baxtim

#iqtibos

Ogʻir-og'ir otar tong,

Oftob tinmay urar bong,

G'aflat toʻshagida dong

Qotgan millat meniki.

Oʻylaydigan o'yi yoʻq,

Nedan buncha ko'ngli to'q,

Oʻz ko'ksiga oʻzi o'q

Otgan millat meniki.

Yallosini qo'ymaydi,

Tokay to'yga to'ymaydi,

O‘lgunicha o'ynaydi,

Bitgan millat meniki.

Kir ko‘ylagini yechmay,

Boshqalarga to'n bichgay...

Suvini oʻzi ichmay,

Sotgan millat meniki.

Qachon turgay oyoqqa?

Kuni qolgan olchoqqa,

Boʻgʻzigacha botqoqqa

Botgan millat meniki.

Ne-ne shoirlar kelib,

Oʻlib ketarlar, oʻlib...

Yer bilan bitta boʻlib

Yotgan millat meniki.

© Behzod FAZLIDDIN