Allohning qilichi.
Mubashshir Ahmad ustozning boshiga tushgan musibat shunchaki bir shaxs, bir olim boshiga kelgan musibat emas. Undan ham katta bir musibat ekani kun sayin oydinlashmoqda. Dinsizlar va dinbezorlar bir "millat" bo‘lib oldilar. Bor kuchlari bilan tirishib, ustozga nafratlarini sochmoqdalar.
Mening fikrimcha, ustozdan boshqa olimimiz boshiga shu kun tushganda, ularni bunchalik sevintirmas edi.
Ammo ustozning musibati ularga to'yga aylanib ketdi.
Sababi nima deb o'ylaysiz?
Ustozdan boshqa ham talaba o'qitadi. Masalan, men. Ustozdan boshqa ustozdek bag'rikeng olimlarimiz bor. O'rni kelganda ustozdek tanqid qiladigan boshqa ahli ilmlarimiz bor. Ammo ustozga bo'lgan munosabat ularga yo‘q.
Ijtimoiy tarmoqlardagi dahriy va baddinlar to'y qilishining eng katta sababi shuki, ustoz dahriylikka qarshi eng katta dushman edilar. Iymonsizlik va dinsizlik yoyilishiga qattiq qarshi edilar. Shu tufayli boshqa ixtilofiy masalalar, ayniqsa musulmonlar o‘rtasidagi o'zaro ixtiloflarga shunchaki xilma xillik deb qarar, bor e‘tiborlari esa dinsizlik yoyilishiga qarshi e'tibor qaratar edilar.
Balkim dahriylar o'zlari uchun ustozni eng katta dushman deb bilgani uchun bayram qilayotgandirlar. Xato qilyaptilar. Juda katta xato qilyaptilar. Meni shuni ishonch bilan ayta olamanki, eng og'ir davrda ham Alloh taolo ustozni bundan ham qiyin imtihonlardan olib chiqqan, bundan ham og'ir musibatlardan saqlab qolgan. Bu safar ham huddi shunday saqlab qoladi. Chunki Alloh taolo O‘zining qilichini sindirishlariga yo‘l qo‘ymaydi.
Albatta ko'rasiz, ustoz bu kunlarni ham yengib o‘ta oladilar.
Dahriylar shuni yaxshi bilishlari kerakki, hatto hukumat ularning qo'lida bo'lgan vaqtlar-SSSR vaqti ham mubashshirlarni yo'q qila olmaganlar! Bugun ular eng ojiz va eng oz, eng zaif va eng xor bo'lgan kunida mubashshirlarni yo'q qilamiz deb o‘ylaydilarmi? Aslo!
Siz nima deb o‘ylaysiz? Dahriylar nega bu darajada xursand bo'lmoqdalar?
Muhammad Odil Hamid
2
1
1