Adhamjon

Ilm bilan sening orangda qarindoshchilik rishtasi yo'q. Ilmga xizmat qilsang, senga vafo qiladi. Uni tark qilsang, tark qiladi.

Emishki, bir o'rmonda bolta paydo bo'lib, daraxtlarga qirg'in keltiribdi.

Daraxtlar unga qarshi chora topolmay, qari Emandan maslahat so'rashibdi.

- "Bolta deganlaring nima o'zi? U nimadan ishlangan?" - deb so'rabdi Eman.

- "Bolta - temirdan yasalgan bir matohdir", deb javob beribdilar.

- "O'zi-ku temir ekan, dastasichi? Dastasi ham temirdanmi?" deb so'rabdi Eman.

- "Yo'q" - debdilar, - dastasi og'ochdan, o'zimizdan".

- "Dastasi o'zimizdan bo'lsa, unga chora yo'q", degan ekan Eman.

© Tohir Malik ("Murdalar gapirmaydilar" kitobidan)

Senga bergan tog'-tog' vadamni o'ylab,

Ortiq meni kutma og'rinma gulim,

Chunki uzoqlarda sendan intizor,

Meni yig'lab kutar Aqso sevgilim!

Garchi gul vaslingga yetolmasamda

Joning omonligin bilib ko'nglim to'q.

Lek menga intizor ul janonada

Faryodin tinglovchi Salohiddin yo'q.

Qayerda deysanmi o'sha dildorni?

Falastin atalmish diyor bor Shomda

Qanday ishqing tushdi ko'rmagan bo'lsang?

Go'zal nomi kelgan ulug' Kalomda.

Ne kerak jon berib olis go'zalga?

U menga Rosulim omonatlari.

Uni bandi qilgan begona emas

Ummatning johillik hiyonatlari.

Bormasam bo'lmaydi yoshlaringni art,

Rosul sajdagohin payhon qildilar.

Totgan tuzlariga tupurib qo'yib

Ummat rijollarin o'lik bildilar.

G'oziylik visolga yetkazur oxir

Ko'rurman Aqsoning gul jamolini

Bobom Ibrohim kechirmas axir

O'rnin ololmasam bir chumolini.

Senla orzularim bir jahon edi

Lek meni umidla kutmagin gulim.

Ko'zlari jovdirab qo'rquv ichida

Meni yig'lab kutar Aqso sevgilim!