يا شباب أنا عايز اديكم نصيحة والله لوجه الله تعالى..
نصيحة زول فتر خلاص وأكل عليه الدهر وشرب وعصرته التجارب والامنيات وختته في فتيل محكم الغلق
أي زول موقف موضوع الزواج ده بحنك أنو هسي ما جاهز وما عايز يتزوج إلا بعد يأسس لنفسه حياة كريمة، ويبني بيت أو يشتري عربية أو يجيب شيلة بالشي الفلاني ويعمل فرح في الحتة الفلانية.. وهلم مجرة
نصيحتي ليك أنت بتضيع في عمرك وزمنك وشبابك وحياتك وبتضيع في أولادك برضه والله.. لأنو بعد شوية بتلقى نفسك دقيت في الاربعين سنة والعداد ماشي وامورك لسة جايطة وكل ما تقول إنها حتتصلح صدقني حتجوط اكتر واكتر، أقسم بالله ما حتلقى العافية ولا الراحة في حياتك نهائي، لأنو أنت بتشوف نفسك بتقدر وأنت لسة ما متزوج، بتقدر أنك تعمل كل شيء بتحلم بيهو في وقت حريتك، لكن مع مرور الوقت بتكتشف براك أنو مستحيل الكلام ده يحصل وعوراضك حتكتر، الحل مشي حالك بالشيء القدرت تعملوا في حياتك وبديت بيهو ده، وابعد عن الأسر البتقول ليك أهم شي عندنا العادات والتقاليد ديل طق بيهم الحيطة وأجري، لأنو ما ناس سترة، ولا حتى بنتهم بتنفع تكون زوجة، لأنو اكتر شئ خارب البلد دي غير العادات والتقاليد القبيحة دي مافي شي.. نصيحة أخيرة أكسب زمنك وما تضيع عمرك
🖋️ همام الشفيع الحضري
يا شباب أنا عايز اديكم نصيحة والله لوجه الله تعالى..
نصيحة زول فتر خلاص وأكل عليه الدهر وشرب وعصرته التجارب والامنيات وختته في فتيل محكم الغلق
أي زول موقف موضوع الزواج ده بحنك أنو هسي ما جاهز وما عايز يتزوج إلا بعد يأسس لنفسه حياة كريمة، ويبني بيت أو يشتري عربية أو يجيب شيلة بالشي الفلاني ويعمل فرح في الحتة الفلانية.. وهلم مجرة
نصيحتي ليك أنت بتضيع في عمرك وزمنك وشبابك وحياتك وبتضيع في أولادك برضه والله.. لأنو بعد شوية بتلقى نفسك دقيت في الاربعين سنة والعداد ماشي وامورك لسة جايطة وكل ما تقول إنها حتتصلح صدقني حتجوط اكتر واكتر، أقسم بالله ما حتلقى العافية ولا الراحة في حياتك نهائي، لأنو أنت بتشوف نفسك بتقدر وأنت لسة ما متزوج، بتقدر أنك تعمل كل شيء بتحلم بيهو في وقت حريتك، لكن مع مرور الوقت بتكتشف براك أنو مستحيل الكلام ده يحصل وعوراضك حتكتر، الحل مشي حالك بالشيء القدرت تعملوا في حياتك وبديت بيهو ده، وابعد عن الأسر البتقول ليك أهم شي عندنا العادات والتقاليد ديل طق بيهم الحيطة وأجري، لأنو ما ناس سترة، ولا حتى بنتهم بتنفع تكون زوجة، لأنو اكتر شئ خارب البلد دي غير العادات والتقاليد القبيحة دي مافي شي.. نصيحة أخيرة أكسب زمنك وما تضيع عمرك
🖋️ همام الشفيع الحضري
