የሙሐመድ ትውልድ

♻🔻⚡🇵🇸🇮🇷🇸🇦 ከኢራን እስከ ኢራቅ ከዚያም እስከ ሳዑዲ ዑለሞች ለሚደርሰው ውዝግብ:-

በመጀመሪያ የፍልስጤም ነፃ መውጣትን የሚቃወም ሙስሊም የለም በሚለው እንስማማ በመቀጠል ሺዓዎች ያሉበትን የዲን ሁኔታ የማይታወቅ አድርጎ ማሰብ አያስፈልግም፡፡

🔸ፖለቲካውን ብቻ ልንገራችሁ...

ኢራቅ በምዕራባዊያን እየታገዘች ኢራንን ታጠቃ ነበር በዚህ ኢራቅ እና ሳዳም ልክ ናቸው የሚል ካለ ሳዳም አረብ ሀገራትን ሊቆጣጠር ጉዞ ሲጀምር ካዕባ ላይ አደጋ ሲደቅንም በተመሳሳይ መርህ የኩዌትን መወረር እና የሳዳምን ሳዑዲንም ጭምር የመቆጣጠር ፍላጎት መደገፍ ነው ግን ሳዳም በአረቦች እና ምዕራባዊያን ሲወገድ ኢራቅ ላይ የኢራን የበላይነት ነግሷል፡፡

በፍልስጤም ጉዳይ በከፍተኛ ሁኔታ ኃላፊነታቸውን የተወጡት እስራኤል ወገኖቻችንን ጨረሰቻቸው ብለው አንድ ጥይት ወደ እስራኤል የተኮሱት ናቸው እነዚህም ሊባኖስ፣ የመን፣ ኢራቅ እና ኢራን ናቸው፡፡ ከዚህ በመቀጠል ኃላፊነታቸውን የተወጡት የዲፕሎማሲ ጥረት እደረጉ ያሉት ናቸው አነዚህም ኢራን ቱርክ ሳዑዲ ኳታር አልጄሪያ ቻይና ሩሲያ እንዲሁም ብዙ የደቡብ አሜሪካ ሀገራት ናቸው፡፡

ኢራቅ ኩዌትን ስታጠቃ ኩዌት ነፃ የወጣችው እና አረብ ሀገራት ከመወረር የዳኑት በአሜሪካ መራሹ የጦር ጥምረት ታግዘው ብቻ ሳይሆን ብቻውን የኢራቅን ጦር አስወጥቶላቸው ኢራቅንም አፍርሶላቸው ነው ስለዚህ ሙስሊም ባልሆነ አካልም መታገዝ ይቻላል፡፡ ኢራን በሶሪያ እና ኢራቅ በርካታ ሱኒዎችን በሀገሯም ጭምር ጨፍጭፋለች የሚል ብዙ መረጃ አለ ይህ ከምዕራባዊያን የሚወጣ ስለሆነ በጥንቃቄ ማየት ይፈልጋል ምክንያም በርካታ ንፁሀንን በመካከለኛው ምስራቅ የገደሉት ISIS እና ሌሎች አሸባሪ ደርጅቶች ናቸው እነዚህ ደግሞ በዋናነት በአሜሪካ የሚደገፉ ናቸው፡፡

ኢራን የውጭ ጉዳይ ፖሊሲ መሰረቷ እስራኤል የምትባል ሀገር የለችም የሚል እና ፍልስጤምን በማፅናት ላይ መሰረቱን ያደረገ ነው፡፡ ፍልስጤማዊያን በሙሉ ሱኒ ሆነው በዚህ ልክ ብሔራዊ ደህንነቷ አደጋ ውስጥ ገብቶ ከሩሲያ ቀጥሎ በዓለም ከፍተኛው ማዕቀብ የተጣለባት ሀገር እስክትሆን ድረስ ፍልስጤማዊያንን እየደገፈች የመቀጠሏ እና እስራኤልን የመጥላቷ ምክንያት የፍልስጤማዊያንን ነፃነት መፈለጓ እና እስራኤል ለብሔራዊ ደህንነቴ ስጋት ናት ብላ ማሰቧ ነው፡፡

ሳዑዲ አረቢያ ካላት የኢኮኖሚ እና የፖለቲካ ተፅእኖ አንፃር ብዙ አላደረገችም በሚል እንጂ ያን ያህል በዘመቻ ልትሰደብ የሚገባት ሀገር አይደለችም፡፡ ከእስራኤል ጋር የጀመረችው የእርቅ ሂደት እንዳለ ሆኖ ቢያንስ እስካሁን ይፋዊ ወዳጅነት ያልመሰረተች ሀገር ነች ለዚህ የቀደሙ ንጉሶቿን እና ዑለማዎቿን ማክበር ግድ ነው አሁንም መንግስታዊ አስተዳደሩ በተለይም በየመን የውስጥ ጉዳይ ገብቶ የፈጠረው የንፁሀን ስቃይ ከባድ ቢሆንም ከአረቡ ዓለም በተሸለ በኢስላማዊ መርህ የቆመች የተረጋጋች እና ጠንካራ ሀገር ነች ፍልስጤማያንንም በተለይም በኢኮኖሚ እና ሲቪል አስተዳደሩን በመደገፍ ትልቅ ሚና አላት፡፡

ባለንበት ዘመን የእስራኤል ፍልስጤም ጉዳይ በመካከለኛው ምስራቅ እና በቀጣዩ አዲሱ የዓለም ስርዓት ላይ እጅግ ወሳኝ የሆነ ሀይማታዊ ስርዓትን በመጠበቅ እና ኃይማኖት አልባ ዓለም በመፍጠር መካከል የሚደረገው ዘላለማዊ ትግል መነሻ ጉዳይ ነው፡፡ እስራኤል ፈጣሪ የለም ብሎ በሚያምነው ቴዎዶር ሄርዝል የተፀነሰች የኢ-አማንያን መነሻ ስትሆን ፍልስጤም ደግሞ በምድር ላይ ካሉት ኃይማኖታዊ ቅሪቶች ውስጥ እጅግ ጥንታዊውን ትልቅ ተአምር የያዘውን አለ አቅሳ የያዘች ቀደምት የኃይማኖት ፋና ነች፡፡

ሳዑዲ ግብፅ ኩዌት እና ሌሎችም ከኢራን ጋር የተሸለ ግንኙነት ጀምረው መካከለኛው ምስራቅ ላይ በትብብር ለመስራት ጥረት እያደረጉ ባለበት በዚህ ጊዜ ፍልስጤማዊያን በኢስላምም በሞራልም የመዋጋት ፍፁም መብትን በተሰጣቸው የጽዮናዊያን ህዝብ ጋር በሚያደርጉት ትግል በኢራንም ሆነ በማንኛውም የእነሱን ዓላማ በሚደግፍ ወይም ለራሱ ጥቅም ሲል እነሱን በሚደግፍ ሀገር ቢታገዙ ምክንያታዊ ፖለቲካ ነው፡፡ አሜሪካ ፍልስጤምን ብትደግፍ ማንም ሙስሊም ሊቃወም አይችልም አሜሪካ ከያዘችው ዘግናኝ ፈሳድ ጋር፣ ኢራንም ፍልስጤማዊያንን ሺዓ ሁኑ ሳትል መደገፍ ከፈለገች ፍልስጤማዊያን በኢራን ቢታገዙ የሚከለክል ነገር የለም፡፡

አሁን ባለው ዓለም የፖለቲካ አሰላለፍ አረቦች በዲፕሎማሲም ሆነ ተዋግተው ፍልስጤምን ነጻ አያወጡም፡፡ ስለዚህ ፍልስጤማዊያንን ከማለቃቸው በፊት ኢስላማዊ ኃይማኖታቸውን አክብሮ ለራሱ ስትራቴጂክ ጥቅምም ሆን ለእነሱ ብቻ ብሎ ከሚያግዛቸው አካል ጋር መተባበር አለባቸው፡፡

የመጀመሪያ እውነት በአይናችሁ ያያችሁት ነው፡፡ ፍልስጤማዊያን ሀገራቸውን ላለማጣት እየታገሉ ነው ኢራን ይሄን እየደገፈቻቸው ነው፡፡ ሳዑዲ ብዙ እንድታደርግ ይጠበቃል ግን ሀገሪቱን መሪዎቿን ይባስ ብሎ ዑለማዎቿን መሳደብም ሆነ ክብር መንካት በፍፁም በፍፁም አደገኛ አካሄድ ነው፡፡

ቴሌግራም https://t.me/Alif_Online_Official ላይ ጆይን በማድረግ ወቅታዊ መረጃን ተከታተሉ