"Қутулмадинг... Тутилдинг!"
• Киши бирор гуноҳ ёки хато қилар экан унга ҳам шаръий ҳам кавний оятлар билан Аллоҳ эслатма юборади.
• Шаръий оятлар — унга насиҳат қилувчи биродарлар орқали, кавний оятлар — балолар орқали келади.
Агар банда шулардан ўзига тегишли хулоса чиқариб ўзини ислоҳ қилса яхши. Акс ҳолда унга ушбу икки оятлар орқали эслатмалар келиши тўхтайди. Шунда у гуноҳ қилгач секин пойлайди.. Унга ҳеч ким "Ҳой" демайди. Яна гуноҳ қилиб бирор мусибат келишини кутади. Унга бало ҳам урмайди. Аксинча, у нимани истаса унга эришаётганини кўради.
• Кейин унда бир-биридан ёмон уч хислатнинг бири пайдо бўлади.
— Аллоҳ мени билмаяпти деб ўйлаш (Бу кофирлик)
— Билса-да кечираяпти деб ўйлаш (Бу ғофиллик)
— Мен нотўғри иш қилмаяпман деб ўйлаш (Бу фитналаниш)
Аслида эса бу ҳолатда банда "қутулдим" деб ўйлаб "тутилган" бўлади.
Росулуллоҳ соллаллоҳу алайҳи ва саллам айтдилар: "Агар банда маъсиятда бардавомлигига қарамай, Аллоҳ унга дунёда истаганини бераётганини кўрсанг, билгинки бу истидрож (тузоқ)дир. (Имом Аҳмад)
Киши гуноҳ қилган заҳоти (шаръий ёки кавний) эслатма келиши учун унинг Аллоҳ ҳузурида яхшигина мартабаси бўлиши лозим.
— Одам алайҳиссалам қайтарилган мевани еб қўйган заҳоти Аллоҳ нидо қилди.
— Юнус алайҳиссалам қавмидан қочиб кетган заҳоти балиқ ютиб юборди.
— Саҳобалар уҳуд жангида итоасизлик қилиб тоғдан тушган заҳоти жанг тугамай мусибат келди
• Демак, гуноҳга бир тешик очган заҳотинг, эшикдан мусибат келиб турса бу сени ҳурсанд қилсин. Агар гуноҳ эшигини икки табақаси билан очиб қўйсанг ҳам, бирор тешикдан мусибат келмай, яхшилик эшиклари икки табақасига сенга очиб берилган бўлса, бу аҳволингга йиғлашинг лозим.
Чунки Аллоҳ таоло айтади :"Қачонки улар ўзларига берилган (шаръий ва кавний) эслатмаларни унутишгач, уларга барча (яхшилик) эшикларни очиб юбордик. Ҳатто улар ўзларига берилган нарсалар билан ҳурсанд бўлгач, уларни тўсатдан ушладик, баногоҳ улар ҳайратда қолдилар" (Анъом сураси, 44-оят)
"Қутулмадинг... Тутилдинг!"
• Киши бирор гуноҳ ёки хато қилар экан унга ҳам шаръий ҳам кавний оятлар билан Аллоҳ эслатма юборади.
• Шаръий оятлар — унга насиҳат қилувчи биродарлар орқали, кавний оятлар — балолар орқали келади.
Агар банда шулардан ўзига тегишли хулоса чиқариб ўзини ислоҳ қилса яхши. Акс ҳолда унга ушбу икки оятлар орқали эслатмалар келиши тўхтайди. Шунда у гуноҳ қилгач секин пойлайди.. Унга ҳеч ким "Ҳой" демайди. Яна гуноҳ қилиб бирор мусибат келишини кутади. Унга бало ҳам урмайди. Аксинча, у нимани истаса унга эришаётганини кўради.
• Кейин унда бир-биридан ёмон уч хислатнинг бири пайдо бўлади.
— Аллоҳ мени билмаяпти деб ўйлаш (Бу кофирлик)
— Билса-да кечираяпти деб ўйлаш (Бу ғофиллик)
— Мен нотўғри иш қилмаяпман деб ўйлаш (Бу фитналаниш)
Аслида эса бу ҳолатда банда "қутулдим" деб ўйлаб "тутилган" бўлади.
Росулуллоҳ соллаллоҳу алайҳи ва саллам айтдилар: "Агар банда маъсиятда бардавомлигига қарамай, Аллоҳ унга дунёда истаганини бераётганини кўрсанг, билгинки бу истидрож (тузоқ)дир. (Имом Аҳмад)
Киши гуноҳ қилган заҳоти (шаръий ёки кавний) эслатма келиши учун унинг Аллоҳ ҳузурида яхшигина мартабаси бўлиши лозим.
— Одам алайҳиссалам қайтарилган мевани еб қўйган заҳоти Аллоҳ нидо қилди.
— Юнус алайҳиссалам қавмидан қочиб кетган заҳоти балиқ ютиб юборди.
— Саҳобалар уҳуд жангида итоасизлик қилиб тоғдан тушган заҳоти жанг тугамай мусибат келди
• Демак, гуноҳга бир тешик очган заҳотинг, эшикдан мусибат келиб турса бу сени ҳурсанд қилсин. Агар гуноҳ эшигини икки табақаси билан очиб қўйсанг ҳам, бирор тешикдан мусибат келмай, яхшилик эшиклари икки табақасига сенга очиб берилган бўлса, бу аҳволингга йиғлашинг лозим.
Чунки Аллоҳ таоло айтади :"Қачонки улар ўзларига берилган (шаръий ва кавний) эслатмаларни унутишгач, уларга барча (яхшилик) эшикларни очиб юбордик. Ҳатто улар ўзларига берилган нарсалар билан ҳурсанд бўлгач, уларни тўсатдан ушладик, баногоҳ улар ҳайратда қолдилар" (Анъом сураси, 44-оят)
