Khasan Sayfiev

Sening

Sen yaratgan olam-u inson goʻzal,

Sen yuborgan mustafo Qurʼon goʻzal,

Sen buyurgan har amal, iymon goʻzal,

Ruhlar ichra sunganing vijdon goʻzal,

Bu goʻzalliklar jamolingdan sening.

Har ishing har soʻz-u ahkoming buyuk,

ham jazoing hamda inʼoming buyuk,

Qilganing insonga ikroming buyuk,

Jannatingdek dini Isloming buyuk,

Bu buyukliklar jalolingdan sening.

Sen yaratmish ikki dunyoning tugal,

Har sifoting hamma asmoing tugal,

Barcha manglaylarda imloying tugal,

Dillar ichra chekkan imzoing tugal,

Bu tugalliklar kamolingdan sening.

#husayn_buxoriy