Oʻzimga nasihatlar Abdulloh ibn Abdugʻafur

#635

Suffa ahlidan bir kishi Payg'ambar alayhissalomga bir kosa uzumni hadya sifatida berdi. Rasululloh alayhissalom qabul qildilar va uzumdan yeya boshladilar. Muborak og'izlariga bir dona solar va tabassum qilardilar. Ikkinchi donasini solib, yana tabassum qilardilar. U zotning bu hollarini koʻrib, hadyani keltirgan kishi sevinganidan oʻziga sig'may ketardi.

U yerda hozir boʻlgan sahobalar ham Nabiy alayhissalomni kuzatib turishar va hayratlari oshib borardi. Chunki Rasululloh sollallohu alayhi va sallam qanday hadya kelmasin, sahobalar bilan baham koʻrardilar. Bu safar esa hech kimga bermay, oʻzlari yeyotgandilar.

Kosada keltirilgan uzum tugadi. Hadya keltirgan kishi sevinganicha ketdi. Hali ham hayron turgan sahobalar Rasululloh sollallohu alayhi va sallamdan nega hech kimga uzumdan bermaganlarining sababini soʻrashdi. Nabiy alayhissalom bunday javob berdilar:

- U odam hadya keltirganidan juda xursand edi. Lekin uzumdan bir dona olib yesam, nordon ekan. Agar sizlarga ham berganimda, taʼmidan beixtiyor yuzingizni burishtirishingizdan, hadya qilganning sevinchiga darz yetishidan xavotirlandim.

Ug'ur Qo'sharning "Hayotdan charchadingizmi? Unda Allohga qoching'' kitobidan

#634

Taqdirga ishonmoq dangasa va bekorchi bo'lish degani emas.Aksincha, omadsizlik va falokatlar qarshisida tayanch bo'ladigan bir bandargoh, vahima va tushkunlikka berilishning oldini oluvchi tuyg'udir.

Tavakkul tushunchasi ham shunday. Tavakkul Allohga ishonmoq demakdir. Biroq bu ishonch dangasalik va beparvolikka, ishni o'z holiga tashlab qo'yishga yo'l ochmasligi kerak. Haqiqiy tavakkul kishining zimmasidagi barcha vazifa-sabablarni bajarib, natijani yana Allohdan kutishidir. Darhaqiqat, natija, tavfiq Allohdandir.

Jaloliddin Rumiyning Masnaviy hikoyalariga sharhlar(40 hikoyaga 40 sharh)

#633

Shuʼayb alayhissalom aytganlarki:

Agar kimdir oyoq kiyim bersa, qanchalar quvonasiz, lekin sizga oyoq bergan Allohga qanday shukr qilmaysiz!? Bir kishi uzuk sovgʻa qilsa, uni yaxshi koʻrib qolasiz, ammo sizga barmoq va qo'llar bergan Zotni unutasiz!

Haqiqatan ham shunday. Lekin biz unutganimiz sari ulugʻ Alloh yana ikrom qilaveradi, chunki U Zot neʼmatlantirishni, rizqlantirishni yaxshi koʻradi. Biz unutishdan toʻxtamaymiz, Haq taolo esa ato etishdan.

Siz bu kabi boshqa Doʻst haqida eshitganmisiz? Yoʻq! Eshitmaysiz ham! Bandaga ming marta yaxshilik qiling, lekin bir galgina aytganini bajarmasangiz, dunyodagi eng yomon odam siz boʻlasiz, shunday emasmi?

Darhol malomatlar yogʻdiradi, dilingizga ozor beradi, hayotidan oʻchirib tashlaydi. Vaholanki, unga hamisha yaxshilikni sogʻingandingiz. Bir onda sizdan voz kechdi qoʻydi.

Shuning uchun ham bu dunyoda Allohdan boshqa sodiq doʻst, U Zotdan oʻzga sizni samimiy yaxshi koʻradiganni topolmaysiz. Shunday ekan, har qanday hodisa ortida uni koʻra olish bilan Haq taologa shukrimizni, rizoligimizni izhor qilgan boʻlamiz.

Ug'ur Qo'sharning ''Hayotdan charchadingizmi? Unda Allohga qoching'' kitobidan

#632

Doimo ayblaydigan tiling, kamchilik izlagan koʻzing, buzib-sindiradigan qoʻling bor ekan, Alloh rizoligiga erisholmaysan!

Ug'ur Qo'sharning "Hayotdan charchadingizmi? Unda Allohga qoching!" kitobidan