Abror Muxtor Aliy

#ШЕЪРИЯТ

ВОЗ КЕЧДИМ

На замон меники, на макон мендан,

Эртадан, кечадан, кундан воз кечдим.

На умр меники, на бу жон мендан,

Мен Сени кўрай деб мендан воз кечдим.

Дардга ҳадаф бўлдим, Сен ўқсан дея,

Гулларга ёлвордим, Сен бурқсин дея,

Сен йўқсан ёнимда, Сен йўқсан дея,

Уйқудан воз кечдим, тундан воз кечдим.

Сенсиз овунчим йўқ, йиғласам, кулсам,

Сени сўрасалар не дейман десам,

Сенга қовушганда ранжитиб қўйсам -

Дея-дея охир Сендан воз кечдим.

©️ Ўрхон Ҳақолмас

©️ Таржимон Маҳбубий