turibdi.

😡Nima uchun dunyoning bir tarafida odamlar anchagina yengil hayot kechirishyaptiyu, boshqa tarafida 2 ming so'm uchun azobga tayyorlar?!

To'ylarimiz xarajati qisqarsa, bir necha yuz kishi bilan emas, 50-60 ta odam bilan o'tkazilsa nima bo'ladi?

Katta-katta to'yxonalarga bo'lgan talab kamayadi. Shuningdek oziq-ovqat, meva-sabzavotlarga, turli xil yemaklarga bo'lgan ehtiyoj ham. Bu albatta ayrim sohadagi tadbirkorlar uchun yaxshigina yo'qotish bo'ladi.

Ammo boshqa tarafda ortiqcha mablag'ga ega iste'molchilar paydo bo'ladi. Ho'sh ular bu mablag'ini nima qiladi?! Sandig'iga solib qo'yadimi?! Yo'q albatta. Endi ular to'y-u marakalarga yillab pul yig'ish kerak emasligini tushunadilar. Endi ularda sayohat qilishga, sog'ligiga e'tibor berishga, farzandlarini qimmat bo'lsa ham sifatliroq ta'lim olishlariga, jilla qursa uyidagi sharoitlarni yaxshilashga imkon topadi. Tadbirkorlar ham endi minglagan kishini qornini to'ydirish-u ular uchun kattakon to'yxonalar qurishni emas, balki boshqa foydaliroq bo'lgan yo'nalishlarga e'tibor qaratadi. Qarabsizki butun umrini to'y qilish-u odamlarni qornini to'ydirish uchun chetda, oiladan uzoqda o'tkazuvchi millatdoshlarimiz endi o'zlari uchun yashay boshlaydi.

( Bular shunchaki shaxsiy qarash. Nimadir uchun tajovuz emas.)

Bahonalar bizni o'ldiradi...

5 million so'm oylik yetadi albatta. Biz noshukurmiz. Agar pulni maqsadli, rejali ishlatsak bemalol bir oylik yashash xarajatlarini qoplaydi.

Yaxshi keling unda kursidagilarni oyligini 5 million so'mga tushuraylik. Ular o'qigan, oliy ma'lumotli. Rejali ishlatishni qoyillatib qo'yishadi.