የሙሐመድ ትውልድ

⚡የኢስማኤል ሀኒየህ መገደል አንድምታ:-

እሱ የሐማስ የፍልስጤማዊያን የተቃውሞው ኃይሎች መሪ ብቻ አልነበረም፣ እሱ በቅርብ ዘመናት ፖለቲካ እና ኢስላማዊ ስርዓትን ከኢስላማዊ ጂሀድ ጋር አጣምሮ መሄድ እንደ ሰማይ ከራቃቸው ድንዙዝ አረቦች ዘር የተመረጠ የጀግንነት ምልክት ነበር፡፡

እሱ ዙሪያውን በከዱት ሱኒ አረቦች መካል ለሶስተኛው ቂብላ መከበር ሰበብ ለመሆን ድጋፍ ለማግኘት ሲባክን የነበረ መሪ ብቻ አይደለም፣ እሱ ዓለም ላይ ካሉት ሁሉም መሪዎች የተሻለ ኢስላምን ያወቀ ቁርዓንን ሀፍዞ ቁርዓንን የሀፈዙ ህዝቦችን የመራ የዘመናችን ሙዕሚን መሪ ነበር፡፡

እሱ ከፍልስጤም እና የመን የሱኒዮቹ ተቃውሞ እስከ ኢራቅ ሊባኖስ እና ኢራን የሺዓ ተቃውሞ ኃይሎች እኩል መግባባትን ፈጥሮ ቁድስን ያስከበረ የዲፕሎማሲ ሰው ብቻ አይደለም፣ እሱ እስራኤል በተቃውሞ ከበባ የማያባራ የስጋት ህይወት ውስጥ እንድትኖር ያደረገ የእስራኤልን መጥፋት በእጅጉ ያቃረበ ከገዢዎቹ ውጪ በሁሉም ሙስሊም ዓለም የሚወደድ ውድ ሰው ነበር፡፡

ለምን ተገደለ?

ኔታንያሁ እና መላው ምዕራባዊያን እንዲሁም ለዙፋናቸው የሚጨነቁ ሙስሊም መሪዎችም ጭምር የእሱን መሞት እንደሚፈልጉ እገምታለሁ እንዲሞት የሚፈልጉበት የሁሉም ምክንያት ግን ይለያያል፡፡

እስራኤል አሁን ጦርነቱን እንደት አድርጋ እንደምታቆመው መንገድ እየፈለገች ነው፡፡

አሳካዋለሁ ያለችው ድል ሩቅ እንደሆነ ግልፅ ነው ግን ለህዝቡ አሸነፍን ለማለት ይሄው ሳላህ አል አሩሪ እና ኢስማኤል ሀኒዬህን ከሐማስ ኮማንደር ፉአድ ሾክሪን ከሂዝቦላህ ገደልን (ፉኣድ ሾክሪ ገና ሂዝቦላህ ማረጋገጫ አልሰጠበትም አላህ ካተረፈው አስተካክላለሁ) እነዚህ ቡድች ከእንግዲህ አቅም የላቸውም ብለው ለማስረዳት ይሞክራሉ ከዚያም የተኩስ አቁም ስምምነቱ እስራኤል እንዳሸነፈች ተደርጎ እንዲታዎቸጅ ይፈልጋሉ፡፡

በምርጡ ሰው ግድያ ሁሉንም ሀገር እጠረጥራለሁ ሁሉንም ሀገር፣ ኔታንያሁ አሜሪካ በሄደ ሰአት ጦርነቱን አቁም ተብሎ መምጣቱን አውቀናል እሱም እሺ ቢያንስ ለፖለቲካ የሆኑ ሰዎችን ልግደል እኛ ምንም የሚወራ ድል ሳይኖረን ውጊያውን ካቆምን ለሁሉም የምዕራቡ ዓለም ሽንፈት እና ለተቃውሞው ብርታት ይሆናል ስለዚህ አግዙኝ ብሎ እንደለመናቸው አስባለሁ እነሱም ተስማምተዋል፡፡

ሁለተኛ ተጠርጣሪዬ ኢራን ነች፣ ዝርዝር መጻፍ አልችልም ግን እንዴት በዚህ ልክ ለሀኒዬህ ደህንነት ዋስትና መስጠት ሳይችሉ ጠሩት ሲቀጥል ሀገሪቱ ራሱ ከዚህ በፊት ታይቶ በማይታወቅ ሁኔት የእስራኤል ሚሳኤል ዋና ከተማዋ ቴህራን ድረስ ገብቶ ሀኒዬህ ያለበትን ቤት እስኪመታ ደህንነቷ ያልተረጋገጠ ሆነች?

ሶስተኛ ተጠርጣሪዬ የአረብ ሀገራት መሪዎች ናቸው፣ እዚህ ላይ የኢራን ጦር የጥቃቱን ሁኔታ መረጃ እስኪያወጣ ብዙ ነገር አልልም ግን በፍቅር ተወዳጅተው መኖር ከሚፈልጓት እስራኤል ጋር ፍልስጤምንም ሰጥተው ቢሆን የተረጋጋ የወዳጅነት ጊዜ እንዳያሳልፉ እንቅፋት ሆኖብናል ብለው የሚያስቡት ይሄን ጠንካራ ሰው ስለሆነ እንደው በተወገደልን ብለው ሊያስቡ ይችላሉ፡፡

በሀኒዬህ መገደል መካከለኛው ምስራቅ ላይ ትልቅ ለውጥ እጠብቃለሁ ወይ ጦርነቱ በቶሎ ይቆማል ወይም የለየለት ግጭት ይነሳል፡፡

ሀኒዬህ እንደ አንድ ሙስሊም ሙጃሂድ በወባ ሳይሆን ቤተሰቡን ሁሉ አጥቶ ሶብር አድርጎ እየታገለ ሳለ ሸሂድ ሆኗል፡፡ ሐማስ እና ተቃውሞው የተገነቡት በእሱ አይደልም በማይቀለበስ አላማ መሪ በማይጠፋበት ልክ ነው፡፡ የህያ ሲንዋር እና መሀመድ ዴይፍ ጋዛ ውስጥ ምንም ሳይሆኑ ባሉበት ሁኔታ ሀኒዬህ የተገደለበት ክስተት ጥያቄ የሚያጭር ነው፡፡

የሙሐመድ ትውልድ