MuhammadAliy

- Ho‘p. Quddusnichi? Uni ham uyg‘otaveraymi? Harna menga yordam berib turardi. - Yo‘q u ozroq uxlayversin. Kecha kech yotgan. Otasi ertaga kelishini bilgach, bir dunyo hayollar bilan yarim kechagacha ag‘anab yotgan. Ha bugun naqd yetti yillik sog‘inchdan so‘ng Maryam o‘z turmush o‘rtog‘i Azimni intizorlik bilan yetib kelishini kutyapti. O‘shanda uy-ro‘zg‘or tashvishlarini yengillatish uchun Azim Rossiyaga jo‘nab ketganda Maryam 34 yosh edi. Uning qo‘lida esa naqd uchta farzandi: Sulaymon, Salima va Murod qolishgan, baxtdanmi yoki baxtsizlikdan to‘rtinchi farzandiga ham homilador edi. Garchi Azimning ishlari o‘xshamagan bo‘lsa ham, Maryam uning qaytishidan benihoya shod edi. Chunki buyoqda Sulaymon 15, Salima 13, Murod esa 11 ga kiryapti. Oilada og‘il tarbiya qilish, qolaversa tarbiyadagi otaning o‘rni baribir boshqacha. Qoraqozon bir nima bo‘lib qaynar lekin farzand tarbiyasi harnarsadan ustun edi Maryam uchun. Bomdoddan so‘ng Maryam hovliga chiqarkan, quvonchdan yuragi taka-puka urardi.Azim bugun uchib kelishi, kechga uyda bo‘lishini o‘ylab quvonchdan ichiga sig‘masdi. Nonushta ham qilmay hovlidagi ishlarga kirishib ketdi. O‘tlarni yulish kerak, xafsala bilan hovlini supurish, to‘kilgan daraxt barglarini tozalash. U ishga kirishib ketdi. Ko‘p o‘tmay Salima chiqdi. Oyisiga ko‘maklashib, oldiga o‘tirib olib o‘t yulishni boshlab yubordi. Ko‘p o‘tmay bu yerlarga oftob nurini sochishni boshlaydi. Shuning uchun tezroq, soya-salqinda buyerdagi ishlarni bitirib olish zarur. #tafakkur #kitobdan #книга #kitob

2-QISM Xo‘rozning qichqirishiga ham-ohang tarzda quyosh ham sekin asta o‘z umidbaxsh nurlarini sochishni boshladi. Bu nurlardan birinchi bo‘lib hovli etagidagi, kattagina o‘rik daraxti bahramand bo‘ldi. Bir qaraganda ko‘rimsiz tuyulgan bu honadonda o‘z saxovatini ayamaydigan faqat Maryam va shu o‘rik daraxti edi holos. Honadonga qarigan kampirdek mukkayib qolgan, oshiq-moshig‘i yedirilgan eski, kichkinagina yog‘och eshikdan kirasiz. Kirishingiz bilan honadon egasi kabi yolg‘iz ammo serhosil mayiz uzumga ko‘zingiz tushadi. Uni bazo‘r ko‘tarib turgan, qurtlarga yem bo‘layotgan yog‘och so‘rtakni ko‘rib rahming keladi odamni. Hovli sahni uyer buyeridagi asfalt qoldiqlarini hisobga olmaganda quruq yer. Yer bo‘lganda ham naqd 40 gradusga qiyshaygan adir misoli. Hovli shudgorida hosil yig‘imidan qolib ketgan pomidorlar uyer-buyerlarda ko‘zga tashlanadi. Bu yerlarda uzum yaxshi hosil berganligi uchun shudgor atrofiga birqancha uzumlar ekilgan. Hovli etagida esa bir necha tup daraxtlar, anor, o‘rik, gilos, bodomlar ekilgan. Hovli yonboshidagi yolg‘iz, mukkayib turgan kulba esa tovuqlar uchun boshpana vazifasini o‘taydi. Uning yoniga to‘rtta yog‘och ustunni tikkalab, tepasiga tunukalardan tashlab oshxona qilinga. Oshxona atrofi ochiq, ichida esa kamida qirq yildan beri hizmat qilib kelayotgan javon bilan o‘choq joylashgan holos. Hovli boshiga ayvonli uy qurilgan. Ikki xona yonmayon, derazalar bilan o‘ralgan, biridan ikkinchisiga o‘tib ketiladigan yana ikki xona. Salima derazalarni artarkan hovli tozalayotgan onasidan so‘rab qoldi: - Oyijon. Bugun dadamlar kelsa, ertaga menga yangi ko‘ylak olishga boramiz-a? Qarang birorta butun ko‘ylagim qolmabdi. Yaqinda olib kelganingiz, ammamning qizlarini ko‘ylagi ham uzoqqa yaramaydi shekilli. - Albatta qizim. Dadang eson omon kelsalar, Hudo hohlasa ertaga albatta boramiz. Sen kirib akalaringni uyg‘ot. Hovlini tartibga keltirish kerak, shudgorda qilinadigan ishlar ko‘p. Hademay mehmonlar ham kelib qoladi. #kitobdan #книга #kitob

(davomi...) Maryam ona. Bobosi eshon, otasi-onasi ham, o\'zi ham sovet kolxozlarida, daladan beri kelmay, halol mehnat bilan hayot kechirgan ayol, 4 farzandning onasi edi. Aqlini tanigandan boshlab mehnatdan boshi chiqmagan sho\'rlikni. Endi maktabga chiqadigan paytlari. Otasi dalada mehnat qilar, maktabdan so\'ng Maryam otasiga yordamlashish uchun borardi. Uning yakkayu yagona akasi Avaz esa mehnat qochar, unchalik hushlamasdi. Oilada ular 3 farzand edi: Maryam, akasi va singlisi to o\'sha mash\'um kungacha. O\'shanda Maryamning singlisi hali chaqaloq edi. Bir kuni chaqaloq yig\'lay boshladi. Uyda Maryamning akasi bor edi holos. Maryam va otasi dalada. Onasi esa yumush bilan ko\'chaga chiqqan. Avaz bolani ovutish uchun har nima qilib ko\'rdi. Bola ha deganda ovunmadi. O\'sha paytlari Avazning yoshi unchalik katta emas edi. Chaqaloq chinqirishdan to\'xtamas, Avaz nima qilishini bilmasdi. Bir tarafda esa o\'choqda ovqat qaynardi. U chaqaloqni ko\'tarib ovutmoqchi bo\'ldi. Uni ko\'tardi. Qo\'llariga tutdi. Oradan hechqancha vaqt o\'tmagandi. Chaqaloqni ko\'targancha yurarkan u o\'choq boshiga qanday borib qolganini ham bilmasdi. Chaqaloq qo\'lda ingrar, Avaz nima qilishni bilmasdi va birdan........ O\'sha mash\'um hodisa yuz berdi. U chaqaloqni yonib turgan o\'choqqa tushurib yubordi. Chaqaloq yig\'lashdan to\'xtadi. Avaz chaqaloqni olarkan, uning cho\'g\' tushgan boshini asta ko\'tararkan mutlaq karaxt ahvolda edi. Ozginadan keyin uning onasi, so\'ng otasi va Maryam kirib keldi...... Shu tariqa aka va singil ikkovlari qolishdi. Yillar o\'tdi. Maryam maktabni bitirib, to\'qimachilikda ish boshladi. Oilasiga, otasiga ko\'maklashishni istadi. To\'g\'ri u shifokorlikka qiziqardi. Ammo sharoit uni shunga majburlagandi. Oylar ketidan yillar o\'tdi. Maryamning bo\'yi yetib sovchilar kela boshladi. Uning otasi tanlovni Maryamga qoldirdi. U mahalladoshi, Afg\'on qatnashchisi Azimni tanladi. To\'g\'ri o\'shanda uning Azimda ko\'ngli yo\'q deb bo\'lmasdi. Balki chindan ham sevgandir. Ammo bu sevgi uning taqdir yo\'lidagi navbatdagi tun qorong\'usi tomon yetaklashligini bilmas edi. #kitobdan #книга #hayotiy #kitob

\"TUN FARZANDI\" (Ba\'zida hayotingda tun shunchalar cho\'ziladiki, go\'yoki quyosh hechqachon sen uchun nur sochmaydigandek tuyuladi) 1-QISM Roppa rosa 7 oy. Shuncha vaqtdan beri u o\'z ona yurtidan uzoqda edi. Taqdir bitgani, mana u bugun o\'z qishlog\'ining chang ko\'chalarini kezib, uyi tomon oshiqmoqda. Mashina suvog\'i to\'kilgan, tomi eskiligidan qulab tushay deyotgan uyning darvozasi oldida to\'xtadi. U mashinadan tushdi, yuklarni qo\'liga olar-olmas darvozadan volidasi chiqib keldi. Ha o\'sha, kimdir boraman desa darvozadan quloq uzmay, ko\'z tikib o\'tiradigan farishta misol Maryam ona. -\"O bolajonim Quddus keldingmi?! Eson-omon yetib keldingmi\"- deya yuz-ko\'zidan o\'pib, uni bag\'riga bosa ketdi. Quddus oiladagi eng kichigi, erkatoyi edi. Mana u 21 yosh bo\'lsa ham onasi huddi 4 yoshlik boladek uni avaylab, asraydi. Ular ichkariga kirishdi. Quddusning ishlari unchalar o\'xshamagan bo\'lsa ham, oiladagilarga sovg\'a-salom uchun pulidan ayamagandi. Jiyanlari uchun hali bu yerlarga yetib kelmagan o\'yinchoqlarni berib, ularning hursandchiligidan bahra oldi. Opasi uchun olingan jemferni ham egasiga topshirdi. 60 ga qarab ketayotgan onasi uchun ham sovuq kunlarga kiyar deya anchagina qimmatbaho jemfer harid qilgandi. Uni bergandagi quvonchini ko\'rsangiz edi. Sulaymonning xazinasini topib olgan odam ham unchalar quvonmaydi. Kechki taom tortildi. Quddus akasining ayoli yana janjal qilib ketib qolganligini fahmlagandi. Va bundan biroz jahli ham chiqqandi. Ammo bu masalada hozir gaplashishlikning o\'rni emas deya, boshqa mavzularda suhbatlashishdi. Quddusni hursand qilgan yagona narsa onasining yillar davomida yaroqsiz bo\'lib qolgan tishlarining o\'rnida yaraqlab turgan tishlargina edi holos. Tun cho\'kdi. Maryam ona yotish uchun joy hozirladi. Quddus huddi yoshlikdagiday onasining qo\'llaridan tutib, uxlashlikni sog\'ingandi. Ular uxlashga yotishdi. Quddus onasining qo\'llaridan tutgancha uxlab qoldi. Quddus bilmasdiki unga cho\'zilgan bu qaynoq qo\'llar yaqin oylarda sovushini, olgan kiyimini onasi hatto kiymasligini va vaqtlar o\'tib bu tun uning hayotidagi eng yaxshi tun bo\'lganligini..... #книги #книга #kitobdan #kitob

Bismillah. Bugundan Alloh taolodan madad so\'ragan holda \"Tun farzandi\" nomli, seriyali hayot hikoyamizni taqdim etishni boshlaymiz. Tragediya ishqibozlari, hayot sinovlaridan qaddi dol bo\'lgan qadrdonlarni sahifamizda kutib qolamiz!!! #hayotiy #книга #книги #kitobdan