Vazira Otamurodova

🌿 Kanalimiz botiga keladigan maktublarni eng koʻp qismi duolar haqida.. Qilgan duolari ijobatini aytib suyunchi oladiganlar bir taraf boʻlsa, yillar davomida qilgan duolarini ijobat boʻlmayotganidan hafa boʻladiganlar bir taraf... Shu sabab bugun duo haqida yozgim keldi...

📿 Duo insonga Alloh tomonidan berilgan eng katta neʼmat )) Duo qilish davomida nafaqat hojatlarimizni Allohdan soʻrab-soʻrab olamiz, balki Unga muhtojligimizni izhor etganimiz, ojizligimizni, Allohning yordamisiz hech kim emasligimizni tan olganimiz uchun ajr-u savoblarga ham ega boʻlamiz. 🙂 Shunday duolarimiz borki, ularni necha oylar va balki necha yillardan beri tinimsiz Allohdan soʻraganmiz... soʻrab kelyapmiz )) ammo baʼzilarini negadir hech ijobati keladiganga oʻxshamaydi a 🙃 ichimizda nimaga Allohim deb ham qoʻyamiz )) boshqalarni bilmadim, ammo manda shunday edi... Vaqt oʻtib, yillar oʻtib qanchadan - qancha yigʻlab soʻragan duolarim ijobat boʻlmagani uchun Allohga shukr qildim desam, ishonasiz a? Bilaman, ishonasiz )) chunki aynan sizda ham bir bora boʻlsada shunday holat boʻlgani aniq... Ozgina tafakkur qilsangiz kifoya...

☺️ Tasavvur qiling yosh bolasiz va sizni tomogʻingiz ogʻriyapti, lekin judayam muzdek suv ichishni istayapsiz... Ota-onangiz sizga muzdek suvni taqiqlaydi, sizga yahshi boʻlishi uchun, sizga zarar boʻlmasligi uchun.. Hayot ham shunday, baʼzi istaklarimiz biz uchun hayrli boʻlmagani uchun ham Alloh ularni ijobat qilmaydi.. va balki bizga undan ham yaxshiroq narsani tayyorlab qoʻygani uchun...

🌿 Sabr qiling va barchasini Allohning hukmiga havola qiling, vaqt oʻzi koʻrsatadi, barcha barchasi yahshilikka boʻlganini )) Unutmang, Allohning har ishida hayr bor, qadrligim ☺️

ҚУРЪОНГА ЧОРЛОВ

Эй ўғул, ўқ**** ушбу хатимни,

Бежавоб қолдирма насиҳатимни.

Худо Каломиға эҳтиром айла,

Мажийдни ҳофизанг ичра авайла!

Уйингни ҳар бурчи каломга тўлсин,

“Бисмиллаҳ” дегину, фалаклар кулсин,

Унутма бу ишни, тарк этма ҳар он,

Осиб қўйиш учун келмаган Қуръон!

Қанча кўп ўқилса, титилса Китоб,

Худонинг олдида камаяр итоб.

Китобнинг янгиси зўр китоб эмас,

Қуръони янги уй файзли эмас.

Қадимда совчилар солишса оғиз,

Каломни текшириб, сўрарканлар қиз.

Уй учун саналмиш энг гўзал одоб –

Титилган жойнамоз, эскирган китоб...

Бахт қўйиб юбормас десанг қўлингни,

“Фотиҳа”ни ўқиб, очгил йўлингни.

Кейин “Бақара”дан хулосалар ол,

Қанча чуқур кетсак, кучаяр хаёл.

Сайр этмоқ бўлибсан, ўғлим, Қуръонга,

Меҳмон бўлиб кетгин “Оли Имрон”га.

Ҳикоятлар тинглаб Мусо, Ийсодан,

Ўзингга хитоблар топгил “Нисо”дан.

Ўқиб сан сураи Мужодалани,

Топурсан Аллоҳга қанча нолани.

Калом юрагига қани, йўл олсин,

Деб сени қаршилар сураи Ёсин.

Кутиб олган бўлса гўзал “Таборак”,

Ўғилчам, улуғ бахт бўлсин муборак!

“Ар-Роҳман”ни ўқи бўстонда яйраб,

Сенга жўр бўлғуси булбуллар сайраб.

Ўқийвер, нолангдан титрасин олам,

Айла шайтонларнинг рангини сомон.

“Мўминун”ни ўқи, ҳис қилиб, англаб,

Мўминлар аслига қайтсинлар тинглаб.

“Кофирун”ни ўқи, аҳдингни бергин,

Тўғри йўлдасан-ку, кўксингни кергин!

Худонинг динига ким кўтарса қўл,

Сураи Таббатдан кўрсатиб қўй йўл!

Амал қил, кирдингми қутлуғ қасрга,

Мувофиқ яшасанг, бас, “вал ъаср”га.

Ўқи “Фил” сурасин, бағрини тилсин –

Янги Абраҳалар охирин билсин!

Ул улуғ Воқеа бўлмасдан аввал,

“Воқеа” сурасин ўқигин жадал!

“Қория”ни ўқи, йиғласин олам,

Ўшал оғир Кунга тайёрлан, болам!

Ихлос ила ўқи “Ихлос” сурасин,

У сани маҳшарда йўқлаб сўрасин!

Топганда олсин у шафоатига,

Худо изни ила ҳимоятига.

“Ихлос” қиёматнинг ажиб сиридир,

Худо Каломининг учдан биридир.

“Иза жаа”ни ўқи ҳаловатолди,

Фатҳ кунлари ҳам яқинлаб қолди.

“Фалақ” зулматидан истагин паноҳ,

Яхшилаб ўқисанг, асрайди Аллоҳ!

“Ан-Нос”нинг маъниси “одамлар” эрур,

Алар ҳам юракка зарарлар берур.

Ушбу сура билан тугайди Қуръон,

“Садақаллоҳ” деб қўй ўқигач ҳар он.

Чунки бу одамнинг сўзлари эмас,

Ҳатто пайғамбар ҳам китобим демас.

Ибни Масуъд бунда сўзламиш ғоят:

“Дунёдан афзалдир ҳар қандай оят!”

Энди ўйлаб кўргин не ўқиганинг,

Миллионлаб дунёни ҳис қилган танинг...

Малаклар пойингда тўшарлар гилам,

Қуръон қарши олар шафоат билан.

Болам, бундоқ бахтни топа олмассан,

Гар қадрин англасанг, ёпа олмассан!

Тушуниб қолсанг гар Қуръон лаззатин,

Инкор этар эдинг дунё роҳатин.

Ман ўзим бу йўлда кула олмадим,

Қуръон хизматчиси бўла олмадим.

Болам, такрорлама хатоларимни,

Қабул қил бу холис нидоларимни.

Қуръонни олгин-да, кўзингни ёшла,

Боболаринг кутар... Тиловат бошла!

@Xayrulla_Hamidov_adabiyot