ምልክት ነኝ እኔ!
«ዘውድአለም ታደሠ» (2019G.C)
ማፍረስን ያውቃሉ
መጠገን ታውቃለህ
መግደልን ያውቃሉ
ማዳን ትችላለህ
አንተን ያመነች ነፍስ ፥ መቼ ትተዋለህ?
“እሳት ከላይ ዘንቦ፥
ህንፃ እያፈረሰ ፥ ነፍስ እየቀጠፈ
ከቶ በምን ታምር ፥ ሳይነካኝ አለፈ?”
ብዬ አልጠይቅም!
ከሃያላን ሁሉ የሚልቀው ሃያል
ከፍርስራሽ መሃል
ደካማ ታድጎ ፥ ጉልበቱን ያሳያል!
እሳት የሚተፋው
በራሪ እንዳሞራ
ሞት እየተኮሰ
መስኪድ እያጋየ
ቢፎክር ቢያቅራራ
ጡንቻውን ቢለካ ፥ ተራራ እየናደ
አንድ ነፍስ አትጠፋም ፥ አላህ ካልፈቀደ!
እንዲህ ነው ሚናገር ጀሊሉ በቅኔ
ሁሉን እንደሚችል ፥ ምልክት ነኝ እኔ!
ዱንያ እንደው ከንቱ
እንፋሎት ነች ጤዛ
ሁኔታን እያየሁ ፥ ለምን ሃዘን ላብዛ?
ብሞትም ጀነት ነኝ ፥ ብኖርም በቅፉ
የሱን ቅጥር አልፎ ፥ አይነካኝም ክፉ!
ይልቅ አመዱ ላይ
ምንጣፌን ዘርግቼ
የዙሪያዬን ሳይሆን ፥ ሰማዩን አይቼ
ፈፅሞ ሳልፈራ ፥ ላንዲቷ ህይወቴ
እንበረከካለሁ ፥ እነሆ ሶላቴ!
ምልክት ነኝ እኔ!
«ዘውድአለም ታደሠ» (2019G.C)
ማፍረስን ያውቃሉ
መጠገን ታውቃለህ
መግደልን ያውቃሉ
ማዳን ትችላለህ
አንተን ያመነች ነፍስ ፥ መቼ ትተዋለህ?
“እሳት ከላይ ዘንቦ፥
ህንፃ እያፈረሰ ፥ ነፍስ እየቀጠፈ
ከቶ በምን ታምር ፥ ሳይነካኝ አለፈ?”
ብዬ አልጠይቅም!
ከሃያላን ሁሉ የሚልቀው ሃያል
ከፍርስራሽ መሃል
ደካማ ታድጎ ፥ ጉልበቱን ያሳያል!
እሳት የሚተፋው
በራሪ እንዳሞራ
ሞት እየተኮሰ
መስኪድ እያጋየ
ቢፎክር ቢያቅራራ
ጡንቻውን ቢለካ ፥ ተራራ እየናደ
አንድ ነፍስ አትጠፋም ፥ አላህ ካልፈቀደ!
እንዲህ ነው ሚናገር ጀሊሉ በቅኔ
ሁሉን እንደሚችል ፥ ምልክት ነኝ እኔ!
ዱንያ እንደው ከንቱ
እንፋሎት ነች ጤዛ
ሁኔታን እያየሁ ፥ ለምን ሃዘን ላብዛ?
ብሞትም ጀነት ነኝ ፥ ብኖርም በቅፉ
የሱን ቅጥር አልፎ ፥ አይነካኝም ክፉ!
ይልቅ አመዱ ላይ
ምንጣፌን ዘርግቼ
የዙሪያዬን ሳይሆን ፥ ሰማዩን አይቼ
ፈፅሞ ሳልፈራ ፥ ላንዲቷ ህይወቴ
እንበረከካለሁ ፥ እነሆ ሶላቴ!
6