Hayder Muzemil

🍂የ100 ወይስ የ10 ብር ትርፍ?

<<ብቻህን ብትሆም በሃቅ ላይ እስከሆንክ አትጨነቅ።>>

ይህ ሀሳብ ገዢ ነው። ነገር ግን ሁሌም ብቻህን ከሆንክ እና አንተ ዘንድ ያሉ ሰዎች ቁጥር ሁሌም እየተመናመነ ከሆነ ዙሪያህን ተመልከት፣ አካሄድህን አጢን። የጎደለኝ ነገር ይኖር ይሆን?  ብልህ እራስህን ተመልከት። አካሄድህ ሃቅ ቢሆንም እንኳን ለኡማው የምታደርስበት መንገድ ምን እንደሚመስል አስተውል። ከሰለፎች አንፃር የዳዕዋ አጀማመርህ እና አካሄድህ ምን አይነት ሚዛን ላይ እንደሆነ ተመልከት። ፈረስ ለመጋለብ ካሰብክ የኮርቻውን መፈናጠጫ መርገጥህን ማረጋገጥ ግድ ይላል። ዳዕዋ የምታደርግላቸውን ሰዎች ሁኔታም ማጤን እንደዚሁ ነው። በሃላል መንገድ የ100 ብር ትርፍ ያለበት ገበያ ትተህ የ10 ብር ትርፍ ለማትረፍ የምትኳትን ከሆነ ሞኝ ወይም እብድ ከመሆን አታልፍም። በአጭሩ ዙሪያህን ሳታጤን፣ ማድረስ ያለብህን ሰበቦች ሳታደርስ ብቻዬንም ብሆን ሃቅ ላይ እፀናለሁ! ማለት ትክክል አይሆንም። ለዚህም ነው አምላካችን አላህ በሱራ አል–ዒምራን፣ ቁጥር 104 እና 105 ላይ: <<ከእናንተ ወደ በጎ ነገር የሚጣሩ፣ በመልካም ስራ የሚያዙ፤ ከመጥፎም ተግባር የሚከለክሉ ህዝቦች ይኑሩ። እነዚህ ፈላህ የሚወጡ ናቸው። እንደነዚያም ግልፅ ማስረጃ ከመጣላቸው በኋላ የተለያዩና የተጨቃጨቁ እንደሆኑት አትሁኑ። ለእነርሱም ታላቅ ቅጣት አለላቸው።>> ያለው

<<اللبيب تكفيه الإشارة>>

"ብልህ የሆነ ሰው ጥቆማ ትበቃዋለች"

✍ አቡ ሁዘይፋህ’

https://t.me/nurmesjed

ደስተኛ ነህ❓ ደስተኛ ነሽ❓

ደስታስ ምን እንደሆነ እናውቀዋለን?

ደስታ ሁሉም የየራሱ ፍቺ የሚሰጠው ቢሆንም ጠቅለል ስናደርገው ግን: ደስታ ማለት:— "ተከታታይና የማይቋረጥ የሆነ ውስጣዊ መዝናናት፣የተረጋጋ የውስጥ ስሜት፣ሐሴት ማድረግ ሲሆን፥ይኸውም የሚገኘው በሀያሉ ፈጣሪ አላህ እና ከሞት በኋላ ባሉ ፀጋዎች በማመን፣ከመልካም ስብዕና፣መልካም ነገሮችን አዘውትሮ ከማድረግ፣ለስኬት ከበቃች ሕይወት፣ እንዲሁም የመጨረሻ ሕይወት እጣ ፈንታ ማማር የሚገኝ የእርካታ ጫፍ ነው"።

ታድያ ይህንን ደስታ ለማግኘት ሰዎች ብዙ ውጣ ውረዶችን ያልፋሉ፣ብዙ መሰናክሎችን ይጋፈጣሉ፣ አያሌ ዘዴዎችን ይዘይዳሉ፣የምክር አግልግሎቶችን ይታደማሉ። ደስታም በሃብት፣ በስልጣን፣በፖለቲካ፥በእስፖርት፥በሳይንስ፣ዝነኛ በመሆን፣በትምህርት ጥሩ ውጤትን በማስመዝገብ ይፈልጉታሉ። አንዳንዶች ደግሞ ደስታ ዱርዬ መስሏቸው በየመጠጥ ቤቱ፣ በየጭፈራ ቤቱ፣በየዝሙት ቤቱ ይፈልጉታል ግን ደስታ ዱርዬ አይደለም።  ይህ ሁሉ ልፋታቸው ግን ደስተኛ ሊያደርጋቸው አይችልም። ምክንያቱም የጎደላቸው አንድ መስፈርት አለና። እርሱ በሃያሉ አምላክ አላህ ማመን እና ለእርሱም ትእዛዛት ማደር ነው።

አላህም እንዲህ ይላል:

﴿مَن عَمِلَ صالِحًا مِن ذَكَر أَو أُنثى وَهُو مُؤمِن فَلَنُحيِيَنَّه حَياة طَيِّبَة وَلَنَجزِيَنَّهُم أَجرَهُم بِأَحسَن ما كانوا يَعمَلون﴾ (النحل٩٧）

ትርጉም: ከወንድም ከሴትም አምኖ ከዛም መልካምን የሰራ ያማረችን ህይወት እናኖረዋለን፣ይሰሩትም ከነበረው በተሻለ አንመነዳቸዋለን። [አል ነህል 97]